JEREMIA 18:16 - Biblia Ilagho Jiboie Kwa Wandu Wose

¹⁶ Wamerie kubonya isanga jawo jishinikilo, kilambo chesholelwa ngelo rose. Wandu wichaaida aho wichazighana na kushinika, nawo wichasughusa vongo vawo.

JEREMIA 18:16 ပူးပေါင်းရင်းမြစ်များ

1 WAZURI 9:8

Hekalu ihi ichawuya kifungu cha ighacho. Kula mundu uchaaida chienyi uchaaturukia na kushinika ukikotia, ‘Kwaki BWANA ujibonyere iji isanga na ihi Hekalu huwu?’

2 MALAGHO GHA NGELO 29:8

Kwa huwo BWANA ukawibonyera wandu wa Juda na Jerusalemu machu, ukawibonya wikaie kilambo cheobosha, cheshinikilwa na kusekwa seji mwawuyawona mmbeni.

ZABURI 109:25

Nawuya sa kilambo chesekwa kwa washitaki wapo, wianisughusira vongo kwa lumenyo.

ZABURI 22:7

Wandu wose winiwonagha, wianizoma; wanikuchira memu na kusughusa vongo vawo wikighamba,

ZABURI 44:14

Kwadibonyere dikawuya wandu wetanilwa aghadi ya mbari zima; nawo wadisughusira vongo kwa lumenyo.

ISAYA 37:22

ilagho japo jetumbulia aighu yake ni iji: ‘Muzi ghwa Jerusalemu ghwakuseka na kukumenya; ghwaawuyakunugha ghukikusughusira chongo.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

JEREMIA 19:8

Na muzi ughu nichaghubonya ghuzomelo na kushinikilwa ni kula mundu uidagha, kwa wundu ghwa uko kunoneka kwaro.

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 29:18

Nani nichawinugha kwa wuda na njala na saka izamie, na kuwibonya wishinikilo ni mawuzuri ghose ghiko ndoenyi; wiwuye wa njowe, weshinikilwa, wezomelwa, na wesholelwa andu uko kose nichaawighenja kwa mbari rose;

JEREMIA 42:18

“BWANA wa majeshi, uo Mlungu wa Israeli waghamba huwu: ‘Sa iji koni machu ghapo na kubia kwapo korediriloghe aighu ya wandu werekoghe Jerusalemu, niko koni na machu ghapo ghichaadilwa konyu iji mwaghenda cha Misri. Mchawuya sa vilambo va kisha, wandu weshinikilwa, wandu wa njowe, na wandu wesekwa. Ndemchaajiwona iji isanga sena.’

JEREMIA 44:12

Awo wandu wa Juda wisigharikie, nao wikakufunya kucha cha Misri wipate kukaia aha, nichawibonya witotesho wose ahaeni isangenyi ja Misri. Wichafwa wudenyi, na kwa njala, kufuma mtini wawo hata m'baa wawo; nawo wichawoneka sa kilambo cha kisha, cheshinikilwa, chiwasirilo njowe, na chesholelwa.

JEREMIA 48:27

Welee ndemoremsekieghe Israeli? Huwo modemmbona aghadi ya vitoi iji moremdedagha mkisughusa vongo venyu?

JEREMIA 49:13

Angu nabonyere ighemi kwa ini moni, kukaia muzi ghwa Bozra ghuchashinikilwa, na kusekwa; ghuchasighwa mduu, ghuwasirilo njowe; na mizi yake ichasighwa miduu matuku ghose.”

JEREMIA 49:17

BWANA waghamba, “Edomu uchashinikilwa; kula mundu uchaaida aho uchashinika, na kuzoma kwa wundu ghwa mashaka ghake.

JEREMIA 50:13

Kwa wundu ghwa machu ghapo ini BWANA, muzi ugho ndeghuchaakailwa ni mndungi, ela ghuchasighwa mduu putu; kula mundu uchaaida kaavui nagho uchashinika na kughuzomea kwa wundu ghwa agho makabo ghake.

JEREMIA 51:37

Na Babuloni ichanonwa na kuwuya ighacho; iwuye andu kwa mizozo, koshinikilwa na kusekwa, kusekailwagha ni wandu.

JEREMIA 51:43

Mizi yaro yawuya kilambo cheobosha, isanga jiomie jiwurie ikara ja kireti; isanga jisekailwagha ni mndungi, hata jiseidwagha ni mdamu ungi.

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

KILILO CHA JEREMIA 1:12

Muzi ghwaawuyakema, “Nizighanenyi inyo mmbose muidagha! Ndekuwadie mndungi upatire wasi sa ghwapo; wasi ghuredelo ni BWANA ngelo ya machu ghake ghibirie.

EZEKIELI 12:19

nao kuwighorie waisanga malagho agha, Bwana MLUNGU waghamba huwu aighu ya wandu wikaiagha Jerusalemu, andenyi ya isanga ja Israeli, kukaia, wichaja vindo vawo kwa wowa, na kunywa machi wikikambwa ni chongo; kwa kukaia isanga jawo jichasokwa vilambo vose, kwa wundu ghwa lung'eto lwa wandu wikaiagha andenyi yaro.

EZEKIELI 27:36

Wandu wa biashara aghadi ya mbari ra wandu waawuyakuseka; kutua kwako koobosha, kwameria kukuvikia; hata ndekuchaawoneka kwa kala na kala.”

EZEKIELI 36:3

funya wulodi kughambe, Ini Bwana MLUNGU naghamba huwu, Kwa kukaia, ee, angu werekubonyereghe kukawoneka mduu, wikakufasha-fasha kufuma kula chia, hata kukawuya mali ya iro mbari rose ra wandu, wikikughora kisha-kisha wandunyi,

EZEKIELI 6:14

Nani nichaghorua mkonu ghwapo kulwa nawo, hata isanga jisigho iduu andu kose wandu werekoghe wikikaia; kufuma kireti hata Ribla. Niko wichaamanya kukaia ini ne BWANA.”

WALAWI 26:32

Nichajinona isanga jenyu putu, hata awo wamaiza wichaajikaia wishinulo ni uko kunoneka kwaro.

WALAWI 26:43

Ela isanga jisighwa ni wandu wake, najo jichahora andu kose jisighilo iduu; hata wameria kuboisa makosa ghawo, kwa kukaia wereleghieghe memu yapo na kuzamilwa ni malaghiro ghapo rohonyi kwawo.

MIKA 6:16

Kuchapatwa ni agha malagho angu kwaawuyanugha mafundisho gha Mzuri Omri, na gha mwana wake Mzuri Ahabu. Kwanughie njama rawo, nani nichakunona putu, na kula mundu uchakumenya. Kuchamenywa ni wandu kula andu.”

MATHAYO 27:39

Na wandu werekoghe wikiida wikamsholia Jesu wikisughusa vongo vawo,

MARKO 15:29

Wandu werekoghe wikiida aho, wikamsholia wikisughusa vongo vawo na kughamba, “Haya, oho kuinonagha Hekalu na kuiagha kwa matuku adadu,

WUKUMBUSO 28:59

BWANA uchakuredia oho na kivalwa chako makorongo gha kighenyi ghibirie na makongo mabaa ghisesiagha.

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.