JEREMIA 22:18 - Biblia Ilagho Jiboie Kwa Wandu Wose

¹⁸ Kwa huwo BWANA waghamba huwu aighu ya Jehoiakimu mwana wa Josia, mzuri wa Juda, “Ndewichaamlilia wikighamba, ‘Ai, o mwanidu wa womi!’ angu ‘Ai, o mwanidu wa waka!’ Ndewichaamlilia wikighamba, ‘Ai o bwana odu!’ angu ‘Ai o mzuri odu!’

JEREMIA 22:18 ပူးပေါင်းရင်းမြစ်များ

2 SAMUELI 1:26

“Kwaniwawa nandighi mwanidu Jonathani Koreniboiagha nandighi, lukundo lwako cha kwapo lodeeka lwa mashiniko; nalo lwachumbie lukundo lwa waka.

1 WAZURI 13:30

Ukaghurika kaburinyi yake moni, na kumlilia ukighamba, “Weei ngai mwanidu ado!”

2 WAZURI 23:36

Jehoiakimu orekoghe mundu wa irika ja miaka mirongo iwi na misanu ingelo orezoyagha kubonya nguma. Ukabonya nguma Jerusalemu kwa miaka ikumi na ghumweri. Irina ja mae orewangwagha Zebida mwai wa Pedaia wa isanga ja Ruma.

2 WAZURI 23:6

Ukainja fwana ya ghuja mlungu ghwa waka Ashera erewikiloghe andenyi ya Hekalu, ukaifunya cha shighadi ya Jerusalemu, vololo ya Kidroni. Ukaikora na kuichana-chana hata ikawuya teri; na teri yaro ukaidia aho makaburinyi gha wandu wose.

2 WAZURI 24:6

Jehoiakimu sa weke ndee, ukafwa, na mwana wake Jehoiakini ukabonya nguma wulalo ghwake.

1 MALAGHO GHA NGELO 3:15

Wana wa Josia, wa imbiri ni Johanani, wa kawi ni Jehoiakimu, wa kadadu ni Zedekia na wa kana ni Shalumu.

2 MALAGHO GHA NGELO 35:25

Mlodi Jeremia wori ukadunga kililo chemlilia Josia. Wabori wose wa womi na wa waka wadatumia agho malagho ghemlilia Josia kililonyi kwawo hata linu. Wikaghibonya ghikaie mafundisho andenyi ya Israeli; nagho ghaandikilo andenyi ya Kililo.

2 MALAGHO GHA NGELO 36:5

Jehoiakimu orekoghe mundu wa irika ja miaka mirongo iwi na misanu iji orezoyagha kubonya nguma; ukabonya nguma Jerusalemu miaka ikumi na ghumweri. Ukabonya mawiwi imbiri ya BWANA Mlungu wake.

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

JEREMIA 16:6

Wandu wabaa na watini wichafwa chiaimweri andenyi ya isanga iji; ndewichaarikwa angu kulililwa ni mndungi; na mndungi ndechaakudema-dema angu kukuara iridia kuwonyera wasi kwa wundu ghwawo anduangi.

JEREMIA 21:11

“Ghora kwa nyumba ya kiwuzuri ya Juda huwu, Sikirenyi seji ini BWANA nighoragha,

JEREMIA 22:10

Msakemlilia Josia mzuri ufue angu kum'bonyera ifwa, ela mumlilie nandighi Joahazi uo mzuri udwalwagha wunyika; angu ndechaawuya hata kuwona isanga jake sena.

JEREMIA 22:12

ela uchafuya ijo isanga udwalo wunyika, nao ndechaawona iji isanga sena.”

JEREMIA 34:5

Kuchafwa kwa sere. Na sa iji koni marumba gherekorwagha kwa wundu ghwa weke ndeyo, awo wazuri wa kala werekoghe imbiri yako, ni huwo koni wandu wichakora marumba kwa wundu ghwako na kukulilia wikighamba, “Weei ngai bwana!” ’ Kwa kukaia ini BWANA, namerie kujighora ilagho ijo.”

JEREMIA 36:30

Kwa huwo ini BWANA naghamba huwu aighu yako Jehoiakimu mzuri wa Juda, Ndekuchaakaia na kivalwa cheseria kifumbi cha nguma cha Daudi, na gharia yako ichadegwa shighadi a mrukenyi ghwa iruwa ja dime, na mbeo ngelo ya nakio.