JEREMIA 22:23 - Biblia Ilagho Jiboie Kwa Wandu Wose

²³ Oho kukaiagha Lebanoni, kubonyere andu kwako kokaia na midi ya Sida; kusirimika saki ngelo wasi ghuchaakuchea, sa ghwa muka wachelwa ni lufu lokufungua.”

JEREMIA 22:23 ပူးပေါင်းရင်းမြစ်များ

JEREMIA 21:13

“Ola neko aighu yako ee Jerusalemu, kukaiagha ighu kuchumba vololo andu kwa wurindi ghwa magho, inyo mghambagha, ‘Nani udimagha kuchalwa nesi? Na wei, nani udimagha kungia andu kodu?’

JEREMIA 22:6

“BWANA waghamba huwu aighu ya ngome ya mzuri wa Juda, ‘Ini nadakuwona sa Gileadi, kooka sa mdo ghwa Lebanoni; elaima nichakubonya kuwuye kireti, muzi ghusekailwagha ni wandu.

JEREMIA 3:21

Lwaka lwasikirika aighu mghondinyi, kulila na kulalama kwa wandu wa Israeli, kwa kukaia wailaghashire chia yawo, na kumliwa BWANA Mlungu wawo.

JEREMIA 48:28

“Sighenyi iyo mizi, mwendekaia mbangenyi ee wandu wa Moabu; mkaie sa mbughi iaghagha kijungi chake a lukororonyi.

JEREMIA 49:16

Kuobosha kwako na lukaso lwa ngolo yako lwamerie kukukalia, ee, oho kukaiagha mbangenyi ra magho, na aighu ya mghondi. Hata ngera kwabonyere kijungu chako ighu sa cha indu, BWANA uchakusera andonyi.

JEREMIA 6:24

Wandu wa Jerusalemu waghamba, “Dasikire agho malagho na mikonu yedu ikadateweleka. Dapatwa ni luwawo lubaa sa lwa muka ukumbagha lufu.

EZEKIELI 17:3

kuwizere, Bwana MLUNGU waghamba huwu, Indu mbaa iko na mawawa mabaa ghiwadie ndighi iko na chuya ndacha na mafuri mengi gha rangi nyingi erechieghe Lebanoni. Ikawada longe lwa mudi ghwa sida,

HOSEA 5:15

“Nichawisigha wandu wapo hata witiriro ni kaung'a rawo kwa kukata; wiwonecha wikinilola. Kewada andenyi ya matiriro ghawo, wadima kunilola hata winiwone.”

HOSEA 7:14

Ndewiwuenilomba kwa loli putu, ela waawuyakukumba andonyi sa wandu wisemuichi Mlungu. Wikakalomba viro na divei wiabonya sa wandu wa iro mbari. Ni wandu winileghie putu!

AMOSI 9:2

Hata ngera wakota wiendekaia Andu kwa Wafu, sena mkonu ghwapo ghuchavika aho na kuwiwada; wikajoka mlungunyi, nichawisera andonyi kufuma aho.

OBADIA 1:4

Hata ngera kwabonyere muzi ghwako ghukakaia ighu sa kijungi cha indu, hata ghuwonekeghe seji ghooka nyerinyerinyi, ela nichakupotua andonyi.

HABAKUKI 2:9

Ni bugha kwako kuredagha mali ra wuwiwi nyumbenyi kwako na kwa iro kutima kuwika muzi ghwako nicha ghusepato ni mawiwi.

MITALO 24:21

Nao ukawizighana Wakeni, ukawada kudeda ukaghamba, “Andu kukaiagha kwamange, nako ni sa kijungu chiaghilo maghambenyi;