JEREMIA 21:6 - Biblia Ilagho Jiboie Kwa Wandu Wose

⁶ Nani nichawikaba wandu wikaiagha andenyi ya ughu muzi, wose, mundu na nyamandu wichafwa kwa saka izamie.

JEREMIA 21:6 ပူးပေါင်းရင်းမြစ်များ

KUZOYA 6:7

Kwa huwu ukaghamba, “Nichamuinja na mbai uhu mdamu neremuumbieghe, usoweke ndoenyi andwamweri na nyamandu, na iro riavuagha andoenyi, na nyonyi ra mbeonyi; angu nasirimika na ndighi kwa kukaia nerevibonyereghe.”

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

JEREMIA 14:12

Hata wikafunga tumu, sichaasikira kililo chawo; hata wikafunya vizongona vekora na vizongona va viro, sichaawirumiria anduangi; ela nichawibwagha wudenyi, na kwa njala, na kwa saka izamie.”

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

JEREMIA 20:4

Angu BWANA waghamba, ‘Ola nichakubonya kuchulo ni wowa, na waghenyi wako wori wikuobuo. Kuchawiwona waghenyi wako wikibwaghwa kwa lufu ni wamaiza wawo; sena nichawingira wandu wa Juda mikonunyi kwa mzuri wa Babuloni, nao uchawidwa wunyika cha Babuloni na kuwibwagha kwa lufu.

JEREMIA 32:24

“‘Zighana seji Wababuloni wiaghie wurigha wighurughaie ughu muzi wipate kughuwada, na kwa wundu ghwa wuda, na njala, na saka izamie, ughu muzi ghwamerie kungirwa mikonunyi kwa Wababuloni awo wawuyalwa nagho. Agho koreghighorieghe ghakatia, na oho kwawuyaghiwona.

JEREMIA 33:12

BWANA wa majeshi waghamba huwu, “Isanga iji jeresighiloghe iduu, jisewadie mundu hata nyamandu andenyi ya mizi yake yose, jichakaia na malalo gha walisha ghelisha mfugho rawo.

JEREMIA 34:17

Kwa huwo ini BWANA naghora huwu, Mwalemelo ni kunisikira muereshe wuhuru kula mundu kwa mruna na kwa mmbao; olenyi ini namueresha wuhuru ghobwaghwa wudenyi na ghowadwa ni saka izamie, na ghwa njala. Nichabonya mbari rose ra ndoenyi rimshinikie.

JEREMIA 36:29

Na kwa Jehoiakimu mzuri wa Juda kughambe, ‘BWANA waghamba huwu, Oho kwakora ichi chuo kukighamba, Kwaki kwachiandika wei mzuri wa Babuloni uchacha loli kutotesha iji isanga, na kubwagha mdamu na nyamandu?

JEREMIA 42:22

Kwa huwo manyenyi loli angu mchabwaghwa wudenyi, na kwa njala, na kwa saka izamie, andenyi ya ijo isanga mwawuyakaia na bea eghendajikaia.”

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

EZEKIELI 12:16

Ela nichabonya watini wawo wifufunuke icho kifwa cha lufu na cha njala na cha saka izamie, eri ingelo wiko aghadi ya iro mbari ra wandu wirighendiagha, wipate kurumiria ugho wuchafu ghwawo wereghubonyereghe na kumanya kukaia Ini ne BWANA.”

EZEKIELI 14:13

“Mwana wa mdamu, isanga jikanibonyera kaung'a na kulemwa ni kukaia mloli kwapo, nao nighoruo mkonu ghwapo kuwiima vindo, na kureda njala aighu ya isanga, na kubwagha wandu na nyamandu.

EZEKIELI 14:17

Na hata iji nareda wuda isangenyi, na kufunya momu waisanga wibwagho, hata wadamu na nyamandu rimerelo,

EZEKIELI 14:19

Ngaduma saka izamie isangenyi, na kubwagha wadamu na nyamandu kwa machu ghapo,

EZEKIELI 14:21

Bwana MLUNGU waghamba huwu, “Welee, maza rizama saki ngaghudumia muzi ghwa Jerusalemu makabo ghapo ana; wuda ghwa lufu, njala, nyamandu rizamie, na saka izamie, eri nipate kubwagha mdamu na nyamandu!

EZEKIELI 33:27

“Kuwighorie malagho kukaia, Sa iji ini Bwana MLUNGU nikaiagha moyo, naghamba loli awo wawuyakaia andenyi ya andu kunonelo wichabwaghwa wudenyi, na uo uko cha mbuwenyi nichamfunya kwa nyamandu ujigho, na awo wikuvisire ngomenyi na mbangenyi wichafwa kwa saka izamie.

EZEKIELI 33:29

Aho niko wichamanya kukaia ini ne BWANA, ingelo nabonya isanga jisigho iduu kwa wundu gwa ugho wuchafu ghwawo ghose wereghubonyereghe.

EZEKIELI 7:15

“Cha shighadi ni wuda ghwa lufu, na cha nandenyi ni saka izamie na njala. Uo uko cha mbuwenyi uchabwaghwa kwa lufu, na uhu uko mzinyi uamerelwa ni njala na saka izamie.

HOSEA 4:3

Kwa wundu ugho isanga jaoma, na wandu wose wiko andenyi yaro wichatota; nyamandu na nyonyi na samaki richafwa.”

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.

ZEFANIA 1:3

Nichainja mdamu na nyamandu; nyonyi ra mbeonyi, na samaki. Nichatotesha wawiwi na kula mdamu ndoenyi.

LUKA 21:24

Wandu wamu wichabwaghwa kwa lufu, na wazima wichadwalwa wunyika kwa masanga ghose; na Jerusalemu ichawadilwa-wadilwa ni wandu wa mbari zima hata ngelo ya wandu wa mbari zima yakatia.