JEREMIA 18:17 - Biblia Ilagho Jiboie Kwa Wandu Wose

¹⁷ Nichawisaghisa imbiri ya wamaiza wawo, seji mbeo ifumagha mashariki idukagha vilambo; nichawiwikia mghongo, sichaawizighana ingelo ya wasi ghwawo anduangi.”

JEREMIA 18:17 ပူးပေါင်းရင်းမြစ်များ

AYUBU 27:21

Uchadukwa noko ni mbeo enona ya mashariki, na kumuinja andu kwake.

ZABURI 48:7

Kukawitotesha sa meli ra Tarshishi, ritoteshwagha ni mbeo enona ya mashariki.

MAKATANISHO 24:16

angu mundu wa hachi wadaaghwa mando mfungade na kuwuka sena, ela wawiwi wadatota kwa kupatwa ni ndengwa.

JEREMIA 13:24

Nichamsaghisa kara kara na masemu ghidukwagha ni mbeo yafuma kireti.

JEREMIA 2:27

awo wighuzeragha mudi, ‘Oho ko aba,’ na igho, ‘Oho ko mao.’ Kwa kukaia waghalukie na mbai kufuma kwapo, hata ndewikunde kunizighana; ela wikapatwa ni wasi waghamba, ‘Wuka kudikire!’

JEREMIA 32:33

Waghalukie nambai wisekunde kuniwona, na hata ngera nawifundishire kwa kufunga ndighi, ela ndewerenisikireghe wiwade mafundisho ghapo anduangi.

JEREMIA 46:21

Hata na masikari ghake ghekodeshwa ghiko aghadi kwake gheeka sa ngache ribandie, ee, waghalukie, wikakimbia; ndewidimie kumanga, kwa kukaia wavikilwa ni ituku jawo ja wasi, ni ngelo ya kukabwa kwawo.

EZEKIELI 27:26

Wandu wako weruda makasia wakuredie andu kumilie kwa bahari, mbeo ya mashariki ikawidwa, wikamemelwa ghadi na ghadi ya bahari.

EZEKIELI 7:22

Nichalangaya noko nisewizighane, eri awo wandu wawiwi wipate kuilusha Hekalu yapo; viting'a vichangia na kuilusha.

HOSEA 13:15

hata ngera Israeli wawoneka kukaia nicha aghadi ya waruna, ela nichawetesha mbeo ya mruke ghwa mashariki ifumagha cha kireti, nayo ichaomera ndoria rake ra machi na viriwa. Iyo mbeo ichakaba na kughusha stoo ra mali rake na ra vilambo vake va zoghori mbaa.

WUKUMBUSO 28:25

“BWANA ucham'bonya msimo ni wamaiza wenyu; mchatumia chiaimweri mkighenda kulwa nawo, na kukimbia imbiri yawo msaghisikie chia rose; nenyo mchashinua mawuzuri ghose gha ndoenyi.

WUKUMBUSO 28:64

Nao uchamsaghisa aghadi ya wandu wose ndoenyi ii chia na ii chia; na aho mchaidumikia milungu mizima ya midi na ya magho, iyo msereiichighi hata weke ndeyo.

WUKUMBUSO 31:17

Ituku ijo, nichajokwa ni machu aighu yawo, nani nichawisigha na kughaluka noko nisewiwone; nawo wichatoteshwa. Ngelo iyo, wichapatwa ni mawiwi mengi na kusumbuka, hata wivikie kumanya kukaia waapatwa ni agha mawiwi angu ini Mlungu wawo sikwanye nawo.

WUKUMBUSO 32:35

BWANA uchalipia na kuwikaba; ngelo ichavika nawo wichaghwa; ngelo ya mashaka ghawo eko kaavui.