JEREMIA 22:22 - Biblia Ilagho Jiboie Kwa Wandu Wose

²² Mbeo ichaweta kuwiinja wabonyi nguma wako; na wakundwa wako wichadwalwa wunyika; aho niko kuchaafwa waya nandighi, kwa wundu ghwa wuwiwi ghwako ghose.

JEREMIA 22:22 ပူးပေါင်းရင်းမြစ်များ

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

ISAYA 65:13

BWANA waghamba huwu, “Olenyi wadumiki wapo wichaja, ela inyo mchakaia njala; wadumiki wapo wichanywa, ela mchakaia kau; wadumiki wapo wichaboilwa, ela inyo mchafushwa waya.

JEREMIA 10:21

Kwa kukaia walisha wasowa akili, hata ndewilombagha njama kwa BWANA; kwa huwo ndewiwonagha mecha, na mfugho rawo rose reesaghisika.

JEREMIA 12:10

Wabonyi nguma wengi wa kighenyi wamerie mbuwa yapo ya mizabibu, wikaiwadia na maghu ghawo, na kujibonya isanga japo jiboie jiwuye kireti kiduu.

JEREMIA 2:36

Kwaghalue chia rako mando mengi! Kuchafushwa waya ni Wamisri, sa iji koni korefushiroghe waya ni Waashuru.

JEREMIA 2:37

Wokoni kuchafuma Misri kwaduka mikonu yako chongo kwa waya, angu ini BWANA namerie kuwilegha awo wose kukusaghikagha nawo, hata ndekuchaapata wucha ghungi kwawo.”

JEREMIA 2:8

Awo wakohani ndewicheekotia, ‘BWANA oko hao?’ Awo wandu weni wereiwadieghe Sharia walemelo ni kunimanya vilongozi vikanilegha; walodi wikaloda kwa chia ya Baali, wikanugha vilambo visewadie fwaida ingi.

JEREMIA 20:11

Ela BWANA oko luwaru lwapo, ing'oni jiwadie ndighi; kwa huwo watiriri wapo wichakuwa, ndewichaanisima anduangi. Wichafwa waya na ndighi, angu wisechaadima ilagho jingi; kusowekelwa ni ishima kwawo kwa kala na kala ndekuchaaliwika jingi.

JEREMIA 30:14

Wandu wose m'bonyere nawo lukundo wamliwie, ndewimtalagha hata kutini, namkabie karakara na kukaba kwa m'maiza, ngamkaba kuseko na kummbonia wughoma, na kukaia makosa ghenyu ni mabaa, na kaung'a renyu ni nyingi.

JEREMIA 4:30

Na oho ee Jerusalemu kusighilo mkiwa, kwaki kukurushagha nguwo ra ngundu na kukupamba na vilambo va dhahabu, na kukushinga rangi ra meso na kukughokesha duu? Awo kubonyagha lukundo nawo, wameria kukulegha; nawo weekunda kukubwagha.

JEREMIA 5:13

Awo walodi wiadeda malagho tu sa mbeo, hata ijo ilagho ndejiko andenyi kwawo, agho wighighoragha ghiwipata weni.”

JEREMIA 7:19

Welee, ni ini wawuyanivavira? Wele ndawaawuyakuvavira na kukufusha waya wenii anguwada?

HOSEA 12:1

“Kula ilagho jawuyabonywa ni wandu wa Israeli kufuma luma lwa nakesho hata nakenyi ni ja duu jenona. Wachuria kukaia wa mikalo na mabonyo ghetumia ndighi, wabonya mapatano na kubonya biashara na Misri.”

HOSEA 13:15

hata ngera Israeli wawoneka kukaia nicha aghadi ya waruna, ela nichawetesha mbeo ya mruke ghwa mashariki ifumagha cha kireti, nayo ichaomera ndoria rake ra machi na viriwa. Iyo mbeo ichakaba na kughusha stoo ra mali rake na ra vilambo vake va zoghori mbaa.

HOSEA 4:19

Wichainjwa sa kudukwa ni mbeo, nawo wichafwa waya kwa wundu ghwa vizongona vawo va milimu.

ZEKARIA 11:17

Ni bugha kwa uja mlisha wapo wa kisha! Wachisighie chagha. Wuda ghucharimeria ndighi rake putu. Mkonu ghwake ghuchaoma na iriso jake ja kiwomi jichafwa.”

ZEKARIA 11:8

Andenyi ya mori ghumweri, ngachumbana na walisha wadadu werezamiloghe ni ini, dikasighana.