JEREMIA 20:4 - Biblia Ilagho Jiboie Kwa Wandu Wose

⁴ Angu BWANA waghamba, ‘Ola nichakubonya kuchulo ni wowa, na waghenyi wako wori wikuobuo. Kuchawiwona waghenyi wako wikibwaghwa kwa lufu ni wamaiza wawo; sena nichawingira wandu wa Juda mikonunyi kwa mzuri wa Babuloni, nao uchawidwa wunyika cha Babuloni na kuwibwagha kwa lufu.

JEREMIA 20:4 ပူးပေါင်းရင်းမြစ်များ

2 WAZURI 25:7

Wikabwagha wana wa Sedekia ukiwona, wikamturua meso ghake, wikamfunga na pingu, wikamghenja Babuloni.

ZABURI 73:19

Wanoneka shwa-shwa! Wainjwa na kusoweka kwa chia eobosha.

JEREMIA 13:10

Awa wandu wawiwi wileghagha kusikira malagho ghapo, na kunugha kukua kwa ngolo rawo, wikiinugha milungu mizima kwa kuidumikia na kuitasa, wichakaia kara kara na ughu mshipi ghusefwanagha ilagho jingi.

JEREMIA 13:19

Mizi ya Juda ya kusinyi yamerie kurughwa, ndekuwadie mndungi orugua minyango yaro; wandu wose wa Juda wamerie kudwalwa, wose putu wamerie kudwalwa cha wubarishonyi.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 20:6

Na oho Pashuri chiaimweri na wose wikaiagha nyumbenyi kwako, mchadwalwa wunyika cha Babuloni; kuchaghenda na kufuya aho, kurikilo aho, chiaimweri na waghenyi wako awo kwawilodera tee.’”

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 29:21

“BWANA wa majeshi, uo Mlungu wa Israeli waghamba huwu aighu ya Ahabu mwana wa Kolaia na Zedekia mwana wa Maaseia, awo wawuyamfunyira wulodi ghwa tee kwa irina jake: ‘Ola nichawingira mikonunyi kwa Nebukadnezari, mzuri wa Babuloni, nao uchawibwagha imbiri konyu.

JEREMIA 46:5

“Niki nawuyachiwona?” waghamba BWANA, “Wafwa ngolo na kuwuya nyuma. Masikari ghawo ghakabwa ghikakimbia naiseghe; ndewiwuezighana nanyuma, wachulwa ni wowa kwa kula chia.

JEREMIA 52:24

Nebuzaradani, mbaa wa majeshi oremdwaeghe Mkohani M'baa Seraia, na mkohani wa kawi Zefania, na walindiri wa mnyango wadadu;

JEREMIA 52:27

Niko mzuri wa Babuloni ukawikaba na kuwibwagha aho Ribla isanga ja Hamathi. Kwa huwo wandu wa Juda wikadwalwa wunyika kufuma isangenyi jawo.

JEREMIA 6:25

Kusefume noko cha mbuwenyi, hata kusakesela a chienyi; kwa kukaia m'maiza wadwae maswagha, nesi dachulwa ni wowa chia rose.”

1 SAMUELI 2:33

Mundu wako ungi uchaasigharika moyo nisemwinjire madhabahunyi kwapo, uchasigharika tu kwa kukubonya kodelilaghaa na kukaia na wasi ngolonyi; na wandu wa kivalwa chako chose, wichakaia wikibwaghwa ni wandu wudenyi.