JEREMIA 21:7 - Biblia Ilagho Jiboie Kwa Wandu Wose

⁷ Konyuma, nichamfunya Zedekia mzuri wa Juda, chiaimweri na wadumiki wake, na wandu wiko andenyi ya ughu muzi; awo wichaasigharika wisebwaghilo ni saka izamie, wuda angu njala; wingie mikonunyi kwa Nebukadnezari mzuri wa Babuloni, na kwa wamaiza wawo, awo wilolagha marangi ghawo. Uchawibwagha kwa lufu, ndechaawiwonia wughoma, kuwilekeria hata kuwifuya wughoma ghungi.’

JEREMIA 21:7 ပူးပေါင်းရင်းမြစ်များ

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

ISAYA 47:6

Wandu wapo werenivavirieghe ngolo, ngawilusha wandu wa ifwa japo; ngawingira mikonunyi kwako, na oho ndekorewifuyeghe wughoma hata kutini; kukawingira waghosi ghongolo ilemere nandighi.

JEREMIA 13:14

Nichawiredia ndasanya kula mundu na mmbao, weke aba na wana wawo wa womi, waghamba BWANA. Sichaawiwonia wughoma, sichaasigha angu kufuya ungi wughoma; ela nichawitotesha wose.”

JEREMIA 14:12

Hata wikafunga tumu, sichaasikira kililo chawo; hata wikafunya vizongona vekora na vizongona va viro, sichaawirumiria anduangi; ela nichawibwagha wudenyi, na kwa njala, na kwa saka izamie.”

JEREMIA 15:5

“Nani uchaakuwonia wughoma ee Jerusalemu, angu nani uchaakulilia? Nani uchaadunga maghu kukotia maza rako?

JEREMIA 15:9

Muka orevaeghe wana mfungade uchasilwa ni ngolo na kudumbuka; uchaserelwa ni kira nadime; wafushwa waya na kusowelwa ishima. Awo wisigharikie wichabwaghwa wudenyi, na kughwa imbiri ya wamaiza wawo,” waghamba BWANA.

JEREMIA 19:7

Mipango wereibonyereghe wandu wa Juda na Jerusalemu andu aha nichainona, na kuwibonya wandu wawo wibwagho wudenyi ni wamaiza wawo, na awo wilolagha kughitotesha marangi ghawo. Nicharineka nyonyi ra mbeonyi na nyamandu ra isakenyi gharia ra mimbi yawo.

JEREMIA 20:4

Angu BWANA waghamba, ‘Ola nichakubonya kuchulo ni wowa, na waghenyi wako wori wikuobuo. Kuchawiwona waghenyi wako wikibwaghwa kwa lufu ni wamaiza wawo; sena nichawingira wandu wa Juda mikonunyi kwa mzuri wa Babuloni, nao uchawidwa wunyika cha Babuloni na kuwibwagha kwa lufu.

JEREMIA 22:25

na kumngira mikonunyi kwa awo wandu wilolagha kum'bwagha, awo uwiobuagha, ee, uo Mzuri Nebukadnezari wa Babuloni na Wakaldayo.

JEREMIA 27:6

Idana nanekie mdumiki wapo Nebukadnezari mzuri wa Babuloni agha masanga ghose, sena namnekie nyamandu ra mlambenyi rimdumikie.

JEREMIA 32:4

na Zedekia mzuri wa Juda ndechaafufunuka usewadilo ni Wababuloni, ela kwa loli uchangirwa mikonunyi kwa mzuri wa Babuloni; nao uchadedanya nao wushu kwa wushu wikizighanana;

JEREMIA 34:3

Ndekuchaafufunuka kusewadilo, ela kwa loli kuchawadwa na kungirwa mkonunyi kwake; kuchawonana na kudedanya nao wushu kwa wushu, na kughenda Babuloni.’

JEREMIA 36:29

Na kwa Jehoiakimu mzuri wa Juda kughambe, ‘BWANA waghamba huwu, Oho kwakora ichi chuo kukighamba, Kwaki kwachiandika wei mzuri wa Babuloni uchacha loli kutotesha iji isanga, na kubwagha mdamu na nyamandu?

JEREMIA 37:17

Mzuri Zedekia ukaduma niredo kwake. Mzuri ukanikotia kivisonyi ngomenyi kwake ukighamba, “Ilagho jingi jeko jafuma kwa BWANA?” Ngatumbulia, “Jeko.” Niko ngamzera, “Kuchangirwa mikonunyi kwa mzuri wa Babuloni.”

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

KILILO CHA JEREMIA 2:20

Zighana ee BWANA kupime: Kwabonyere mndungi huwu jingi? Ni hachi waka wije wana wawo aweni werewilindiagha? Welee, ni hachi wakohani na walodi wibwagho andenyi ya Hekalu yako?

KILILO CHA JEREMIA 2:22

Kwakaribishire kiture cha kwapo seji kukaribishagha wandu ndimenyi. Ndekuwadie mndungi ufufunukie ituku kujokelo ni machu. Wabwaghie wana wapo aweni niwilelie kwa lukundo.

EZEKIELI 23:28

Bwana MLUNGU waghamba huwu: “Ola nichakungira mikonunyi kwa awo wandu wawuyakuzamia, awo kuwimenyere ngolonyi kwako.

EZEKIELI 7:9

Sichaakuwonia wughoma hata kukulekia anduangi; ela nichakukaba kwa wundu ghwa mabonyo ghako, ingelo kuko na wuchafu ghwako. Niko kuchaamanya angu ini ne BWANA uo ukukabagha.

EZEKIELI 8:18

Kwa huwo nichawibonyera malagho kwa machu, sichaawiwonia wughoma hata kuwilekia, hata wikanikemia kwa lwaka lubaa, sichaawisikiria anduangi.”

EZEKIELI 9:10

Ela ini sichaalekia, hata sichaafuya wughoma, ela nichawilipa karakara na mabonyo ghawo.”

WUKUMBUSO 28:50

Ni mbari ing'etere, isene wughoma kwa mghosi angu mundu wa irika;