JEREMIA 18:18 - Biblia Ilagho Jiboie Kwa Wandu Wose

¹⁸ Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 18:18 ပူးပေါင်းရင်းမြစ်များ

2 SAMUELI 15:31

Nao Daudi ukaghorelwa kukaia Ahithofeli nao oko umu wa waja wibonyere sheshe chiaimweri na Absalomu. Daudi ukaghamba, “Ee BWANA, nakulomba kubonye njama ra Ahithofeli riwue wukelu.”

2 SAMUELI 17:14

Niko Absalomu na Waisraeli wose wikaghamba, “Mawoni gha Hushai, Muariki ghaboie kuchumba gha Ahithofeli.” Kwa kukaia BWANA orekoghe wabonya mpango ghobwagha mawoni gha Ahithofeli, eri upate kureda mawiwi aighu ya Absalomu.

1 WAZURI 22:24

Niko mlodi Zedekia mwana wa Kenaana ukasoghoda kaavui, ukamkaba Mikaia na lui lwa idumbu ukamzera, “Roho wa BWANA wafumie kwapo lii ima ukachaghora na oho?”

2 MALAGHO GHA NGELO 24:21

Ela wikam'bonya Zekaria njama, na kwa momu ghwa mzuri, wikamlasa na magho wazenyi ya Hekalu.

AYUBU 5:13

Wawiwada wandu wa hikima kwa mikalo yawo cheni, na kuimeria shwa mipango ya wandu wikalie.

ZABURI 21:11

Wikeduabonya njama na mipango ya wuwiwi aighu yake, na kubonya mipango ya wuwiwi, ndewichaadima.

ZABURI 52:2

Kwadabonya mipango enona wambenyu. Lumi lwako looka sa shembe ikalie; matuku ghose kwadadunga tee.

ZABURI 57:4

Naawuyakaia aghadi ya wamaiza wiko sa shimba rijagha wandu; maghegho ghawo gheeka sa mafumu na mawanu, na chumi rawo reeka sa chufu rikalie.

ZABURI 64:3

Wakalisha chumi rawo sa chufu, na kuwaria madedo ghawo ghibirie sa mawanu.

MAKATANISHO 18:21

Madedo gha mundu ghadima kum'bonya ukaie moyo angu ufo, kwa huwo kuchaja agho kughidedie.

ISAYA 32:7

Mundu wa mikalo ni mmbiwi, wadaghesha malagho gha wuwiwi, upate kumkita mkiwa kwa mikalo yake, hata ngera malombi gha uo mkiwa ni gha hachi.

JEREMIA 1:19

Wichalwa na oho, ela ndewichaakusima, kwa kukaia ini neko chiaimweri na oho nipate kukukira.”

JEREMIA 11:19

Ela nerekoghe sa mwana wa ng'ondi uko kima, ughenjwagha kubwaghonyi. Seremanyireghe wei iyo njama ni aighu yapo wereibonyereghe wikighamba, “Nndokonyi dighunone mudi chiaimweri na matunda gharo, ndedim'bwaghe dimuinje isangenyi, irina jake jisechekumbukwa sena.”

JEREMIA 18:11

Idana kuwizere wandu wa Juda na wandu wa Jerusalemu, ‘BWANA waghora huwu: Ola nam'bonyera mpango ghom'bonya kiwiwi. Kula umu onyu ndewuye urisighe chia rake mbiwi, boisenyi mighendo yenyu na mabonyo ghenyu.’

JEREMIA 18:19

Niko ngamlomba BWANA, “Ee BWANA, kunisikire; sikira seji wamaiza wapo wighoragha.

JEREMIA 2:8

Awo wakohani ndewicheekotia, ‘BWANA oko hao?’ Awo wandu weni wereiwadieghe Sharia walemelo ni kunimanya vilongozi vikanilegha; walodi wikaloda kwa chia ya Baali, wikanugha vilambo visewadie fwaida ingi.

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

JEREMIA 26:11

Niko wakohani na walodi wikawizera wabaa chiaimweri na wandu wose, “Umundu wafwane utanyo kifwa, kwa kukaia wafunyire wulodi kiwiwi aighu ya ughu muzi, sa iji koni mwasikira kwa madu ghenyu gheni.”

JEREMIA 37:13

Nao iji nerevikieghe Mbenge ya Benjamini, asikari uo orekoghe kilindirinyi aho, uwangwagha Irija mwana wa Shelemia, wawae Hanania, ukaniwada ukighamba, “Kwaawuyakimbia cha kwa Wababuloni.”

JEREMIA 43:2

Azaria mwana wa Hoshaia, na Johanani mwana wa Karea, na wandu wose wikudukie wikanizera, “Kuaghora tee. BWANA Mlungu odu ndekudumie kudizere diseghende Misri kukaia aho;

JEREMIA 44:16

“Ndedichaakusikira kwa agho malagho kwadighoria kwa irina ja BWANA;

JEREMIA 44:17

ela isi dichabonya agho malagho dereghibonyerieghe ighemi; kumfukiria marumba Malkia wa Mlungunyi, nesi dichamdungia vizongona vedu venywa, sa iji koni dibonyagha na sa iji koni weke aba werebonyagha, chiaimweri na wazuri wedu na wabaa wedu, andenyi ya mizi ya Juda na chia ra Jerusalemu; na aho derekoghe na vindo vingi na kuwona nicha, hata ndederewonieghe wuwiwi ghungi anduangi.

JEREMIA 8:8

Mdima wada kughora wei moko na hikima, na sharia yapo andenyi konyu? Ola wonenyi seji walimu wa sharia wiandikie malagho ghisena wuloli, na kuibonya sharia ya tee.

KILILO CHA JEREMIA 3:62

Wadasindanideda dii, na kubonya mipango yawo aighu yapo.

EZEKIELI 7:26

Wasi ghwaawuyacha aighu ya wasi, na malagho aighu ya malagho; wichalola wufunuo ghungi kufuma kwa mlodi, ela wakohani wichakaia walaghalwa ni sharia, na waghosi kulaghalwa ni njama.

WALAWI 10:11

na oho kuchawifundisha wandu wa Israeli sharia rose nimghorie kwa kumtumia Musa.”

MIKA 3:6

“Ituku jenyu jasia inyo walodi; iruwa janeng'ena konyu. Ndemchaaloda ilagho jingi.”

MIKA 3:7

Wandu wilodagha malagho ghichagha wichafwa waya iji ghakaia ghisekatie. Wichaserwa angu Mlungu usewitumbuliagha.

MALAKI 2:7

Ni kazi ya mkohani kufundisha malagho gha loli gha Mlungu. Yawifwana wandu wighendeghe kwa mkohani, wipate kufundishwa sharia rapo angu uo ni mdumwa wa BWANA Uwadie-Ndighi-Rose.

LUKA 11:45

Mwalimu umu wa Sharia ukamzera, “Mwalimu, kukaghora huwo kwaawuyadiposhua na isi wori!”

JOHANE 9:40

Mafarisayo wamu werekoghe kaavui wikasikira agho malagho wikamkotia, “Welee, na isi wori deeka vitungure?”