JEREMIA 22:21 - Biblia Ilagho Jiboie Kwa Wandu Wose

²¹ Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 22:21 ပူးပေါင်းရင်းမြစ်များ

2 MALAGHO GHA NGELO 33:10

BWANA ukaghora na Manase, na wandu wake, ela ndeweresikireghe.

ZABURI 129:1

Israeli, dighorie seji kukorongelo ni wamaiza wako kufuma wanake ghwako.

MAKATANISHO 30:9

nisecheghuda nandighi na kukukana oho ngighamba “Nani uwangwagha BWANA?” hata nisekaie mkiwa nicheiwa na kujilusha irina ja Mlungu wapo.

ISAYA 48:8

Jingi ndekorerisikireghe hata kurimanya, kufuma konkala uko madu ghako ndeghifungukie, kwa kukaia nerekumanyireghe kukaia mundu wa mikalo na kufuma kuvalwa kwako korekoghe mundu olegha mawonyero.

JEREMIA 13:10

Awa wandu wawiwi wileghagha kusikira malagho ghapo, na kunugha kukua kwa ngolo rawo, wikiinugha milungu mizima kwa kuidumikia na kuitasa, wichakaia kara kara na ughu mshipi ghusefwanagha ilagho jingi.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 2:25

Kusakeghenda na chwau nduu, hata kusesighe marangi ghako ghiome; ela kwaghambie, ‘Agho ni malagho gha duu, kwa kukaia namerie kuikunda milungu ya kighenyi, nani nichainugha.’”

JEREMIA 2:31

Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’

JEREMIA 25:3

“Kufuma mwaka ghwa ikumi na idadu ghwa kubonya nguma kwake Josia mwana wa Amoni, mzuri wa Juda, serelekieghe kumghoria ilagho ja BWANA ijo orekoghe ukinighoria, na kuvikia linu ni miaka mirongo iwi na idadu; ela ndemoresikireghe anduangi.

JEREMIA 25:4

Ndemcheesikira hata kudegha kudu konyu wei msikire, hata ngera BWANA wafungie ndighi kumdumia wadumiki wake walodi ngelo kwa ngelo;

JEREMIA 25:7

BWANA waghamba, ‘Ela sena ndemcheenisikira, eri mpate kunivavira na kuwusira machu ghapo kwa wundu ghwa iro kazi ra mikonu yenyu, nenyo mpato ni wasi.’

JEREMIA 25:8

“Kwa huwo BWANA wa majeshi waghora huwu, angu msenisikire,

JEREMIA 3:24

“Ela kufuma wanake ghodu, ughu wutasi ghwa milimu ghodifusha waya ghwanonie mali rose weke aba werepatireghe kwa wudumiki ghwawo, ng'ondi na ng'ombe rawo, na wana wawo wa womi na wa waka.

JEREMIA 3:25

Idana ndedilale andonyi kwa wundu ghwa waya ghodu, na uko kusowekelwa ni ishima kodu ndekudifinikire; kwa kukaia dabonyere kaung'a kwa BWANA Mlungu odu, chiaimweri na weke aba, kufuma wanake ghodu hata idime, hata ndederelusikireghe lwaka lwa BWANA Mlungu odu anduangi.”

JEREMIA 32:30

Kwa kukaia wana wa Israeli na wana wa Juda ndewibonyere ilagho jingi icha, ela wuwiwi mduu imbiri kwapo kufuma wanake ghwawo; wana wa Israeli ndewibonyere ilagho jingi icha, ela kunivavira tu na kuniwusira machu kwa wundu ghwa mabonyo ghawo.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 48:11

BWANA waghamba, “Moabu orekoghe na raha kufuma wanake ghwake, utumbanyikie sa divei, jingi iseghalusiro kudungirilwa chombo kizima, hata jingi ndedwalo wunyika; kwa huwo wadadua na luwala, na irumba jake ndejighalukie.

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

EZEKIELI 20:13

Ela hata ahoeni kireti, wandu wa Israeli werenileghieghe; wikalemwa ni kuiwadia memu yapo, wikarilegha sharia rapo wori, iro mundu ukariwadia ukaiagha moyo, na Sabato rapo wikarilusha nandighi. Niko ngawona niwikabe ahoeni kireti, na kuwimeria putu.

EZEKIELI 20:21

“Ela hata wana wokoni wikanilegha; ndewereghendieghe kwa kunugha memu yapo, hata ndeweretalieghe kuwadia sharia rapo, iro mundu ukariwadia uchakaia moyo; sena werenonieghe Sabato rapo. Neregheshereghe ngera kumangu nawikaba kwa machu ghapo aho kireti na kuwimeria putu.

EZEKIELI 20:28

Angu iji nerewiredieghe isanga nerewilaghirieghe kuwineka, werezoeghe kufunya vizongona vawo aighu ya kula mghondi wereghuwonieghe, na aisi ya kula mudi m'baa ghukambie, wikawusira machu ghapo wikifukira marumba aho, na kufunya vizongona venywa.

EZEKIELI 20:8

Ela wikanilegha hata ndewerenisikireghe anduangi, mndungi wawo nderedeeghe milimu yake, hata kuisigha milimu ya Misri anduangi. Neregheshereghe ngera kumangu nawikaba kwa machu ghapo aghadi ya isanga ja Misri.

ZEFANIA 3:2

Ndeghumsikiragha BWANA hata kurumiria makosa ghake. Ndeghumrumiriagha BWANA hata kulola wutesia ghwake.

ZEKARIA 7:7

Agha malagho nigho gheni BWANA oreghighoragha ukitumia walodi wa imbiri, ingelo Jerusalemu erekoghe nicha ichulo ni wandu; ngelo wandu werekoghe wengi wikikaia mizinyi na mbai mbai yaro, na masanga gha kusinyi, na wurindinyi cha magharibi kirimbenyi cha mighondi.

WUKUMBUSO 31:27

Angu naichi seji mghilikie; wandu msesikiragha. Kamanya mwawuyamlegha BWANA niko moyo dikwanye, ni kuchumba saki iji nafwa!

WUKUMBUSO 9:24

Kufuma nazoya kummanya, inyo mwadamlegha BWANA toe.

WUKUMBUSO 9:7

“Jingi mseliwe seji morem'bonyereghe BWANA Mlungu onyu ukakaia na machu kireti. Kufuma ituku mfumie isanga ja Misri hata kuvika aha, modeeka mkilegha kumsikira BWANA.