JEREMIA 20:11 - Biblia Ilagho Jiboie Kwa Wandu Wose

¹¹ Ela BWANA oko luwaru lwapo, ing'oni jiwadie ndighi; kwa huwo watiriri wapo wichakuwa, ndewichaanisima anduangi. Wichafwa waya na ndighi, angu wisechaadima ilagho jingi; kusowekelwa ni ishima kwawo kwa kala na kala ndekuchaaliwika jingi.

JEREMIA 20:11 ပူးပေါင်းရင်းမြစ်များ

ZABURI 129:2

“Wanikorongie nandighi kufuma wanake ghwapo, elaima ndewinisimie.

ZABURI 35:26

Awo wiboilwagha ni wasi ghwapo, ndewifusho waya nakuvurughika vongo. Awo wikuwusiragha weni aighu yapo, ndewifusho waya na kunonelwa ishima.

ZABURI 40:14

Awo wikundagha kunibwagha, ndewifusho waya na kukambirwa chongo; na awo wiboilwagha ni kunoneka kwapo, ndewiwunjo nyuma na kunonelwa ishima.

ZABURI 47:2

Angu BWANA, Uo-Uko-Aighu-Nandighi ni wa kuobolwa; ni mzuri m'baa ndoenyi kose.

ZABURI 6:10

Wamaiza wapo wose wichafushwa waya, na kusumbuka nandighi, wichawuya nyuma na kufwa waya shwa wori.

ZABURI 65:5

Oho kwadaditumbulia kwa kudineka wusimi kwa chia ya mabonyo ghako gheobosha, ee Mlungu wa kukia kodu; oho kuko isuwirio ja ndoenyi kose, na andu kuko kula na ndighi kwa bahari.

ZABURI 66:5

Choonyi mmbone seji Mlungu ubonyere: mabonyo ghake ghiaobosha wandu.

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

ISAYA 41:14

Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

ISAYA 45:16

Wandu wose wibonyagha milimu, wakambwa ni chongo na kufwa waya wisemanyagha jebonya.

JEREMIA 1:18

Ola idime nakubonya oho kukaie sa muzi ghuwadie ngome; sa nguro ya chuma na sa wurigha ghwa shaba. Isanga jose jichakutangala, na wazuri wa Juda, na wabaa wake, na wakohani wake, na wandu wose wa iji isanga.

JEREMIA 1:19

Wichalwa na oho, ela ndewichaakusima, kwa kukaia ini neko chiaimweri na oho nipate kukukira.”

JEREMIA 1:8

Kusakeobua wandu, angu ini neko andwamweri na oho kukukira.”

JEREMIA 15:15

Niko ngatumbulia, “Oho kwamanya ee BWANA; kunikumbuke na kunilindia. Kulipe kisasi aighu ya watiriri wapo. Kwa wundu ghwa uko kurumaghia kwako kusakenida kula; kumanye naawuyasholelwa kwa wundu ghwako.

JEREMIA 15:20

Nichakubonya kukaie sa wurigha ghwa ngome ghwa shaba kwa wandu awa; wichalwa na oho, nawo ndewichaakusima, kwa kukaia ini neko chiaimweri na oho nipate kukukira na kukuvuvua.

JEREMIA 17:18

Watiriri wapo ndewifusho waya, kunilindie nisefusho waya. Kuwibonye wichulo ni kiture, ela ini niseobuo kindo chingi. Kuwiredie ituku ja wasi, kuwibonye winoneke mando awi.

JEREMIA 22:22

Mbeo ichaweta kuwiinja wabonyi nguma wako; na wakundwa wako wichadwalwa wunyika; aho niko kuchaafwa waya nandighi, kwa wundu ghwa wuwiwi ghwako ghose.

JEREMIA 23:40

Nani nichamredia aighu konyu masholio ghedua na waya ghwa ngelo rose ghusechaaliwika.”

JEREMIA 32:18

oho kuwonyeragha lukundo lukatie kwa maelfu, ela sena kwadawikaba wandu wako kwa wundu ghwa kaung'a ra weke ndee. Ee Mlungu m'baa kuwadie ndighi rose, oho irina jako kuwangwagha BWANA wa majeshi,

DANIELI 12:2

Na wengi wa awo wimerie kufwa na kurikwa ndoenyi, wicharukishwa. Wamu wighende kwa irangi ja kala na kala, na wamu wighende andu kofushwa waya na kumenywa kwa kala na kala.

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

2 TIMOTHEO 4:17

Ela Bwana orekoghe andwamweri nani, ukanineka ndighi rewichilia ghose, eri wandu wa mbari zima wose wipate kusikira. Aho ngavuvulwa sa kufuma momunyi ghwa shimba.