JEREMIA 21:12 - Biblia Ilagho Jiboie Kwa Wandu Wose

¹² Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 21:12 ပူးပေါင်းရင်းမြစ်များ

2 SAMUELI 8:15

Daudi ukawibonyera nguma Waisraeli wose, ukawitanya wandu wose kwa hachi na loli.

AYUBU 29:17

Nerewisirishireghe wang'eti ndighi; ngawivuvua awo werewikorongagha.

ZABURI 101:8

Kula ituku nichakaia ngiwitotesha wawiwi wose isangenyi, nichawiwinga mzinyi kwa BWANA.

KUFUMA 18:13

Nakesho yaro, Musa ukasea kidombo kutanya malagho gha wandu. Wandu wikasinda dii kwa Musa, kufuma luma lwa nakesho hata luma lwa kenyi wikitanyirwa malagho ghawo.

ISAYA 1:17

Mkufundishe kubonya mecha, muilole hachi; witesienyi awo wawuyawonelwa, mnekenyi mwana usewadie ndee hachi yake, mdederienyi muka-mkiwa.”

ISAYA 1:31

Mundu uwadie ndighi uchakaia sa itasa na kazi rake sa sisia ra modo, uchahianya na kazi rake hata mndungi usedime kumrimisha.

ISAYA 7:13

Isaya ukatumbulia, “Idana sikira, ee mwana wa kivalwa cha Daudi, Welee, konyu ni ilagho itini kuwisirisha wandu ndighi na hata kumsirisha Mlungu wapo ndighi wori?

ISAYA 7:2

Malagho ghiendamvikia mzuri wa Juda, kukaia majeshi gha Siria ghawadana na majeshi gha Israeli, ngolo yake na ngolo ra wandu wake rikaobua na kusughusika seji midi ipotuagha malemba ikasughuswa ni mbeo.

JEREMIA 17:4

Wichajisigha isanga jerekoghe ifwa jawo nerewinekieghe, nani nichawibonya widumike andenyi ya isanga wisejiichi, kwa kukaia wawusira machu ghapo, nagho ghichaaka sa modo kwa kala.”

JEREMIA 21:5

Ini moni nichalwa na oho kwa mkonu ghwapo ghwa ndighi, niko na machu ghibirie, najokwa nandighi.

JEREMIA 23:19

Ola machu gha BWANA ghafuma sa kiremba ghawichea awo wawiwi sa kikulughulu.

JEREMIA 23:2

BWANA uo Mlungu wa Israeli waghamba huwu aighu ya wabonyi nguma wiwilindiagha wandu wapo, “Mwasaghisire wandu wapo na kuwiwinga noko; hata ndemuwizighanire anduangi. Olenyi nichamkaba kwa wundu ghwa mabonyo ghenyu ghizamie.

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

JEREMIA 36:7

Kewada wadima kulomba na kuvoya imbiri ya BWANA, na kewada kula umu wawo uchaghaluka na kusigha mighendo yake izamie; kwa kukaia machu na lubio BWANA ughorie aighu ya awa wandu ni lubaa.”

JEREMIA 4:4

Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

JEREMIA 44:22

BWANA ndedimie kurumaghia wuwiwi na wuchafu ghonyu moregubonyereghe. Kwa wundu ugho, isanga jenyu jeesighwa iduu jisewadie wandu, jiwadilo ni njowe sa iji jiko idime.

JEREMIA 5:14

Kwa wundu ugho, BWANA, uo Mlungu wa majeshi waghamba huwu, “Kwa kukaia wakuzera agha malagho oho Jeremia, ola nichabonya ilagho japo momunyi kwako jikaie sa modo, na wandu awa wichakaia sa mbande, na modo ghuchawimeria.

JEREMIA 5:28

ni wandu wibandie widendere. Mabonyo ghawo ghizamie ndeghina kipimo; ndewiichi kutanya hachi kwa mwana mkiwa usewadie ndee, hata uwone nicha; ndewidederiagha hachi ra uo uko ukitiro.

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

JEREMIA 7:5

“Angu mkaboisa chia renyu na mighendo yenyu kwa loli, na kwa loli mkaitala hachi aghadi yenyu mmbeni na mmbeni,

KILILO CHA JEREMIA 4:11

BWANA walekerie machu ghake ghose ghibirie; ukakora muzi ghwa Sioni ghukahia hata misinginyi.

EZEKIELI 22:31

Kwa huwo niko nidirie machu ghapo aighu kwawo, na kuwimeria na modo ghwa lubio lwapo; na wuwiwi ghwa mabonyo ghawo ghuchakaia aighu yawo weni. Ini Bwana MLUNGU naghamba.”

WALAWI 26:28

nichamghalukia na kumkaba kwa kubia mando mfungade kwa wundu ghwa kaung'a renyu.

NAHUMU 1:6

Nani udimagha kukaia moyo ukajokwa ni machu? Nani udimagha kughirumaghia machu ghake ghibirie? Machu ghake ghadilwa sa modo, na magho ghabarika imbiri yake.

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.

ZEFANIA 3:5

Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.

LUKA 1:69

Sena wadiwusiria ing'oni jekira, nyumbenyi kwa mdumiki wake Daudi.

WAROMA 13:4

angu uo moni ni mdumiki wa Mlungu, kwa wundu ghwa fwaida yako. Ela ngera kwabonya kiwiwi, kuobuo; kwa kukaia ndedwagha lufu duu, angu uo ni mdumiki wa Mlungu oikatisha adhabu yake aighu ya awo wibonyagha kiwiwi.

WUKUMBUSO 32:22

Nichajokwa ni machu sa lumu lwa modo nani nichakora kula kilambo ndoenyi. Ghuchasea hata Andu kwa Wafu, na kumeria miri ya mghondi.