JEREMIA 19:11 - Biblia Ilagho Jiboie Kwa Wandu Wose

¹¹ kuwizere, BWANA wa majeshi waghamba huwu, ‘Huwu niko nichaawibara awa wandu na ughu muzi, seji mundu ubaragha mtungi ghwa mvimbi, hata ghusedime kuwuyavimbwa sena. Wandu wicharika wandu wawo Tofethi, kwa kusowa andu kungi kuzima korikia.

JEREMIA 19:11 ပူးပေါင်းရင်းမြစ်များ

ZABURI 2:9

Kuchawikaba kwa ndighi mbaa, na kuwibara-bara sa chombo cha wongo.’”

MAKATANISHO 6:15

Kwa wundu ugho, uchachelwa ni ndengwa shwa wori, nao uchashoghonoka isedimikagha uboo.

ISAYA 30:14

Kughwa kwaro kuchakaia karakara na chombo cha mvimbi chabarika na ndighi, hata lusoweke luwigha lodima kudwa maka gha modo, angu lodaya machi kiriwenyi.”

JEREMIA 13:14

Nichawiredia ndasanya kula mundu na mmbao, weke aba na wana wawo wa womi, waghamba BWANA. Sichaawiwonia wughoma, sichaasigha angu kufuya ungi wughoma; ela nichawitotesha wose.”

JEREMIA 19:12

Huwo niko nichaakubonya andu aha chiaimweri na wandu wikaiagha andenyi yaro. Nichaghubonya ughu muzi karakara na Tofethi.

JEREMIA 19:6

Kwa huwo ini BWANA naghamba kukaia, matuku ghichacha, andu aha kusechaawangwa sena Tofethi angu Vololo ya Hinomu; ela kuchawangwa Vololo ya Machinjo.

JEREMIA 25:34

“Inyo vilongozi, walisha wa wandu wapo, kemenyi kwa lwaka. Lilenyi na kukung'arisha terinyi; ngelo yameria kuvika mpate kubwaghwa, nenyo mchabarwa sa chombo chighokie.

JEREMIA 48:38

Aighu ya nyumba rose ra Moabu na viwachenyi varo ni kililo kiduu, angu namerie kum'bara Moabu sa chombo chisetalwagha ni mndungi.

JEREMIA 51:63

Kukameria kushoma icho chuo, kuchifunganye na igho nao kuchikumbe ghadi na ghadi ya Moda ghwa Eufrate;

KILILO CHA JEREMIA 4:2

Wadawana wa Sioni werekoghe wa zoghori mbaa kodu sa dhahabu, ela idana wawuyabonywa sa nyungu ra wongo, kazi ya mikonu ya mvimbi.

MABONYO GHA WADUMI 21:11

Nao uendadichea, ukawusa mkumbo ghwa Paulo, ukakufunga moni maghu na mikonu ukaghamba, “Roho Mweli waghamba huwu, ‘Mundu wa mkumbo ughu, uchafungwa kwa chia ihi ni Wayahudi wiko Jerusalemu; na kumfunya kwa wandu wa mbari zima.’”

WUFUNUO 2:27

nao ucharibonyera nguma kwa mzata ghwa chuma, na kuribara seji kuwonagha nyungu ra wongo rikibarwa; nichamneka ndighi iro seji koni ini moni nerepatireghe kufuma kwa Aba,