JEREMIA 21:9 - Biblia Ilagho Jiboie Kwa Wandu Wose

⁹ Uo ose uchaakaia andenyi ya ughu muzi, uchabwaghwa wudenyi, na kwa njala, na saka izamie; ela uo uchaafuma na kukungira mikonunyi kwa Wakaldayo awo wamrughaia, uchakira irangi jake, nao uchapata irangi jake sa zawadi ya wuda.

JEREMIA 21:9 ပူးပေါင်းရင်းမြစ်များ

JEREMIA 14:12

Hata wikafunga tumu, sichaasikira kililo chawo; hata wikafunya vizongona vekora na vizongona va viro, sichaawirumiria anduangi; ela nichawibwagha wudenyi, na kwa njala, na kwa saka izamie.”

JEREMIA 21:7

Konyuma, nichamfunya Zedekia mzuri wa Juda, chiaimweri na wadumiki wake, na wandu wiko andenyi ya ughu muzi; awo wichaasigharika wisebwaghilo ni saka izamie, wuda angu njala; wingie mikonunyi kwa Nebukadnezari mzuri wa Babuloni, na kwa wamaiza wawo, awo wilolagha marangi ghawo. Uchawibwagha kwa lufu, ndechaawiwonia wughoma, kuwilekeria hata kuwifuya wughoma ghungi.’

JEREMIA 24:10

Nani nichaduma wuda na njala na saka izamie wipate kubwaghwa, hata wameria kutoteshwa putu kufuma isanga ijo nerewinekieghe awo na weke ndee.”

JEREMIA 27:11

Ela mbari iyo yose ichaarumiria kungira ghongolo ya mzuri wa Babuloni na kumdumikia, nicham'bonya ukaie isangenyi jake jeni, ujilime na kukaia aho, Ini BWANA naghamba.”’”

JEREMIA 27:12

Neremghorieghe Zedekia mzuri wa Juda malagho agho gheni ngimzera, “Mkungire singo renyu andenyi ya ghongolo ya mzuri wa Babuloni, mumdumkie chiaimweri na wandu wake, nenyo mchakaia moyo.

JEREMIA 27:13

Kwaki mfwagha chiaimweri na wandu wenyu kwa wuda, na kwa njala, na kwa saka izamie? Nechi huwo niko koni BWANA ughorie aighu ya iyo mbari ichaalegha kumdumikia mzuri wa Babuloni.

JEREMIA 38:2

BWANA waghamba huwu, “Mundu uchaakaia andenyi ya ughu muzi, uchabwaghwa wudenyi, angu kwa njala, angu kwa saka izamie; ela uo uchaafuma na kughenda cha kwa Wababuloni uchakaia moyo; uchafufunuka na kukira irangi jake.

JEREMIA 38:3

Kwa loli muzi ughu ghuchangirwa mikonunyi kwa majeshi gha mzuri wa Babuloni, nagho ghuchawadwa.”

JEREMIA 39:18

Angu kwa loli nichakulindia hata ndekuchaabwaghwa wudenyi, ela irangi jako jichakaia banana, angu korenirumirieghe. Ini BWANA naghamba.’”

JEREMIA 45:5

Na oho-lee kuakulolia malagho mabaa? Kusakeghilola, angu zighana naawuyareda wuwiwi aighu ya wandu wose, ela nichakulindia irangi jako kusebwagho andu uko kose kuchaakaia kukighenda.” Ini BWANA naghamba.

EZEKIELI 5:12

Ifungu jenyu ja kadadu, jichafwa kwa saka izamie na kumerelwa ni njala aghadi konyu; na ifungu jimu ja kadadu jichafwa kwa wuda ghwa lufu ghuchaammara chia rose; na ifungu jimu ja kadadu nichajisasara andu kose, na kuwinugha nyuma kwa wuda ghwa lufu.