JEREMIA 22:6 - Biblia Ilagho Jiboie Kwa Wandu Wose

⁶ “BWANA waghamba huwu aighu ya ngome ya mzuri wa Juda, ‘Ini nadakuwona sa Gileadi, kooka sa mdo ghwa Lebanoni; elaima nichakubonya kuwuye kireti, muzi ghusekailwagha ni wandu.

JEREMIA 22:6 ပူးပေါင်းရင်းမြစ်များ

KUZOYA 37:25

Hata iji wereserieghe kidombo kuja vindo, wikawona longo lwa Waishmaeli wikisea kufuma Gileadi na ngamila rawo, raduka marumba na manemane wikighenda cha Misri.

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

LUMBO 4:1

Kwaghokie kwaki huwu mkundwa! Meso ghako gheeghoka sa gha iringo a pazienyi kwako. Iridia jako jaawuyamichika sa iranu ja mburi, riseagha a lughongonyi lwa Gileadi.

LUMBO 5:15

Maghu ghake gheeka sa nguro ra marimari rimangishiro aighu ya dhahabu, fwana yake eeka sa Mighondi ya Lebanoni, na miereri yaro izoghue ighu.

ISAYA 27:10

Muzi ghorekoghe na ngome ghwasighwa mduu, wandu waghukimbirie ghukasighwa sa kireti; aho niko ng'ombe rilishwagha, radadima aho na kukonua mbashu ra midi yaro.

ISAYA 37:24

Kwadumie wadumiki wako winiseke ini BWANA, kukaghora wei kwajokie mighondinyi na magare ghako; kukajoka hata koigu Lebanoni, kukaghusha iyo misida yake milacha na iyo misumbesu yake iboie; kukajoka hata andu kwaro kwa ighu hata kondenyi msidunyi ghwake ghukambie.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

JEREMIA 21:11

“Ghora kwa nyumba ya kiwuzuri ya Juda huwu, Sikirenyi seji ini BWANA nighoragha,

JEREMIA 21:14

Nichakukaba kunughana na mabonyo ghako ghizamie, nichakora modo andenyi ngome yako na kutotesha kula kilambo chiko mbai-mbai yake.”

JEREMIA 22:24

BWANA waghamba, “Sa iji koni nikaiagha moyo, hata ngera Jehoiakini mwana wa Jehoiakimu, mzuri wa Juda odeeka sa pete ya muhuri chalenyi chapo cha mkonu ghwa kiwomi, nadamfunya noko

JEREMIA 26:18

“Mika wa Moreshethi orefunyireghe wulodi matuku gha Hezekia mzuri wa Juda, ukawizera wandu wose wa Juda, ‘BWANA wa majeshi, waghamba huwu, Sioni ichalimwa sa mbuwa, Jerusalemu ichawuya kitungu cha maghacho na mghondi ghwa Hekalu ghuchawuya msidu.’

JEREMIA 4:20

Kunoneka kwaawuyanughana, isanga jose jawuya kitungasi; hema rapo raanonwa shwa wori, na pazia rapo wori.

JEREMIA 4:7

Mtoteshi wa iro mbari ra wandu wameria kufuma sa shimba ifumagha kisachinyi chake; waawuyacha kumtotesha Juda, na mizi ya Juda ichasighwa yameria kuwuya maghacho; na mndungi okaia andenyi yaro uchaasoweka.

JEREMIA 50:12

ela ugho muzi ghonyu m'baa ghuchafushwa waya nandighi, muzi ghwa Babuloni ghuchaserwa nandighi. Ola! Ghuchawuya muzi ghwa nyuma putu ghwa iro mbari ra wandu, na kuwuya kireti chiomie chiwurie ikara.

JEREMIA 7:34

Ndekuchaakaia na mndungi andenyi ya mizi ya Juda na hata chienyi ra Jerusalemu; ndekuchaakaia na kuseka kungi aho, hata kuboilwa kungi; lwaka lwa bwana arusi angu lwa bibi arusi ndeluchaasikirika aho, kwa kukaia aho kuchawuya sa kireti.

JEREMIA 8:22

Wele wughanga ghungi ghohoresha ndeghuko Gileadi? Ndekuwadie mghanga ungi aho? Kwaki sena wandu wapo wiseboagha?

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.

ZEKARIA 11:1

Rughua minyango yako ee Lebanoni, modo ghukore misida yako!

MITALO 32:1

Wandu wa kivalwa cha Reubeni na cha Gadi, werekoghe na izungu ibaa ja mfugho; nawo werezighanireghe wikawona angu isanga ja Jazeri na isanga ja Gileadi jafwane kwa mfugho.

WUKUMBUSO 3:25

Nakulomba kunisighe niruwuke, nipate kuwona ijo isanga jiboie jiko chija kimonu cha Jordani ijo isanga jighokie ja Mighondi ya Lebanoni!’