JEREMIA 19:2 - Biblia Ilagho Jiboie Kwa Wandu Wose

² mwendanye vololo ya Hinomu kwa kuidiria Mbenge ya Chuwigha, kupate kughora agho malagho nichaakughoria.

JEREMIA 19:2 ပူးပေါင်းရင်းမြစ်များ

2 WAZURI 23:10

Mzuri Josia ukalusha Tofethi wulalo ghotasira milimu, ghuko vololonyi ya wana wa Hinomu, eri mndungi usewuefunya mwana ungi wake kizongona chekora, kwa ghuja mlungu Moleki.

2 MALAGHO GHA NGELO 28:3

Ukafukira marumba vololonyi ya Hinomu, ukafunya wana wake wikaie vizongona vekora, kunughana na tabia ra wandu wa iro mbari BWANA oreriwingieghe imbiri ya wandu wa Israeli.

2 MALAGHO GHA NGELO 33:6

Ukawikora wana wake wikaie kizongona Vololonyi ya Hinomu; ukalaghua, ukanugha mizwana, ukabonya wusawi, na kunugha maza ra pepo retambua maza. Ukabonya mawiwi loli loli imbiri ya BWANA, na kum'bonya ujoko ni machu.

NEHEMIA 3:29

Zadoku mwana wa Imeri ukaagha andu kunughie kulangaya nyumba yake. Shemaia mwana wa Shekania, mlindiri wa Mbenge ya Mashariki oreaghieghe andu kunughie.

JEREMIA 1:7

Ela BWANA ukanizera, “Kuseghambe, ‘Ini ne mwana tu;’ kwa kukaia kuchaghenda kwa awo wandu weni nichaakuduma kwawo; na ijo jose nichaakulaghira, nijo jeni kuchaajideda.

JEREMIA 11:6

Nao BWANA ukanizera, “Ghora agha malagho ghose mizinyi ya Juda, na chienyi ra Jerusalemu kughambe; Sikirenyi malagho gha iji ilaghano, mughibonye.

JEREMIA 18:2

“Ghenda nyumbenyi kwa mvimbi, nani nichakughoria malagho aho.”

JEREMIA 26:2

ukaghamba, “Kaia kimusi awazenyi ya Hekalu, kughorie wandu wa mizi yose ya Juda, awa wawuyacha kutasa Hekalunyi, malagho ghose nichaakulaghira kuwizere; kuseghirie ilagho jingi.

JEREMIA 3:12

Ukaniduma nighende nimzere Israeli huwu: “Wuya ee Israeli kuseko mloli, Sichaakuvaia machu sena, kwa kukaia ini ne wa wughoma, sichaakaia na machu kwa kala anduangi.

JEREMIA 32:35

Waaghie andu kotasa kwa wundu ghwa Baali andenyi ya vololo ya Hinomu, wipate kufunya wana wawo wa womi na wa waka kwa ghuja mlungu Moleki; hata ngera saki serewilaghirieghe huwo, na ilagho ijo jingi jisengia andenyi ya akili rapo, wei wibonye ugho wuchafu na kuwishekeria Juda kungia kaung'enyi.”

JEREMIA 7:2

“Ghenda kukaie kimusi mbengenyi ya BWANA, kughore malagho agha, sikirenyi ilagho ja BWANA inyo wandu wose wa Juda mchagha na kungia iri mbenge kuendamtasa BWANA.

JONA 3:2

“Wuka kughughendie ghuja muzi m'baa ghwa Nineve kughuchilie malagho nichaakughoria.”

MATHAYO 10:27

Ijo nimghoriagha kirenyi, mujighore mwengerenyi; na ijo mhohorelwagha, mujichile aighu nyumbenyi.

MABONYO GHA WADUMI 20:27

angu na jingi sereleghieghe kummbonyera njama yose ya Mlungu.

MABONYO GHA WADUMI 5:20

“Ghendenyi mkaie kimusi Hekalunyi, muwighorie wandu malagho ghose gha irangi iji iwishi.”

JOSHUA 15:8

ghukajoka ghukaidiria Vololo ya Hinomu, cha kusinyi ya mghondi ghwa muzi ghwa Wajebusi (nigho Jerusalemu), ghukajoka hata koighu mghondinyi, ugho ghulangayagha Vololo ya Hinomu cha magharibi; ghukaenda cha kaskazinyi kutuonyi kwa Vololo ya Refaimu.