JEREMIA 19:3 - Biblia Ilagho Jiboie Kwa Wandu Wose

³ Kuchaghamba, ‘Sikirenyi malagho gha BWANA ee Wazuri wa Juda na wandu mkaiagha Jerusalemu; BWANA wa majeshi, uo Mlungu wa Israeli waghamba: Ola nichareda wuwiwi aighu ya andu aha, ugho, hata wandu wikasikira wichaturukia.

JEREMIA 19:3 ပူးပေါင်းရင်းမြစ်များ

ZABURI 102:15

Mbari zima richamuobua BWANA; Wazuri wose wa ndoenyi wichaobua wudimi ghwake.

ZABURI 110:5

Bwana oko chia ya mkonu ghwako ghwa kiwomi; ituku ujokwagha ni machu, uchawitotesha wazuri.

ZABURI 2:10

Kwa huwo idana ee wazuri, mkaie na hikima; inyo wabonyi nguma wa ndoenyi mkufundishe.

ISAYA 28:19

Kula ngelo jichaakaia jikiida, jichamsima; angu jichaida kula nakesho, nadime hata nakio; nenyo mchalemwa ni kumanya shekeria yaro ijo ikabo jeobosha kumchea.

JEREMIA 13:18

BWANA ukanizera, “Ghoria mzuri, na mzuri-mae, wikusere kufuma vifumbinyi vawo va nguma; kwa kukaia virumbu vawo vighokie vamerie kupotoka kufuma vongonyi kwawo.

JEREMIA 17:20

kughambe: ‘Sikirenyi ilagho ja BWANA inyo wazuri wa Juda na wandu waro wose, na wandu wose wikaiagha Jerusalemu, awo wingiriagha mbenge iri.

JEREMIA 18:11

Idana kuwizere wandu wa Juda na wandu wa Jerusalemu, ‘BWANA waghora huwu: Ola nam'bonyera mpango ghom'bonya kiwiwi. Kula umu onyu ndewuye urisighe chia rake mbiwi, boisenyi mighendo yenyu na mabonyo ghenyu.’

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 25:29

Olenyi nazoe kazi eghunona ughu muzi ghuwangilo kwa irina japo. Mwadima kughenda msekabilo? Ndeidimikagha mghende kusekabilo, kwa kukaia nichareda wuda ghuche aighu ya wandu wose wikaiagha ndoenyi.’

JEREMIA 35:17

Kwa huwo ini BWANA, Mlungu wa majeshi, Mlungu wa Israeli naghamba huwu, Olenyi nichawiredia wandu wa Juda, na wose wikaiagha Jerusalemu mawiwi ghose nighighorie aighu yawo; kwa kukaia naghorie nawo wikalegha kusikira, ngawiwanga nawo wikalegha kudika.”

JEREMIA 44:3

kwa wundu ghwa wuwiwi wereghubonyereghe na kuwusira machu ghapo, iji wereghendieghe kufukiria milungu mizima marumba na kuitasa; iyo, awo weni angu inyo, hata weke ndeyo wisereimanyireghe anduangi.

JEREMIA 6:19

Sikirenyi ee ndoenyi, nichareda mawiwi aighu ya wandu awa, nagho ni malipo gha mipango yawo; kwa kukaia ndeweresikireghe malagho ghapo, wikailegha sharia yapo.

EZEKIELI 7:5

Bwana MLUNGU waghamba huwu, “Wona wasi aighu ya wasi ghwaawuyacha.

MATHAYO 10:18

Mchaghenjwa imbiri ya awo wibonyagha nguma na wazuri kwa wundu ghwapo; mpate kujichila ijo Ilagho Jiboie kwawo na kwa mbari zima wori.

WUFUNUO 2:29

Uo uko na kudu, ndesikire agho malagho uo Roho ughighoriagha agho makanisa.’

1 SAMUELI 3:11

Niko BWANA ukamzera Samueli, “Ola nalighisa kubonya ilagho andenyi ya Israeli, mundu uo ose uchaajisikira, jichamturusa.