JEREMIA 18:21 - Biblia Ilagho Jiboie Kwa Wandu Wose

²¹ Kwa huwo idana ee BWANA kuwiredie wana wawo njala, na kuwifunya wibwagho kwa lufu. Waka wawo ndewisowekelo ni wana wawo na womi wawo; womi wawo ndewibwagho ni makongo, na wandu wawo wa irika wibwagho wudenyi.

JEREMIA 18:21 ပူးပေါင်းရင်းမြစ်များ

2 MALAGHO GHA NGELO 36:17

Kwa huwo BWANA ukawiredia mzuri wa Babuloni, ukawibwagha wandu wawo wa irika andenyi ya Hekalu; nao nderekoghe na wughoma ghungi kwa mdawana, angu mwai; mghosi, angu mkeku; Mlungu ukamneka kuwisima wose.

ZABURI 63:10

Wichabwaghwa wudenyi, na kujighwa ni vikwau.

ZABURI 63:11

Ela mzuri uchaboilwa andenyi ya Mlungu, na awo wibonyagha maghemi kwa irina jake, wichamkasa; ela memu ya watee ichanyamirishwa.

KUFUMA 22:24

nani nichajokwa ni machu na kum'bwagha kwa lufu; na waka wenyu wichawuya waka wakiwa, na wana wenyu wichawuya wana wakiwa.

ISAYA 13:18

Wichabwagha wandu wa irika kwa ndana na mawanu ghawo. Ndewichaakaia na wughoma gungi kwa wana wiongagha, hata kuwiwonia wughoma wana watini.

ISAYA 9:16

Awa wawuyawilongoza awandu, waawuyawilaghasha chia; na awo wilongozwagha, waawuyatota.

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

JEREMIA 12:3

Ela oho BWANA kwaniichi, oho kwadaniwona na kunitima seji nikuichi oho. Wifunye noko sa ng'ondi riendaabwaghwa, kuwiwike kula kwa ituku jawo jebwaghwa.

JEREMIA 14:16

Na awo wandu wawuyawilodera wichakumbwa achienyi ra Jerusalemu, wibwaghilo ni njala na lufu, wisowe mundu owirika; wichabwaghwa chiaimweri na waka wawo, na wana wawo wa womi na wa waka; angu nichawiwunjira ugho wuwiwi ghwawo aighu kwawo.”

JEREMIA 15:7

Nameria kuwiela na lungo, mbengenyi ra isanga; nabwaghie wana wawo, na kuwitotesha wandu wapo, kwa kukaia ndeweresighieghe chia rawo mbiwi.

JEREMIA 15:8

Nachurie mtalo ghwa waka wawo wifuilo ni womi, wikakaia wengi kuchumba msangagha ghwa baharinyi. Nawiredia weke mao wasi kwa wundu ghwa wana wawo, kwa kuwiredia mtoteshi ngelo ya dimeghadi; Nabonyere kuwawa na wowa ghuwichee ghafla.

JEREMIA 50:30

Kwa wundu ugho wandu wake wa irika wichabwaghwa awazenyi kwake, na ituku ijo masikari ghake ghose ghichatoteshwa, ini BWANA naghamba.

JEREMIA 9:21

Kifwa chaajokeria a madirishenyi kodu, changia hata andenyi ya ngome ra wazuri; chadimeria wana chienyi, na wandu wa irika a wazenyi ra misarigho.

KILILO CHA JEREMIA 1:15

“BWANA wawisekie masikari ghapo ghose ghiwadie ndighi; wadumie ijeshi jinone wandu wapo wa irika, wawifashire wandu wapo sa zabibu rakumbwa kidunyi.

KILILO CHA JEREMIA 5:3

Weke aba wabwaghilo ni m'maiza, na idana weke mao weewuya waka wakiwa.

EZEKIELI 16:38

Nichakutanya kara kara na awo waka wilakagha wiko wilowolo, na kubwagha; kwa wundu ghowadwa ni iriso na kujokwa ni machu ghibirie, nichakutanya kubwagho.

EZEKIELI 22:25

Wabaa wa isanga jawo weeka sa shimba irurumagha ikirashua madiwo ghake; wabwaghie wandu na kuwusa mali na vilambo vawo va zoghori mbaa, na kusigha waka wifuilo ni womi wengi isangenyi jawo.

AMOSI 4:10

“Neredumieghe saka izamie aghadi konyu, sa ija nereidumieghe Misri, ngawibwagha wandu wenyu wa irika wudenyi, ngawusa farasi renyu, ngam'bonya mnukilo ni gharia renyu kambinyi. Nenyo hata huwo saki, ndemorenighalukieghe.

WUKUMBUSO 32:25

Wuda ghuchareda kifwa achienyi, na nyumbenyi kuchakaia na kiture, wadawana na wai wichafwa, ndewichaafuya wughoma mwana uongagha chiaimweri na mghosi.

2 TIMOTHEO 4:14

Alekizanda uja mchani wa shaba orenibonyereghe kiwiwi na ndighi; Bwana uchamlipa kwa mabonyo ghake.

1 SAMUELI 15:33

Samueli ukaghamba, “Sa iji koni lufu lwako loreshekerieghe waka wengi kusowekelwa ni wana wawo, huwo koni mayo uchakusowa aghadi ya waka wambao.” Nao Samueli ukamdema Agagi vipande-vipande madhabahunyi imbiri ya BWANA aho Gilgali.