JEREMIA 2:10 - Biblia Ilagho Jiboie Kwa Wandu Wose

¹⁰ Ruwukenyi hata kisiwa cha Kupro, angu dumenyi wandu Kedari mzighane nicha; mmbone ngera ilagho sa ijo jakaie.

JEREMIA 2:10 ပူးပေါင်းရင်းမြစ်များ

KUZOYA 25:13

Na marina ghawo nigho agha ghipangilo kunughana na kuvalwa kwawo: Nebaiothi mwana wa imbiri wa Ishmaeli, Kedari, Adbeeli, Mibsamu,

1 WAZURI 9:9

Wandu wichatumbulia, ‘Ni angu wimsighie BWANA Mlungu wawo, uo orewifunyireghe weke wawae isanga ja Misri; wikawoka kuitasa milungu mizima na kuidumikia; kwa huwo niko wapatwa ni ughu wasi.’”

1 MALAGHO GHA NGELO 1:7

Wana wa Javani ni: Elisha, Spania, Kupro na Rodi.

1 MALAGHO GHA NGELO 23:1

Iji Daudi waghosia nandighi, orem'bonyereghe mwana wake Solomoni kukaia mzuri wa Israeli.

1 MALAGHO GHA NGELO 23:12

Wana wa Kohathi werekoghe bana: Amramu, Ishari, Hebroni, na Uzieli.

ZABURI 120:5

Ni bugha kwapo angu nawuyamara-mara andenyi ya isanga ja Mesheki, na kukaia aghadi ya hema ra Kedari!

ISAYA 21:16

Niko BWANA ukanizera, “Andenyi ya mwaka mlazi gi, wubaa ghose ghwa Kedari ghuchasia.

ISAYA 23:1

Agha ni malagho aighu ya Tiro. Lilenyi inyo mabaharia wa Tarshishi, kwa kukaia muzi ghonyu ghwa Tiro ghwanonwa, hata ndekuwadie nyumba ingi angu bandari, rose ranonwa putu. Mchasikira maza iri kufuma Kupro.

ISAYA 23:12

Nao waghambie, “Ndekuwuyaboilwa sena ee muzi ghwa Sidoni kuko sa mwai uelie, ukorongelo; hata kukakimbiria Kupro saki, ndekuchaapata kuhora kungi anduangi.”

JEREMIA 49:28

BWANA waghamba huwu aighu ya mbari ya Kedari na mawuzuri gha Hazori, agho gheresimiloghe ni Mzuri Nebukadnezari. “Wuka kukabe Kedari, kuwitoteshe awo wandu wa mashariki.

EZEKIELI 16:16

Korewusireghe marwao ghamu ghako kukapamba nagho andu kotasira, na kubonya wumalaya aho. Maza sa iro jingi nderebonyeka, hata nderichaabonyeka sena anduangi.

EZEKIELI 27:21

Arabia na wabaa wose wa Kedari werekoghe wakundwa wako kwa wundu ghoghuana wana wa ng'ondi, bauru na mburi, naro niro korebonyereghe biashara nawo.

EZEKIELI 27:6

Weretumieghe mialoni ya Bashani, kukubonyera makasia; wikabonya wualo ghwako na mbau ra misumbesu, ifumie pwani ya Kupro, ghukakandwa na mbembe ra chovu.

EZEKIELI 5:7

Sikira Jerusalemu seji ini Bwana MLUNGU nighoragha: Kwa kukaia kwaleghie kusikira malaghiro ghapo na sharia rapo, kwawuya mundu osumbua kuchumba mbari ra wandu rikumarie chia rose. Kwanughie mizango ya iro mbari ra wandu.

DANIELI 11:18

Konyuma, uchaghaluka cha masanga gha pwani, na kuwada malazi; Ela m'baa umu wa majeshi uchamsima, na kumeria uko kukukasa kwa mzuri wa Siria, na kumfusha waya.

DANIELI 11:30

Wandu wichacha na meli ra Kitimu kulwa nao. Uchaobua na kuwuya nyuma wajokwa ni machu, na kuwoka kulwa na wandu wa ilaghano ja wueli; Uchawadana na wandu wileghie kunugha ijo ilaghano ja wueli.

MITALO 24:24

Ela wandu wichacha na meli kufuma Kupro, na kuwikoronga Waashuru na Waeberi ela na Wakupro weni wori wichatota wokoni.”

1 WAKORINTHO 5:1

Yawuyaghoreka wei ghoko wulaki aghadi konyu, nagho ni wulaki ima ghusekaiagha hata kwa watasi milimu; wei mndumu waawuyakanya na mka-ndee.

WATANYI 19:30

Na wose werewonieghe wikaghamba, “Kufuma wandu wa Israeli wafuma Misri hata idime iji, jingi ndekubonyekie angu kuwoneka ilagho sa iji. Jizighanenyi, m'bonye njama, nao mdede malagho gharo.”