JEREMIA 20:6 - Biblia Ilagho Jiboie Kwa Wandu Wose

⁶ Na oho Pashuri chiaimweri na wose wikaiagha nyumbenyi kwako, mchadwalwa wunyika cha Babuloni; kuchaghenda na kufuya aho, kurikilo aho, chiaimweri na waghenyi wako awo kwawilodera tee.’”

JEREMIA 20:6 ပူးပေါင်းရင်းမြစ်များ

ISAYA 9:15

Mghosi unekelo ishima nuo chongo, na mlodi ulodagha malagho gha tee nuo mkomba.

JEREMIA 14:13

Niko ngaghamba, “Ee Bwana MLUNGU, ola awo walodi wadawizera awa wandu wei ndewichaabwaghwa wudenyi kungi, hata kwa njala; kedi wei kwalaghirie sere ichakaia andenyi ya isanga jedu.”

JEREMIA 14:16

Na awo wandu wawuyawilodera wichakumbwa achienyi ra Jerusalemu, wibwaghilo ni njala na lufu, wisowe mundu owirika; wichabwaghwa chiaimweri na waka wawo, na wana wawo wa womi na wa waka; angu nichawiwunjira ugho wuwiwi ghwawo aighu kwawo.”

JEREMIA 20:1

Idana mkohani Pashuri mwana wa Imeri, uo orekoghe m'baa wa Hekalu ya BWANA oresikireghe malagho nereghilodereghe.

JEREMIA 20:4

Angu BWANA waghamba, ‘Ola nichakubonya kuchulo ni wowa, na waghenyi wako wori wikuobuo. Kuchawiwona waghenyi wako wikibwaghwa kwa lufu ni wamaiza wawo; sena nichawingira wandu wa Juda mikonunyi kwa mzuri wa Babuloni, nao uchawidwa wunyika cha Babuloni na kuwibwagha kwa lufu.

JEREMIA 23:32

Olenyi sikwanye na awo walodi wighoragha tee kwa ndodo rawo, wighoragha na kuwilaghasha wandu wapo kwa tee rawo ra duu, ingelo nisewidumie, hata kuwilaghira; nawo ndewichaawifwana wandu awa hata kutini,” waghamba BWANA.

JEREMIA 29:32

nichamkaba Shemaia Mnehelami na kivalwa chake chose; ndechaakaia na mndungi odua moyo aghadi ya awa wandu, na kuwona iro maza ndicha nichaawibonyera wandu wapo, kwa kukaia wadeda malagho ghewibonya winileghe.’”

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

KILILO CHA JEREMIA 2:14

Walodi wako weeduakughoria tee; machilo ghawo gheeduakukalia kwa kuleghafunukua kaung'a yako. Wikakubonya kugheshe wei ndekune haja ehea.

EZEKIELI 22:28

Na walodi waro, weevisa agho mawiwi sa kukushinga chokaa naighu, nawo wiawona mawono ghiseko na wuloli, na kulodera wandu tee, wikighamba, ‘Bwana MLUNGU waghamba huwu,’ na BWANA useghambie ilagho jingi.

WALAWI 26:17

Nichalwa nenyo, mpate kusimwa ni wamaiza wenyu; awo wizamilwagha ni inyo, wicham'bonyera nguma; nenyo mchakimbia, ngelo mndungi usewuemmbinga.

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

ZEKARIA 13:3

Mndungi ukawoneka ukifunya wulodi sena, ndee na mae wimvae wichamzera, ni suti kufo angu kwawuyaghora tee kwa irina ja BWANA; ukafunya wulodi ndee na mae wimvae wichamdunga na ndagha.

WUKUMBUSO 28:25

“BWANA ucham'bonya msimo ni wamaiza wenyu; mchatumia chiaimweri mkighenda kulwa nawo, na kukimbia imbiri yawo msaghisikie chia rose; nenyo mchashinua mawuzuri ghose gha ndoenyi.