JEREMIA 20:7 - Biblia Ilagho Jiboie Kwa Wandu Wose

⁷ Ee BWANA, kwanikalia nani ngakalikia; oho kwawadie ndighi kunichumba ini, na oho kwameria kusima. Nawuya kilambo chesekwa dime dii, kula umu waawuyaniseka.

JEREMIA 20:7 ပူးပေါင်းရင်းမြစ်များ

2 WAZURI 2:23

Nao Elisha ukafuma Jeriko ukaghenda Betheli; hata iji orekoghe ukighenda chienyi wana wamu watini wa womi wifumie mzinyi wikamsarighia na kumdema sare wikighamba, “Ghenda noko mwakangalu ungi! Ghenda noko mwakangalu ungi!”

AYUBU 12:4

Hata waghenyi wapo waawuyaniseka; ini mundu neremmbangagha Mlungu nao unidike, mundu wa hachi usewadie ikosa jingi, wandu waawuyaniseka.

AYUBU 30:9

“Idana wana waawuyaniseka; neewuya kilambo chesekwa kwawo.

ZABURI 119:51

Wandu wikukasire wadaniseka, ela sichaaisigha sharia yako anduangi.

ISAYA 8:11

BWANA waghorie kwa ndighi mbaa ukinikania nisenughe mighendo ya awa wandu ukighamba,

JEREMIA 15:10

Ni bugha kwapo mao, angu korenivaeghe nikaie mundu odeda na kubonya nganyi isanga jose. Sikopeshere hata sikopie kilambo chingi kwa mndungi; ela sena wandu wose weenisua.

JEREMIA 15:18

Kwaki luwawo lwapo lusesiagha na chonda chapo chiseboagha? Welee, kuchawuya sa kamoda ka tee kwapo, kara kara na machi ghiomagha?”

JEREMIA 17:16

Jingi sikushingirie kuwiredie mawiwi, hata serekundieghe ijo ituku ja mawiwi; oho kwamanya. Ijo nidedie jeko worinyi imbiri kwako.

JEREMIA 20:9

Ngaghamba, “Sichaamghora BWANA angu kughora kwa irina jake,” jiaghaluka ngolonyi kwapo seji ni modo ghuakagha, ghwarughilwa andenyi ya maindi ghapo; nani nalemwa ni kijighiria sidimagha kujikania.

JEREMIA 29:26

BWANA wakubonyere kukaie mkohani wulalo ghwa mkohani Jehoiada, kupate kukaie mzighaniri wa Hekalu ya BWANA, na kumfunga kula mundu wa isu, uo ukubonyagha moni kukaia mlodi kwa kilingo na izango ja chuma singonyi kwake.

JEREMIA 38:19

Mzuri Zedekia ukanizera, “Naawuyawiobua Wayahudi awo wikimbirie cha kwa Wababuloni, wisecheniwada na kunikoronga.”

KILILO CHA JEREMIA 3:14

Nadasekwa ni wandu wapo wose; wadasinda nidema sare wikinileza.

EZEKIELI 3:14

Roho wa Mlungu ukaniwusira na kunidwa noko, ngaghenda naturukia na kusumbuka rohonyi kwapo, ngisikira wulemeri ghwa ndighi ra BWANA.

HOSEA 9:7

Ngelo ekabwa yameria kuvika, agho matuku gha wandu kulipwa agho ghiwifwanagha. Matuku agho ghikacha, Israeli ichaghimanya. Inyo mwaawuyaghamba, “Uhu mlodi ni mkelu; umundu uchulo ni Roho ooka na isu.” Inyo mwaawuyazamilwa ni ini angu kaung'a renyu riko nyingi.

JONA 4:2

Ukamlomba BWANA ukaghamba, “Wona BWANA! Huwu siko koni nerekoghe ngighamba iji nerekoghe mzedu? Hata iyo niyo shekeria erenibonyereghe nikimbie cha Tarshishi. Neremanyireghe wori oho ko Mlungu wa mvono na wughoma, kusebonyagha machu shwa-shwa; koko na lukundo lubaa lukatie, kulekiagha mawiwi.

MIKA 3:8

Ela ini neechulwa ni Roho na kudima kwa BWANA, nao wadanineka maghesho gha hachi, na ndighi rewighoria wandu wa Israeli kaung'a rawo.

LUKA 16:14

Nao iji Mafarisayo wereghisikireghe agho, nawo ni wandu wikundagha mali, wikamseka kwa lumenyo.

LUKA 23:11

Niko Herode andwamweri na masikari ghake wikamseka Jesu na kumsholia, wikamrusha nguwo iboie, wikammbunja kwa Pilato.

MABONYO GHA WADUMI 17:18

Walimu wamu wa mafundisho gha Epikuro na Stoiki wikabonya nganyi nao. Wamu wikaghamba, “Uhu mkelu wawuyakunda kughora wada wele?” Wazima wikaghamba, “Uawoneka sa mchili wa milungu ya kighenyi.” Angu orekoghe ukichila malagho gha Jesu na kuruka.

MABONYO GHA WADUMI 17:32

Nao iji wasikira malagho gha kuruka kwa wafu, wamu wikaseka, ela wamu wikaghamba, “Dichakusikiria sena aighu ya maza iri.”

1 WAKORINTHO 9:6

Anguu, ni Barnaba na nimoni diekeri idifwane dibonye kazi, eri didime kukaia moyo?

WAEBRANIA 11:36

Wazima weresekeloghe na kukabwa na viboko, hata kufungwa na minyororo, na kungirwa kifungonyi.