JEREMIA 2:25 - Biblia Ilagho Jiboie Kwa Wandu Wose

²⁵ Kusakeghenda na chwau nduu, hata kusesighe marangi ghako ghiome; ela kwaghambie, ‘Agho ni malagho gha duu, kwa kukaia namerie kuikunda milungu ya kighenyi, nani nichainugha.’”

JEREMIA 2:25 ပူးပေါင်းရင်းမြစ်များ

2 MALAGHO GHA NGELO 28:22

Iyo ngelo cheni Mzuri Ahazi orekoghe andenyi ya wasi m'baa, ukachuria kusowa kukaia mloli kwa BWANA.

2 MALAGHO GHA NGELO 28:23

Ukafunya kizongona kwa milungu ya wandu wa Dameshki awo weremsimieghe ukighamba, “Kwa kukaia milungu ya mzuri wa Siria yawiteserie, nani moni nichaifunyira kizongona initesie.” Ela niyo iwurie ikamnona putu chiaimweri na wandu wa Israeli wose.

ISAYA 2:6

Oho kwawisighie wandu wako ee Mlungu, icho kivalwa cha Jakobo; Kwa kukaia wachulwa ni wulaghui sa wandu wa mashariki, na sa Wafilisti, sena wabonya wungara na waghenyi.

ISAYA 57:10

Mwakusirishire ndighi mmbeni mkighenda, hata huwo ndemchesilwa ni ndighi mghambe, “Ni kazi ya duu,” ela mkakufungisha ndighi, hata ndemoresiriloghe anduangi.

JEREMIA 13:21

Kuchaghora wada kukawiwona waghenyi wako korewifundishireghe wikikaia wabaa aighu yako? Welee, ndekuchaawawa karakara na muka ukumbagha lufu anguwada?

JEREMIA 13:22

Na kukaghora ngolonyi kwako, ‘Kwaki nachelwa ni iri maza rose?’ Ni kwa wundu ghwa wungi ghwa makosa ghako, niko nguwo rako rafunukulwa na oho kukadidikwa.

JEREMIA 14:10

BWANA waghora huwu aighu ya awa wandu: “Wadakunda tu kumara-mara, hata ndewikumaziriagha weni; kwa huwo BWANA ndewirumirie, nao uchaghikumbuka mawiwi ghawo na kuwikaba kwa wundu ghwa kaung'a rawo.”

JEREMIA 18:12

Ela awo wadaghamba, ‘Agho ni gha duu! Isi dichanugha mipango yedu, na kula umu odu uchanugha kuja kukua kwa ngolo yake mbiwi.’”

JEREMIA 2:31

Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’

JEREMIA 22:20

“Joka cha Lebanoni kukeme, wusira lwaka lwako aho Bashani, kukeme kufuma Abarimu; kwa kukaia awo wakundwa wako wose wameria kutoteshwa.

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 3:13

Rumiria ikosa jako tu, kukaia, korenileghieghe ini BWANA Mlungu wako, kukakufunya kutasa milungu ya kighenyi, aisi ya kula mudi m'baa ghupambie, hata ndekorelusikireghe lwaka lwapo anduangi.

JEREMIA 44:17

ela isi dichabonya agho malagho dereghibonyerieghe ighemi; kumfukiria marumba Malkia wa Mlungunyi, nesi dichamdungia vizongona vedu venywa, sa iji koni dibonyagha na sa iji koni weke aba werebonyagha, chiaimweri na wazuri wedu na wabaa wedu, andenyi ya mizi ya Juda na chia ra Jerusalemu; na aho derekoghe na vindo vingi na kuwona nicha, hata ndederewonieghe wuwiwi ghungi anduangi.

KILILO CHA JEREMIA 1:2

Ghwadalalalila kwa kuwawa ghukidikwa ni mbori. Ndekuwadie mghenyi ungi wake wa kala usigharikie omhoresha. Wangara wake wamfunyire, na wose wawuya wamaiza wake.

KILILO CHA JEREMIA 4:4

Wasigha wana wawo wifo kwa njala na kau; wana walomba vindo, ela ndekuwadie ungi owineka.

EZEKIELI 20:32

Mwaawuyaghamba wei mwakunde mfwanane na wandu wa mbari zima mtaseghee midi na magho. Agho maghesho muko nagho ndeghichaakaia jingi.

HOSEA 2:3

nisechemrua nguwo na kumsigha duu, na kum'bonya uwoneke sa iji koni orevalwagha; nim'bonye ukaie sa kireti, na kummbika ukaie sa isanga jiomie, upate kubwaghwa ni kau.

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’

MALAKI 3:14

Inyo mwaghambie, ‘Ni duu kumdumikia BWANA. Eko fwaidaki ewadia malaghiro ghake na kughenda dikihea imbiri kwake kwa agho dighibonyere?

LUKA 15:22

Ela ndee ukawizera wadumiki wake, ‘Redenyi shwa-shwa ija nguwo iboie kuchumba mumrushe, sena mumngire pete chalenyi kwake, na vadu maghunyi kwake.

LUKA 16:24

Ukawanga ukighamba, ‘Ee Aba Abrahamu, niwonie wughoma, kumdume Lazaro ungire mudo ghwa chala chake machinyi uche unihoreshe lumi lwapo, angu niatirirwa kwa luwawo lubaa lwa ulu lumu lwa modo.’

WAROMA 8:24

Angu deekirwa kwa ijo isuwirio; ela isuwirio jiwonekagha si isuwirio jingi. Nani usuwiriagha icho wawuyachiwona?

WUKUMBUSO 28:48

kwa wundu ugho, kuchawidumikia wamaiza wako, awo BWANA uchaawiduma kulwa na oho, kuko njala, na kau, kuko duu, sena kwasowekelwa ni vilambo vose. Nao uchakukoronga nandighi, hata umerie kukutotesha putu.

WUKUMBUSO 32:16

Kutasa milimu kwawo korem'bonyereghe kuwadwa ni iriso, mabonyo ghawo ghizamie ghikamjosa machu.