JEREMIA 19:7 - Biblia Ilagho Jiboie Kwa Wandu Wose

⁷ Mipango wereibonyereghe wandu wa Juda na Jerusalemu andu aha nichainona, na kuwibonya wandu wawo wibwagho wudenyi ni wamaiza wawo, na awo wilolagha kughitotesha marangi ghawo. Nicharineka nyonyi ra mbeonyi na nyamandu ra isakenyi gharia ra mimbi yawo.

JEREMIA 19:7 ပူးပေါင်းရင်းမြစ်များ

2 WAZURI 21:14

Nani nichawikumba masighariko gha wandu wapo noko, na kuwingira mikonunyi kwa wamaiza wawo, nawo wichawuya wandu wedwalwa wunyika ni wamaiza wawo wose;

MAKATANISHO 21:30

Ndekuwadie hikima, angu kumanya, angu njama ingi idimagha kusimana na BWANA.

ISAYA 29:14

huwo koni na ini nichawibonyera maza richaawishinua; malagho gha mashiniko ghisedimagha kuvikilwa ni hikima ya wandu wawo; na wandu wawo wa akili wichasirilwa ni kumanya kwawo.”

ISAYA 8:10

Bonyenyi njama renyu, ela nderichaafwana anduangi. Ghorenyi agho ghose mkunde, ela ndeghichaakatia anduangi; kwa kukaia Mlungu oko andwamweri nesi.

JEREMIA 15:2

Nawo wikakukotia, ‘Welee, dighende hao?’ Kuchawitumbulia, ‘BWANA naghamba huwu: “Wandu webwaghwa ni saka izamie, wichafwa kwa saka izamie, na awo webwaghwa wudenyi, wichafwa wudenyi, na awo webwaghwa ni njala, wichabwaghwa ni njala, na awo webarishwa, wichabarishwa.” ’

JEREMIA 15:9

Muka orevaeghe wana mfungade uchasilwa ni ngolo na kudumbuka; uchaserelwa ni kira nadime; wafushwa waya na kusowelwa ishima. Awo wisigharikie wichabwaghwa wudenyi, na kughwa imbiri ya wamaiza wawo,” waghamba BWANA.

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

JEREMIA 18:21

Kwa huwo idana ee BWANA kuwiredie wana wawo njala, na kuwifunya wibwagho kwa lufu. Waka wawo ndewisowekelo ni wana wawo na womi wawo; womi wawo ndewibwagho ni makongo, na wandu wawo wa irika wibwagho wudenyi.

JEREMIA 21:7

Konyuma, nichamfunya Zedekia mzuri wa Juda, chiaimweri na wadumiki wake, na wandu wiko andenyi ya ughu muzi; awo wichaasigharika wisebwaghilo ni saka izamie, wuda angu njala; wingie mikonunyi kwa Nebukadnezari mzuri wa Babuloni, na kwa wamaiza wawo, awo wilolagha marangi ghawo. Uchawibwagha kwa lufu, ndechaawiwonia wughoma, kuwilekeria hata kuwifuya wughoma ghungi.’

JEREMIA 22:19

Ucharikwa karakara na punda, ukikurudulwa na kukumbwa shighadi ya mbenge ra Jerusalemu.”

JEREMIA 22:25

na kumngira mikonunyi kwa awo wandu wilolagha kum'bwagha, awo uwiobuagha, ee, uo Mzuri Nebukadnezari wa Babuloni na Wakaldayo.

JEREMIA 32:28

Ola nichaghungira ughu muzi mikonunyi kwa Wababuloni na kwa Nebukadnezari mzuri wa Babuloni, nao uchaghuwada.

JEREMIA 34:20

nichawifunya na kuwingira mikonunyi kwa wamaiza wawo, na mikonunyi kwa awo wilolagha kutotesha marangi ghawo. Gharia rawo richawuya vindo va nyonyi ra mbeonyi, na nyamandu ra isakenyi ra ndoenyi.

JEREMIA 46:26

Nichawingira mikonunyi kwa awo wandu wikunde kuwibwagha, ee, kwa Nebukadnezari mzuri wa Babuloni na wabaa wake. Konyuma Misri ichakailwa ni wandu sa kala.

JEREMIA 7:33

Na mimbi ya awo wandu ichawuya vindo va nyonyi na va nyamandu ra isakenyi, hata mndungi ndechaariturusa iro nyamandu anduangi.

JEREMIA 8:2

na kuanikwa airuwenyi na morinyi, na majeshi ghose gha mlungunyi, agho wereghikundieghe wikighidumikia; wikighinugha, na kughilola na kughitasa. Ndewichaatumbanywa na kurikwa, ela wichakaia sa wuchafu andoenyi.

JEREMIA 8:8

Mdima wada kughora wei moko na hikima, na sharia yapo andenyi konyu? Ola wonenyi seji walimu wa sharia wiandikie malagho ghisena wuloli, na kuibonya sharia ya tee.

JEREMIA 8:9

Awo wandu wa hikima wichafushwa waya, wichashinika na kuposhoka, waleghie ilagho japo, da iyo ni hikima iko andenyi kwawo?

KILILO CHA JEREMIA 3:37

Nani wafunya momu maza rikabonyeka isaakaia ni BWANA moni walaghira?

WALAWI 26:17

Nichalwa nenyo, mpate kusimwa ni wamaiza wenyu; awo wizamilwagha ni inyo, wicham'bonyera nguma; nenyo mchakimbia, ngelo mndungi usewuemmbinga.

WALAWI 26:25

Nichamredia wuda nipate kulipia kisasi kwa wundu ghochikanya ilaghano; hata mkakukwanya chiaimweri kukulindia andenyi ya mizi yenyu, nichamredia makongo ghiserighitikagha, hata mdime mwakufunya kwa wamaiza wenyu.

WAROMA 3:31

Da huwo keni diainja Sharia kwa wundu ghwa iji irumirio? Hata kutini. Wulalo ghwaro daimazira nicha.

WAROMA 4:14

Ikakaia wandu wiinughagha Sharia niwo weni wipatagha ifwa, aho irumirio si kindo chingi, na ilaghiro ja Mlungu ni duu.

1 SAMUELI 17:46

Idime jeni iji, BWANA uchakungira mikonunyi kwapo, nani nichakubwagha na kudumbua chongo chako; nani nicharineka nyonyi ra mbeonyi gharia ra mimbi ya majeshi gha Wafilisti idime, chiaimweri na nyamandu ra isakenyi riko ndoenyi; na ndoenyi kose wandu wichamanya kukaia, oko Mlungu andenyi ya Israeli;