JEREMIA 2:2 - Biblia Ilagho Jiboie Kwa Wandu Wose

² “Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

JEREMIA 2:2 ပူးပေါင်းရင်းမြစ်များ

ZABURI 129:1

Israeli, dighorie seji kukorongelo ni wamaiza wako kufuma wanake ghwako.

KUFUMA 14:31

Waisraeli wikawona kazi mbaa iyo BWANA oreibonyereghe kwa kuwisima Wamisri, nawo wikamuobua BWANA; wikamrumiria BWANA na mdumiki wake Musa.

KUFUMA 16:8

Musa ukawizera, “Ni BWANA uchaamneka nyama reja nakenyi, na mikate emghudisha nakesho, angu wasikira mazughunuko ghenyu mwam'bonyera. Isi deko kii? Ndemuwuedizughunukia isi, ela mwaawuyamzughunukia BWANA.”

MAKATANISHO 1:20

Hikima wawanga kwa lwaka lubaa chienyi; wawusira lwaka lwake sokonyi,

LUMBO 3:11

Inyo waka wa Sioni, choonyi mmbone Mzuri Solomoni seji warushwa kirumbu ni mae; ituku ja arusi yake, ijo ituku ja kuboilwa kwake.

LUMBO 3:6

Nani uhu ujokagha kufuma kireti sa nguro ya mosi, ushingilo marumba gha manemane, na ubani, agho marumba ghiuzwagha ni wandu wa biashara?

ISAYA 58:1

BWANA waghamba, “Ghora kwa lwaka lubaa, kusakeleka; wusira lwaka lwako sa tarumbeta, kuwighorie wandu wapo ikosa jawo, na kivalwa cha Israeli kuchighorie kaung'a rawo.

JEREMIA 11:6

Nao BWANA ukanizera, “Ghora agha malagho ghose mizinyi ya Juda, na chienyi ra Jerusalemu kughambe; Sikirenyi malagho gha iji ilaghano, mughibonye.

JEREMIA 19:2

mwendanye vololo ya Hinomu kwa kuidiria Mbenge ya Chuwigha, kupate kughora agho malagho nichaakughoria.

JEREMIA 2:1

BWANA ukaghora nani ukighamba,

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

JEREMIA 3:4

“Na idana kwanizera, ‘Oho ko aba, korenikundieghe kufuma niko mwanake;

JEREMIA 7:2

“Ghenda kukaie kimusi mbengenyi ya BWANA, kughore malagho agha, sikirenyi ilagho ja BWANA inyo wandu wose wa Juda mchagha na kungia iri mbenge kuendamtasa BWANA.

EZEKIELI 16:22

Na andenyi ya ugho wuchafu ghwako ghose, na wumalaya ghwako, jingi ndekukumbukie matuku gha wanake ghwako, ngelo korekoghe duu putu kukighala-ghala a baghenyi kwako.

EZEKIELI 16:60

elaima nichajikumbuka ilaghano japo nerejibonyereghe na oho ngelo ya wanake ghwako; nani nichajimangisha jiwuye ilaghano ja kala na kala.

EZEKIELI 16:8

“Iji nereidieghe kaavui na oho sena, ngakuzighana na kuwona angu kwameria kuzoghua na kuvika ngelo ekundwa; ngaghorua kidambi cha nguwo yapo, ngakufinikira wuduu ghwako; ee, ngakubonyera ilaghano, na oho kukawuya wapo. Ini Bwana MLUNGU naghamba.

EZEKIELI 23:19

Ela sena ukachuria kubonya wumalaya ghwake, ukikumbuka matuku gha wanake ghwake, iji orekoghe ukighubonya Misri.

EZEKIELI 23:3

werekoghe wikibonya wumalaya Misri kufuma wanake ghwawo, hata nyodo rawo rikaghwa, na wai ghwawo kunoneka putu.

EZEKIELI 23:8

Jingi ndesigha tabia ya wumalaya ghwake oreghuzoeghe matuku orekoghe Misri; kufuma wanake ghwake, womi werekoghe wikilala nao, wikakatisha bea rawo nao.

HOSEA 11:1

BWANA waghamba, “Iji Israeli orekoghe mwanake, neremkundeghe; kufuma Misri ngammbanga mwanwapo.

HOSEA 2:15

Nichammbunjira mbuwa yake ya mizabibu, na kubonya Vololo ya Akori iwuye mnyango ghwa isuwirio. Aho uchanitumbulia sa iji orekoghe wa irika, sa ngelo orefumieghe Misri.

HOSEA 2:17

Sichaamsigha ughore marina gha Baali sena, na iyo milungu ndeichaaghorwa momunyi kwake sena anduangi.

HOSEA 2:7

Uchawinugha wakundwa wake, ela ndechaawipata; niko aho uchaghora, ‘Nichammburia mndwawomi wapo wa imbiri, kwa kukaia nerekoghe nicha kwake kuchumba idana.’

HOSEA 8:1

BWANA waghamba, “Kabenyi tarumbeta! Wamaiza waawuyangia isangenyi japo sa indu! Wandu wapo wajichikanyire ilaghano nibonyere nawo, na kughilegha mafundisho ghapo.

HOSEA 9:10

BWANA waghamba, “Iji nerezoyagha kummbona Israeli, odeeka sa kuwona zabibu rikizoghua kireti. Iji nerewiwonagha weke ndeyo, edeeka sa kuwona matunda gha imbiri gha tini riwurue kwa kimu charo. Ela iji werechieghe Mghondi ghwa Peori, wikazoya kutasa Baali; wikazoya kufwanana na iyo milungu wereikundieghe.

JONA 1:2

“Wuka kughughendie ghuja muzi m'baa ghwa Nineve, kughuchilie; angu nawona seji wandu waro wakaia wawiwi.”

MATHAYO 11:15

Uo uko na madu ghesikira ndesikire.

LUKA 12:13

Nao mndumu andenyi ya jija izungu ukamzera, “Mwalimu, mzere mwanidu diwaghe ifwa jedu.”

WUKUMBUSO 2:7

“BWANA Mlungu onyu wamerie kumrasimia kwa kazi rose mwawuyabonya, waichi seji mghendagha aghadi ya ichi kireti kibaa; miaka ihi yose mirongo ina, BWANA Mlungu onyu orekoghe andwamweri nenyo; hata ndemsowie kindo chingi anduangi.

WUKUMBUSO 33:3

BWANA wawikunde wandu wake na kuwilindia awo wiko wake. Kwa huwo dadaghoghoma maghunyi kwake na kusikira malaghiro ghake.

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

JAKOBO 4:4

Inyo walaki! Wele ndemmanyire kubonya wughenyi na wurumwengu ni wumaiza kwa Mlungu? Kwa huwu uhu ukundagha kukaia mghenyi wa wurumwengu wakubonya moni kukaia m'maiza wa Mlungu.

WUFUNUO 2:4

Ela neko na ilagho na kumoni, kukaia kwamerie kulusigha luja lukundo korekoghe nalo imbiri.