JEREMIA 2:31 - Biblia Ilagho Jiboie Kwa Wandu Wose

³¹ Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’

JEREMIA 2:31 ပူးပေါင်းရင်းမြစ်များ

1 WAZURI 11:22

Ela mzuri ukamzera, “Niki kwasowa kwapo hata chikubonye kukunde kuwuya isangenyi kwako?” Ukatumbulia, “Neekunda tu kunisighe nighende.”

2 MALAGHO GHA NGELO 31:10

Mkohani M'baa Azaria uo orekoghe wa kivalwa cha Zadoku ukamtumbulia, “Kufuma wazoya kureda michango Hekalunyi, dajie dikaghuda, dikasigara kwa wungi; dasigharika na vindo vilazi angu BWANA uwirasimie wandu wake.”

AYUBU 21:14

Wandu wawiwi wadamzera Mlungu, ‘Fuma kodu! Ndedikunde kurimanya chia rako.

ZABURI 10:4

Mundu mmbiwi ukukasire ndemtalagha BWANA; wadaghesha ngelo rose Mlungu ungi ndeuko.

ZABURI 12:4

awo wighambagha, “Dichawisima kwa kukudederie diweni; deko na memu yedu, nani uchaadibonyera nguma?”

MAKATANISHO 30:9

nisecheghuda nandighi na kukukana oho ngighamba “Nani uwangwagha BWANA?” hata nisekaie mkiwa nicheiwa na kujilusha irina ja Mlungu wapo.

ISAYA 45:19

Sereghorieghe kivisonyi andenyi ya isanga ja kirenyi; serechizerieghe kivalwa cha Jakobo winilole duu. Ini BWANA nadaghora loli, na kufunukua agho ghiko gha hachi.”

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

JEREMIA 2:25

Kusakeghenda na chwau nduu, hata kusesighe marangi ghako ghiome; ela kwaghambie, ‘Agho ni malagho gha duu, kwa kukaia namerie kuikunda milungu ya kighenyi, nani nichainugha.’”

JEREMIA 5:5

Nichawighendia vilongozi, nani nichaghora nawo; kwa kukaia awo waiichi chia ya BWANA, iyo sharia ya Mlungu wawo.” Ela wose kwa nia imweri waleghie kubonyerwa nguma ni BWANA, na kulegha kumsikira.

JEREMIA 5:6

Kwa huwo wichabwaghwa ni shimba ifumagha kilembenyi, na kikwau chifumagha kireti chichawitotesha. Inge yaawuyalaliria mizi yawo, mndungi uchaafuma ucharashulwa vipande vipande, kwa kukaia makosa ghawo ni mengi, na kuwuya nyuma kwawo kwakaia kubaa.

EZEKIELI 14:5

nipate kurighalua ngolo ra wandu wa Israeli cha kwapo, awo wilaghashiro na kufuma kwapo kwa wundu ghwa iyo milimu yawo.

HOSEA 13:6

Ela iji morejieghe mkaghuda andenyi ya isanga ja ilaghiro, morekujosereghe ngolonyi konyu mkaniliwa.

AMOSI 1:1

Agha ni malagho gha Amosi, uo orekoghe umu wa walisha wa Tekoa. Miaka iwi imbiri ya msughusiko ghwa ndoe, Mlungu oremfunukueghe Amosi maza aighu ya Israeli iji Uzia orekoghe mzuri wa Juda, na Jeroboamu mwana wa Joashi orekoghe mzuri wa Israeli.

MIKA 6:9

Kuobua kwa BWANA niyo hikima. BWANA waawuyawanga mzinyi, “Sikirenyi inyo wandu mkwanyikagha mzinyi!

1 WAKORINTHO 4:8

Inyo mwamerie kughuda! Mwamerie kuwuya wazuri wa mali! Mwamerie kuwuya wazuri msekwanye nesi! Na loli kumangu mwabonya nguma, dipate kubonya nguma andwamweri nenyo.

WUKUMBUSO 31:20

Kwa kukaia ngameria kuwingira ijo isanga jinorie, nerelaghirieghe kuwineka weke ndee, na iji waja wikaghuda na kubanda, wichaghaluka na kuitasa milungu mizima; wichanimenya na kujinona ilaghano japo.

WUKUMBUSO 32:15

“Wandu wa BWANA werewurieghe wazuri wa mali, ela waleghi; werejieghe vindo wikabanda na kusisina. Weremsighieghe Mlungu Muumbi wawo, na kumlegha mkiri wawo uwadie ndighi.

WUKUMBUSO 32:18

Weremliwieghe Mlungu wawo, uo Mkiri uwadie ndighi, uo uwinekagha irangi.