JEREMIA 2:7 - Biblia Ilagho Jiboie Kwa Wandu Wose

⁷ Nerewiredieghe andenyi ya isanga jinorie, wipate kuja matunda na manori gharo. Ela wiendacha werejinonieghe isanga japo, wikajibonya ifwa japo kukaia wuchafu.

JEREMIA 2:7 ပူးပေါင်းရင်းမြစ်များ

NEHEMIA 9:25

Wandu wako wikawada mizi iko na ngome, na isanga jinorie; Wikawada nyumba richue vilambo vose viboie, viriwa vikotero, mbuwa ra mizabibu, mbuwa ra mizeituni, na midi ya matunda kwa wungi. Kwa huwo wikaja, wikaghuda, na kubanda; wikaboilwanya na wucha ghwako m'baa korewinekieghe.

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

ISAYA 19:25

kwa kukaia BWANA wa majeshi wawirasimie ukighamba, “Wandu wapo wa Misri, ndewirasimilo, na Ashuru, kazi ya mikonu yapo, na Israeli ifwa japo.”

JEREMIA 16:18

Nani nichalipia mawiwi ghawo na kaung'a rawo mando awi, kwa kukaia wamerie kujinona isanga na gharia ra milimu yawo izamie, na kuchura ifwa ja isanga japo wuchafu.”

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

JEREMIA 3:2

Zighana nokoighu cha mighondinyi kuwone ngera koko andu kungi kusighilo kusetasire milungu mizima! Korekoghe kukiwesera wandu wetasa milungu mizima chiaimweri nakumoni achienyi kara kara na Muarabu ulaliriagha wandu kireti. Kwanonie isanga kwa kutasa milungu mizima kwako.

JEREMIA 3:9

Orewonieghe wumalaya kukaia ilagho jiangue kwake, ukanona isanga kwa kubonya wulaki ghotasa magho na midi.

JEREMIA 32:23

nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.

JEREMIA 32:30

Kwa kukaia wana wa Israeli na wana wa Juda ndewibonyere ilagho jingi icha, ela wuwiwi mduu imbiri kwapo kufuma wanake ghwawo; wana wa Israeli ndewibonyere ilagho jingi icha, ela kunivavira tu na kuniwusira machu kwa wundu ghwa mabonyo ghawo.

EZEKIELI 20:24

angu wiserewadieghe mafundisho ghapo, hata kurinugha sharia rapo; wikarilusha Sabato rapo, na kuitasa milimu ya weke ndee.

EZEKIELI 20:28

Angu iji nerewiredieghe isanga nerewilaghirieghe kuwineka, werezoeghe kufunya vizongona vawo aighu ya kula mghondi wereghuwonieghe, na aisi ya kula mudi m'baa ghukambie, wikawusira machu ghapo wikifukira marumba aho, na kufunya vizongona venywa.

EZEKIELI 20:6

Ituku ijo nerewibonyereghe ighemi kukaia nichawifunya isanga ja Misri, niwighenje isanga nerewilolieghe nimoni; isanga jinorie nandighi, sena isanga jighokie kuchumba masanga ghose.

EZEKIELI 23:35

Kwa huwo Bwana MLUNGU waghamba huwu, “Kwa kukaia kwanileghie hata kukaniwikia mghongo, kuchaduka msigo ghwa wulaki na wumalaya ghwako.”

EZEKIELI 36:17

“Mwana wa mdamu, iji wandu wa Israeli werekoghe andenyi ya isanga jawo jeni, werejilushireghe kwa wundu ghwa mighendo yawo, na mabonyo ghawo ghizamie. Tabia rawo imbiri kwapo redeeka sa wuchafu ghwa muka uko merinyi.

HOSEA 9:3

Wandu wa Israeli ndewichaakaia isangenyi ja BWANA, ela wichawuya cha Misri na kuja vindo viseelie aho Ashuru.

MIKA 2:10

Wukenyi mghende; ndemmbwadie wubanana ghungi aha sena. Kaung'a renyu rabonyere andu aha kunoneke.

MITALO 13:27

Wikamzera Musa, “Derevikieghe ijo isanga koredidumieghe, ni isanga jinorie nandighi na matunda gharo nigho agha.

WUKUMBUSO 21:23

msemsighe mumbi ghwake ghukilala mdinyi ela mumrike ijo ituku jeni. Kwa kukaia mundu uwanikwagha mdinyi, oowasirwa njowe ni Mlungu. Msejilushe isanga jenyu ijo BWANA Mlungu onyu umnekagha jikaie ifwa jenyu.

WUKUMBUSO 32:9

ela kivalwa cha Jakobo orechisaghueghe, chikaie ifwa jake moni.

WUKUMBUSO 6:18

Na oho kubonye ijo jiko ja hachi jiboie imbiri ya BWANA, kupate kuwona nicha na kujiwusa isanga jiboie ijo BWANA orewilaghirieghe weke ndeyo kukaia uchawineka,