JEREMIA 2:28 - Biblia Ilagho Jiboie Kwa Wandu Wose

²⁸ Da milungu yako iyo korekubonyereghe kumoni iao? Ndeiwukecho ikakaia idimagha kukukira ngelo ya wasi ghwako? Kwa kukaia eko mingi andenyi ya mizi yako ee Juda.

JEREMIA 2:28 ပူးပေါင်းရင်းမြစ်များ

2 WAZURI 3:13

Elisha ukamzera mzuri wa Israeli, “Siwadie ilagho jingi jekubonyera. Ghenda kwa walodi wa ndeyo na mayo.” Mzuri wa Israeli ukamzera, “BWANA nuo wadiwanga wazuri wadadu, eri udingire mikonunyi kwa mzuri wa Moabu.”

ISAYA 45:20

BWANA waghamba, “Kwanyikenyi munisoghodere kaavui, inyo masighariko gha iro mbari ra wandu; awo widukagha iyo milimu yawo ya midi, na kulomba milimu isedimagha kukira, ndewiwadie kumanya kungi.

ISAYA 46:2

Iyo milungu yasia, nayo yadukwa isedimagha kukukira cheni, ela yadwalwa wunyika.

ISAYA 46:7

Waghuduka ugho mlungu maweghenyi kwawo, waghenda na kughukaisha kimusi andu kwaro; nagho ndeghudimagha kuinjika aho. Mndungi ukaghulilia, ndeghutumbuliagha; hata ndeghudimagha kumkira kufuma kwa wasi ghwake.

ISAYA 57:13

Iji kwakema kukilola wutesia, oke iyo milimu yako koreitumbanyireghe ndeikukirecho. Mbeo ya kiremba ichacha na kuidwa noko, ee, miruke tu ichaiinja noko. Ela uo uchaakusaghika nani, uchapata isanga na kughupata ifwa ugho Mghondi ghwapo ghwa wueli.”

JEREMIA 1:16

Nani nichareda kutanya kwapo aighu ya wandu wapo, kwa wundu ghwa ugho wawiwi ghwawo ghose ghonilegha ini, na kufukiria milungu mizima marumba na kwa wundu ghwa kutasa kazi ra mikonu yawo cheni.

JEREMIA 11:12

Niko wandu wa mizi ya Juda na awo wikaiagha Jerusalemu wichaghenda kuililia milungu iyo werekoghe wikiifukiria marumba ela ndeichaadima kuwikira ngelo ya wasi ghawo.

JEREMIA 11:13

Kwa kukaia milungu yenyu eewuya mingi kara kara na mizi enyu ee Juda, na madhabahu ghenyu mughiwikie ghemfusha waya gheeka mengi kara kara na chia ra Jerusalemu; mpate kumfukiria Baali marumba.

JEREMIA 30:7

Ai, e ituku ja mashiniko, jisefwanane na ituku jingi; ni ngelo ya wasi kwa kivalwa cha Jakobo, elaima ugho wasi ghuchamredia kukia.”

JEREMIA 37:19

A walodi wako weko hao, awo wifunyire wulodi wei, ‘Mzuri wa Babuloni ndechaalwa na oho hata na iji isanga?’

HOSEA 10:1

Wandu wa Israeli weeka sa mzabibu ghuvagha matunda kwa wungi. Ngelo wawuyachurikia kukaia nicha, niko wawuyachuria kuagha madhabahu mengi. Seji isanga jake jichuriagha kuva mavalo mengi, ni huwo wichurie kuagha nguro rake ra magho riboie retasa.

HABAKUKI 2:18

Mlimu ghoko na fwaidaki? Ni kilambo chimu tu chibonyero ni mdamu chisedimagha kukughoria ilagho jingi ela tee nduu. Chabonyeragha fundi waro ilaghoki jiboie eri uchirumirie, mlungu ghusedimagha kudeda!

HABAKUKI 2:19

Ni bugha kwa uo mundu uzeragha kilambo cha mudi, “Wuka!” Na igho jisededagha, “Wuka kimusi!” Mlimu ghwadima kukufunukuya ilagho jingi? Ghooshingwa dhahabu na feza, ela ndeghuwadie miruke andenyi yake.

WUKUMBUSO 32:37

Niko BWANA uchawikotia wandu wake, ‘Iyo milungu iwadie ndighi moreirumirieghe eko hao?

WATANYI 10:14

Ghendenyi muikemie milungu yenyu iyo moreisaghueghe, nayo ndeimkire ngelo ya wasi ghonyu.”