JEREMIA 2:19 - Biblia Ilagho Jiboie Kwa Wandu Wose

¹⁹ Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 2:19 ပူးပေါင်းရင်းမြစ်များ

1 WAZURI 18:18

Elija ukatumbulia, “Si ini ungi nawuyasumbua Israeli, ela ni oho na nyumba ya ndeyo mwawuyasumbua Israeli kwa kuisigha memu ya BWANA na kutasa mlimu ghwa Baali.

2 MALAGHO GHA NGELO 12:5

Niko mlodi Shemaia ukacha kwa Rehoboamu na wabaa wose wa Juda werekwanyikieghe Jerusalemu kwa wundu ghwa Shishaki, ukawizere, “BWANA waghora huwu, ‘Muendanisigha nani moni neemsigha mkabo ni Shishaki.’”

2 MALAGHO GHA NGELO 21:10

Kwa huwo wandu wa Edomu wikalegha kubonyerwa nguma ni Juda hata idime. Ngelo iyo cheni wandu wa Libna wikalegha kubonyerwa nguma wokoni, angu Jehoramu oremsighieghe BWANA uo Mlungu wa weke ndee.

2 MALAGHO GHA NGELO 25:16

Ela usendeemeria kudeda, mzuri ukamzera, “Ni lii dikubonyere mnjama wa mzuri? Nyama kima! Kookunda kifwa?” Mlodi ukanyama kima nyuma ya kughora, “Namanya Mlungu oowona ukutoteshe, kwa kukaia kwabonya iji ilagho, sena kukalega njama yapo.”

ZABURI 36:1

Kaung'a yadaghora na mundu mmbiwi kufuma kondenyi ngolonyi kwake; ndewadie kuobua kwa Mlungu kungi anduangi.

KUFUMA 33:6

Kwa huwo, wandu wa Israeli weresighieghe putu kurwa mapambo gha zoghori, nyuma ya kufuma Mghondi ghwa Sinai.

MAKATANISHO 1:31

Kwa huwo mchaja matunda gha mighendo yenyu na kukatwa ni mipango yenyu cheni.

MAKATANISHO 1:32

Wandu wisemanyagha wiabwaghwa ni kulegha hikima, na wukelu ghwawo ghuchawitotesha.

MAKATANISHO 5:22

Mundu mmbiwi wadawadwa ni makosa ghake moni, na kumazirwa ni nyavu ya kaung'a rake reni.

ISAYA 3:9

Kuzighana kwawo kwawishuhudia, wafunukua kaung'a rawo worinyi sa wandu wa Sodoma. Ni bugha kwawo, kwa kukaia wakuredia weni wuwiwi aighu yawo.

ISAYA 5:5

“Idana nichamghoria ijo nichaajibonya kwa mbuwa yapo ya mizabibu. Nichainja isanju japo na wurigha ghwaro, nayo ichajighwa ni nyamandu, na kuiwadia-wadia.

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

JEREMIA 1:16

Nani nichareda kutanya kwapo aighu ya wandu wapo, kwa wundu ghwa ugho wawiwi ghwawo ghose ghonilegha ini, na kufukiria milungu mizima marumba na kwa wundu ghwa kutasa kazi ra mikonu yawo cheni.

JEREMIA 13:22

Na kukaghora ngolonyi kwako, ‘Kwaki nachelwa ni iri maza rose?’ Ni kwa wundu ghwa wungi ghwa makosa ghako, niko nguwo rako rafunukulwa na oho kukadidikwa.

JEREMIA 2:17

Agha malagho ndekookuredia kumoni ee Israeli, kwa wundu ghwa kunisigha ini BWANA Mlungu wako, ingelo nerekoghe ngikughenja chienyi?

JEREMIA 3:22

“Wuyenyi inyo wana mseko waloli, nani nichamkira kufuma kwa uko kusowa wuloli konyu.” Nenyo mwatumbulia, “Ola daawuyacha kwako, angu ni oho BWANA Mlungu odu.

JEREMIA 4:18

Ni chia rako na mabonyo ghako gheni ee Juda, ghakuredia agha, iji nijo ikabo jako. Jabirie, najo jangia kondenyi ngolonyi kwako.”

JEREMIA 5:22

Wele ndemuniobuagha ini? Ndemsughusikagha imbiri kwapo? Ini nawikie msangagha ghukaie mpaka ghwa bahari, kighirio cha toe machi ghisedimagha kuchumba, hata ngera mivo-mivo ya bahari yakumicha, isedimagha kughusima, hata ngera yaruruma, isedimagha kuida aighu yaro.

JEREMIA 5:24

Ndewighoragha ngolonyi kwawo, ‘Ndedimuobuo BWANA Mlungu odu, uo udinekagha vua kwa vimu varo; vua ya sumesu na vua ya kwari, uo udiwikiagha vimu va makuwido.’

JEREMIA 5:6

Kwa huwo wichabwaghwa ni shimba ifumagha kilembenyi, na kikwau chifumagha kireti chichawitotesha. Inge yaawuyalaliria mizi yawo, mndungi uchaafuma ucharashulwa vipande vipande, kwa kukaia makosa ghawo ni mengi, na kuwuya nyuma kwawo kwakaia kubaa.

JEREMIA 7:19

Welee, ni ini wawuyanivavira? Wele ndawaawuyakuvavira na kukufusha waya wenii anguwada?

JEREMIA 8:5

Kwaki sena awandu wa Jerusalemu wiwurie nyuma wiseheagha? Wiamaziriana na maza ra mikalo, nawo walegha kughaluka na kuhea.

EZEKIELI 23:30

ghwakushekerie kupatwa ni agho malagho ghose; angu kubonyere wumalaya na iro mbari ra wandu, na kukulusha na milimu yawo.

EZEKIELI 39:24

Nedebonya huwo kunughana na wuchafu na makosa ghawo, nani ngasigha kuwizighana.”

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

HOSEA 13:9

“Nichamnona ee wandu wa Israeli! Nani udikagha kumtesia?

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

HOSEA 4:16

Wandu wa Israeli weeka sa ng'ombe ing'etere; da ini BWANA nidima kumlela wada sa wana wa ng'ondi a mlambenyi?

HOSEA 5:5

Kukukasa kwa wandu wa Israeli kwawuyawishuhudia. Kaung'a rawo rawikuwara wikaghwa, na wandu wa Juda wori wichaghwa chiaimweri.

HOSEA 7:2

Ela ndewiwuemanya wei nawuyarikumbuka kazi rawo mbiwi rose. Mabonyo ghawo ghawimara chia rose na kuwikwa imbiri kwapo.”

HOSEA 9:1

Wandu wa Israeli, msebonye ndima mkiboilwa sa wandu wa iro mbari. Inyo mwaghalukie mkamsigha Mlungu onyu, hata ndemkaie waloli kwake anduangi. Mwakuuzire isangenyi kose mkawuya malaya kwa mlimu Baali, mkaboilwa ni viro moregheshereghe ni malipo ghenyu.

AMOSI 8:10

Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.

MIKA 1:5

Agha ghose ghaawuyacha angu wandu wa Israeli wibonyere kaung'a, na kumlegha Mlungu. Nani uko mkosa ima Israeli kaleghagha Mlungu? Welee, si Samaria cheni? Nani uko mkosi otasa milimu andenyi ya Juda? Welee, si Jerusalemu cheni?

ZEKARIA 7:11

“Ela wandu wapo wereleghieghe kusikira, wikaghilika, wikafindika madu ghawo wisesikire.

WAROMA 3:18

hata kumuobua Mlungu kungi ndekuko andenyi kwawo anduangi.”

WATANYI 10:13

Chiaimweri na agho, morenisighieghe ini, mkadumikia milungu mizima; kwa huwo sichaamkira sena.