JEREMIA 2:6 - Biblia Ilagho Jiboie Kwa Wandu Wose

⁶ Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

JEREMIA 2:6 ပူးပေါင်းရင်းမြစ်များ

2 WAZURI 2:14

Niko ukawada ija shuka ya Elija erempotokieghe, ukaghikaba ghaja machi ukighamba, “Uo BWANA, Mlungu wa Elija oko hao?” Umeria kughikaba ghaja machi, ghikadumbuka ghadi na ghadi; Elisha ukaruwuka.

AYUBU 3:5

Ndejiserelo ni kiju na kira cha ndindima. Ndejifinikiro ni mawingu, na kuserelwa ni kira cheobosha nadime.

AYUBU 35:10

Ela mndungi ndemlolagha Mlungu Muumbi wake, uo unekagha wandu isuwirio ngelo wakambwa ni chongo.

ZABURI 23:4

Hata ngera naida aghadi ya vololo ya kira chikambie na ndighi, sichaaobua kiwiwi chingi; angu oho BWANA koko andwamweri nani; zobo yako na mzata ghwako, vanilindia.

ZABURI 77:5

Naghesha matuku gha kala, na kukumbuka miaka iidie.

KUFUMA 20:2

“Ini ne BWANA Mlungu wako, nerekufunyireghe isanga ja Misri, kufuma wuzumbenyi.

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

ISAYA 64:7

Ndekuwadie hata umweri ujiwangiagha irina jako kwa malombi, hata ungi ukushashiragha moni kukuchea oho kwa wutesia; angu oho kwakuvisire kodu, kwadileghie na kudida kula kwa wundu ghwa mawiwi ghedu.

JEREMIA 13:16

Mnekenyi BWANA Mlungu onyu wubaa, imbiri useredie kira, imbiri maghu ghenyu ghisekuwie, aighu ya mighondi ya kira cha ndoe kuelenyi; ngelo msuwiriagha mwengere, uo waghughalua ghuwuye kira, ee, kira cha ndindi.

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

JEREMIA 2:8

Awo wakohani ndewicheekotia, ‘BWANA oko hao?’ Awo wandu weni wereiwadieghe Sharia walemelo ni kunimanya vilongozi vikanilegha; walodi wikaloda kwa chia ya Baali, wikanugha vilambo visewadie fwaida ingi.

JEREMIA 5:12

Wadedie kiwiwi aighu ya BWANA, wikighamba, “Ndedimagha kubonya ilagho jingi, hata ndedichelwagha ni wuwiwi ghungi; ndedichaawona wuda ghungi hata njala.

JEREMIA 5:2

Hata ngera wawuyaghema kwa irina ja BWANA wikighamba, “Sa iji BWANA ukaiagha moyo.” Ela sena wadaghema kwa tee.

JEREMIA 51:43

Mizi yaro yawuya kilambo cheobosha, isanga jiomie jiwurie ikara ja kireti; isanga jisekailwagha ni mndungi, hata jiseidwagha ni mdamu ungi.

HOSEA 12:13

BWANA oremdumieghe mlodi kuwifunya wandu wa Israeli isanga ja Misri; kwa chia ya uo mlodi, wikalindilwa.

HOSEA 13:4

BWANA waghamba, “Ini ne BWANA Mlungu wako nikufunyire kufuma isanga ja Misri. Ndekuwadie Mlungu ungi mzima ela ini moni, ndekuwadie mkiri ungi mzima kunichumba ini.

AMOSI 2:10

Sena neremfunyireghe isanga ja Misri, ngamlongoza kireti miaka mirongo ina, na kumneka isanga ja Waamori.

MATHAYO 4:16

Wandu awo werekoghe kirenyi, waghuwona mwengere m'baa. Na kwa awo werekoghe isangenyi na kiju cha kifwa, mwengere ghwalangala kwawo.”

WUKUMBUSO 1:19

“Niko dikazoya charo kufuma Mghondi ghwa Sinai, dikaghenda imbiri sa iji koni BWANA Mlungu odu oredilaghirieghe; dikaida chija kireti chose cheobosha morechiwonieghe dikidamba cha isanga ja mighondinyi ja Waamori, dikacha Kadesh-barnea.

WUKUMBUSO 32:10

“Orewikueghe isanga ja kireti, andu kwa kireti kuomeshero ni mbeo ya kiremba. Ukawirighia na kuwilindia, ukadammbona sa mundu wa iriso jake.

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

WATANYI 6:13

Gideoni ukamzera, “Nga Bwana, ikakaia BWANA oko andwamweri nesi, kwaki sena dapatwa ni iri maza rose? Iro kazi rake ra mashiniko dighorelo ni weke aba reko hao, iro werekoghe wikidighoria, wei BWANA wadifunyire isanga ja Misri? Ela idana BWANA wadisighie na kudikumba mikonunyi kwa Wamidiani.”