JEREMIA 18:8 - Biblia Ilagho Jiboie Kwa Wandu Wose

⁸ nao iyo mbari ihee wuwiwi ghwake, nanimoni nichaghaluka nisighe kureda wuwiwi ugho nikoghe niiredie.

JEREMIA 18:8 ပူးပေါင်းရင်းမြစ်များ

2 MALAGHO GHA NGELO 12:6

Niko mzuri na wabaa wa Israeli wikakusera na kughamba, “BWANA ni mhachi.”

ZABURI 106:45

Kwa wundu ghwawo, ukakumbuka ilaghano jake, na kwa wundu ghwa lukundo lwake lukatie, ukahoresha machu ghake.

ZABURI 135:14

BWANA uchawidederia wandu wake; uchawiwonia wughoma wadumiki wake.

ZABURI 90:13

Kudibonyera machu hata lii ee BWANA? Ghaluka kudiwonie wughoma isi wadumiki wako.

KUFUMA 32:12

Kwaki Wamisri widime kughora wei kodewifunya wandu wako Misri kupate kuwibwagha na kuwimeria aho mighondinyi? Lekabonya machu, ghalua nia yako, kusakewiredia wandu wako agho mawiwi.

KUFUMA 32:14

Nao BWANA ukaghalusa nia, ukaleka kuwiredia wandu wake agho mawiwi.

JEREMIA 12:16

Na ichakaia, ingelo wichaakufunya kukufundisha chia ra wandu wapo, na kughema kwa irina japo ‘Sa iji Bwana uko moyo,’ wokoni seji werefundishireghe wandu wapo kughema kwa Baali, niko aho wichaamangishwa nicha aghadi ya wandu wapo.

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

JEREMIA 26:13

Kwa huwo idana boisenyi mighendo yenyu na mabonyo ghenyu, mumsikire BWANA Mlungu onyu; nao uchasigha kum'bonyera kiwiwi icho uchighorie aighu yenyu.

JEREMIA 26:19

Welee, Hezekia mzuri wa Juda, chiaimweri na wandu wose wa Juda werem'bwaghieghe Mika? Welee, nderemuobughe BWANA na kuvoya uvikilo ni wughoma ghwa BWANA? Welee, BWANA ndereghalusireghe nia na kusigha kughureda ugho wuwiwi m'baa oreghughorieghe aighu yawo anguwada? Diamba dikuredie wuwiwi isi diweni.”

JEREMIA 26:3

Kewada wichasikira wighaluke na kusigha kula umu mighendo yake izamie, eri nipate kughalusa nia ewibonya kiwiwi.

JEREMIA 36:3

Kewada wandu wa Juda wichasikira agho mawiwi ghose nighambie nichawibonyera, na kewada wadima kughaluka kula umu wawo wihee, nani nipate kuwifuya wughoma wuwiwi ghwawo na kaung'a yawo.”

JEREMIA 42:10

‘Iji mwakaia andenyi ya iji isanga, niko nichammangisha hata sichaamvuchua anduangi. Nichammbika aeni hata sichaamuinja anduangi; kwa kukaia nawawa ni agho mawiwi nim'bonyere.

EZEKIELI 18:21

“Ela mundu mmbiwi ukaghaluka na kusigha kaung'a rake rose oreribonyereghe, na kuriwadia sharia rapo, na kubonya agho ghiko gha loli na gha hachi, loli uchakaia moyo, ndechaafwa anduangi.

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

EZEKIELI 33:12

Na oho ee mwana wa mdamu, wizere wandu wako huwu: Hachi ya mundu wa hachi ndeichaamkira iji wabonya mawiwi. Kwa uo mundu mmbiwi, ndechaafwa kwa ugho wuwiwi ghwake, iji waghaluka na kusigha wuwiwi ghwake. Mhachi ndechaakaia moyo kwa hachi yake iji wabonya kaung'a.

EZEKIELI 33:13

Hata ngera namzera mundu wa hachi kukaia uchakaia moyo kwa wundu ghwa hachi yake, nao ubonye kaung'a, ibonyo jingi ja hachi yake ndejichaakumbukwa; ela uchafwa kwa wundu ghwa ugho wuwiwi waghubonya.

EZEKIELI 33:14

Sena ngamzera mundu mmbiwi, ‘Loli kuchafwa,’ nao ughaluke na kuisigha kaung'a yake, na kubonya agho ghiko gha loli na gha hachi,

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

AMOSI 5:15

Menyenyi mawiwi, mkunde mecha, mtanye hachi kotinyi. Kewada BWANA uchawiwonia wughoma masighariko gha wandu wa mbari ihi.

JONA 4:2

Ukamlomba BWANA ukaghamba, “Wona BWANA! Huwu siko koni nerekoghe ngighamba iji nerekoghe mzedu? Hata iyo niyo shekeria erenibonyereghe nikimbie cha Tarshishi. Neremanyireghe wori oho ko Mlungu wa mvono na wughoma, kusebonyagha machu shwa-shwa; koko na lukundo lubaa lukatie, kulekiagha mawiwi.

WUKUMBUSO 32:36

BWANA uchawivuvua wandu wake, ukawona wameria kusirilwa ni ndighi putu. Uchakaia na wughoma kwa awo wawuyamdumikia.

WATANYI 2:18

Kula ngelo BWANA orewiwusirieghe mtanyi, BWANA orekoghe andwamweri na uo mtanyi; ukawikira Waisraeli kufuma kwa wamaiza wawo, ngelo rose uo mtanyi orekoghe moyo; kwa kukaia BWANA orewadiloghe ni wughoma ghwawo kwa wundu ghwa uko kuruma kwawo na kusirimika kwa wandu werekoghe wikiwikoronga.