JEREMIA 2:32 - Biblia Ilagho Jiboie Kwa Wandu Wose

³² Wele mwai wadima kuliwa mapambo ghake gha lulu angu mwai ulowolwagha nguwo yake ya arusi? Ela wandu wapo waniliwie kwa matuku ghisetalikagha.

JEREMIA 2:32 ပူးပေါင်းရင်းမြစ်များ

KUZOYA 24:22

Nao iji ngamila rameria kunywa machi, uja mdumiki ukafunya pete ya dhahabu iko na wulemeri ghwa nusu shekeli, ukamngira mbuonyi kwake, na bangili iwi riko na wulemeri ghwa shekeli ikumi ra dhahabu, ukamngira vikotonyi kwake.

KUZOYA 24:30

Labani uendawona ija pete na bangili vikotonyi kwa mruna, na kusikira seji orededanyeghe na uo mundu, ukamghendia; ukamkua uko kimusi kaavui na ngamila kiriwenyi.

KUZOYA 24:53

Nao ukafunya manosi gha vilambo va zoghori mbaa va feza na dhahabu na nguwo, ukamneka Rebeka. Wokoni ukafunya vilambo va zoghori mbaa ukamneka mruna na mae.

2 SAMUELI 1:24

“Inyo wai wa Israeli, mlilienyi Sauli, uo oremrushireghe nguwo ra ngundu ra zoghori mbaa, na kumpamba na vilambo va dhahabu na lulu.

ZABURI 106:21

Weremliwieghe Mlungu uo orewikirieghe Misri, kwa mabonyo ghake gha ndighi.

ZABURI 9:17

Wawiwi; awo wandu wose wimliwagha Mlungu, wichaghenda Andu kwa Wafu.

ISAYA 17:10

Kwa kukaia oho Israeli kwamerie kumliwa Mlungu uo ukukiragha, hata ndekuikumbukie Mbanga yako ekimbiria. Kwa huwo, hata ngera kwawa miwalwa ighokie, na kuiwika kwa wundu ghwa milungu ya kighenyi,

ISAYA 57:11

BWANA wakotia, “Nani umngirie kiture mkamuobua hata mkawona mghore tee? Nenyo ndemoredimieghe kunikumbuka, hata kunighesha anduangi. Welee, kurumaghia kwapo kwa ngelo ndacha niko kwam'bonya mseniobuo?

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

JEREMIA 13:10

Awa wandu wawiwi wileghagha kusikira malagho ghapo, na kunugha kukua kwa ngolo rawo, wikiinugha milungu mizima kwa kuidumikia na kuitasa, wichakaia kara kara na ughu mshipi ghusefwanagha ilagho jingi.

JEREMIA 13:25

Ihi niyo kura yako na ifungu jako nimerie kukupimia, kwa kukaia kwamerie kuniliwa na kuirumiria milungu ya tee.

JEREMIA 18:15

Ela wandu wapo awo wanisighie, wadafukiria milungu ya tee marumba; Wamerie kukuwa kwa chia rawo, iro chia rawo ra kala; nawo wanughie chia zima riseboisiro.

JEREMIA 2:11

Mbari ingi jingi yaghalue milungu yaro, hata ngera si milungu ingi? Ela wandu wapo waindanishire wubaa ghawo kwa kilambo chisewirediagha fwaida ingi.

JEREMIA 2:33

Koko na wuya loli-loli gholola waka, hata aweni wizamie putu kwawifundishire chia rako.

JEREMIA 23:27

Waghesha kuwibonya wandu wapo winiliwe kwa iro ndodo rawo wighorianagha weni na weni, sa iji koni weke ndee wereniliwieghe wikatasa Baali.

JEREMIA 3:21

Lwaka lwasikirika aighu mghondinyi, kulila na kulalama kwa wandu wa Israeli, kwa kukaia wailaghashire chia yawo, na kumliwa BWANA Mlungu wawo.

EZEKIELI 22:12

Andenyi kwako wandu wamu wadatuwa wibwaghe wandu. Mwadaboilwa kuwivara wambenyu fwaida kwa kuwikoronga, nenyo mwaniliwa ini Bwana MLUNGU.

HOSEA 8:14

“Wandu wa Israeli waaghie ngome, ela wamliwie Muumbi wawo. Wandu wa Juda waaghie mizi ya ngome, ela nichaduma modo aighu ya iyo mizi ghukore ngome na mizi yawo.”

WUKUMBUSO 32:15

“Wandu wa BWANA werewurieghe wazuri wa mali, ela waleghi; werejieghe vindo wikabanda na kusisina. Weremsighieghe Mlungu Muumbi wawo, na kumlegha mkiri wawo uwadie ndighi.

WUFUNUO 21:2

Nani nerewonieghe ugho muzi ghuelie, Jerusalemu mbishi, ghukisea kufuma mlungunyi kwa Mlungu; ghuboisiro sa mwai ulowolwagha upambilo kwa wundu ghwa mumi wake.

WATANYI 8:34

Na wandu wa Israeli ndeweremkumbukieghe BWANA Mlungu wawo, uo orewivuvueghe kufuma mikonunyi kwa wamaiza wawo wose kula andu;