JEREMIA 20:10 - Biblia Ilagho Jiboie Kwa Wandu Wose

¹⁰ Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

JEREMIA 20:10 ပူးပေါင်းရင်းမြစ်များ

1 WAZURI 19:2

Niko Jezebeli ukaduma momu kwa Elija ukighamba, “Naghema milungu inibwaghe ngera kesho ngelo sa ihi nisekubonyere agho kuwibonyere walodi wa Baali.”

1 WAZURI 21:20

Ahabu uendammbona Elija ukamzera, “Kwaniwada nga m'maiza wapo?” Elija ukatumbulia, “Ee, nakuwada; oho kwamerie kukufunya kubonya mawiwi imbiri ya BWANA.

1 WAZURI 22:27

muwizere, wimmbike umundu kifungonyi; wimneke mkate mtini na machi, hata nawuya kwa sere.”

1 WAZURI 22:8

Ahabu ukamzera Jehoshafati, “Wasigharika mundu umweri okotia, nao ni Mikaia mwana wa Imla; ela wadanizamia angu jingi usenilodiagha mecha, ela wadanilodera mawiwi toe.” Jehoshafati ukaghamba, “Ii hata, kuseghore huwo.”

AYUBU 19:19

Waghenyi wapo wa ngolonyi wiazamilwa ni ini, na awo nerewikundieghe weewoka kulwa nani.

ZABURI 31:13

Nasikira wandu wengi wikihohoriana, ngadadungwa ni vikundi; wabonya mipango chiaimweri elwa nani, wipate kunibwagha.

ZABURI 31:14

Ela ini naawuyakusaghika na oho ee BWANA ngighamba, “Oho ko Mlungu wapo.”

ZABURI 41:10

Ela oho ee BWANA, kuniwonie wughoma; kuniboise nipate kuwilipia wamaiza wapo.

ZABURI 41:9

Hata mghenyi wapo wa ngolonyi, umoni neremrumirieghe dikajanya vindo vapo, waghalukie ulo nani.

ZABURI 57:4

Naawuyakaia aghadi ya wamaiza wiko sa shimba rijagha wandu; maghegho ghawo gheeka sa mafumu na mawanu, na chumi rawo reeka sa chufu rikalie.

MAKATANISHO 10:18

Uo uvisagha kuzamilwa kwake ni mtee, na uo ughendagha ukija malagho gha tee ni mkelu.

ISAYA 29:21

Mlungu uchawitotesha awo wandu wiwighushagha wambao kwa kuwizighiria, awo wiwideghiagha shaghala wandu wikemiagha wuwiwi; uchawitotesha awo wandu wiwilaghashagha wandu wa loli na malagho maduu.

JEREMIA 1:19

Wichalwa na oho, ela ndewichaakusima, kwa kukaia ini neko chiaimweri na oho nipate kukukira.”

JEREMIA 11:19

Ela nerekoghe sa mwana wa ng'ondi uko kima, ughenjwagha kubwaghonyi. Seremanyireghe wei iyo njama ni aighu yapo wereibonyereghe wikighamba, “Nndokonyi dighunone mudi chiaimweri na matunda gharo, ndedim'bwaghe dimuinje isangenyi, irina jake jisechekumbukwa sena.”

JEREMIA 11:21

Kwa huwo BWANA waghamba huwu aighu ya wandu wa Anathothi; awo wikunde kukubwagha waawuyaghamba, “Kusakeloda kwa irina ja BWANA dichekubwagha” -

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 20:3

Nakesho yaro, Pashuri uendanifungua ngamzera, “BWANA ndewangagha irina jako Pashuri, ela wadajiwanga ‘Wowa Kula Andu.’

JEREMIA 37:13

Nao iji nerevikieghe Mbenge ya Benjamini, asikari uo orekoghe kilindirinyi aho, uwangwagha Irija mwana wa Shelemia, wawae Hanania, ukaniwada ukighamba, “Kwaawuyakimbia cha kwa Wababuloni.”

JEREMIA 6:25

Kusefume noko cha mbuwenyi, hata kusakesela a chienyi; kwa kukaia m'maiza wadwae maswagha, nesi dachulwa ni wowa chia rose.”

EZEKIELI 22:9

Weko wandu kwako wikufunyire kughora tee kwa kubwagha wandu. Wamu wiaja vizongona vifunyiro kwa milimu a mighondinyi, na kubonya maza ra wulaki aghadi konyu.

DANIELI 6:4

Niko waja wabaa wawi na waja wabaa wazima wikawoka kulola ilagho jingi jedima kumshitakia Danieli kwa wundu ghwa kuwona seji Danieli wawuyaghenjesha wuzuri, ela ndewerepatireghe ilagho jingi hata ikosa jingi kwa Danieli, kwa kukaia orekoghe mloli.

LUKA 20:20

Kwa huwu wikakaia wikilola ngelo ifwane, wikammbikia washeki wemzighanira, wikubonyagha weni kukaia waloli kwa Jesu, wipate ilagho jingi kwake jemshitakia kwa wabaa wa serikali.

MABONYO GHA WADUMI 24:13

Hata ndewidimagha kuwonyera wuloli ghwa malagho winishitakiagha nagho idana anduangi.

MABONYO GHA WADUMI 5:33

Nao iji wandu wa mwandu wasikira malagho agho, wikajokwa ni machu loli-loli, wikakunda kuwibwagha.

MABONYO GHA WADUMI 7:54

Nao iji wandu wa mwandu weresikireghe malagho agho, wikajokwa ni machu loli-loli, na kuja maghegho ghawo aighu yake.