JEREMIA 18:13 - Biblia Ilagho Jiboie Kwa Wandu Wose

¹³ BWANA waghamba, “Kotienyi mbari rose ra wandu ngera mndungi wasikire ilagho sa ijo; Wandu wa Israeli wabonyere ilagho jizamie nandighi.

JEREMIA 18:13 ပူးပေါင်းရင်းမြစ်များ

ISAYA 36:22

Niko Eliakimu mwana wa Hilkia, uo orekoghe m'baa wa nyumba ya mzuri na Shebna uo orekoghe muandiki, na Joa mwana wa Asafu, uo orekoghe karani, wikamchea Hezekia na nguwo rawo wameria kurirashua kwa wasi; wikamghoria malagho ghereghoreloghe ni uja Rabshake.

ISAYA 66:8

Nani usikire maza iri angu nani uriwonie? Welee, mbari ya wandu yadima kuvalwa kwa ituku jimweri, angu mbari ya wandu kuvalwa kwa indo jimweri? Kwa kukaia Jerusalemu uendasikira luwawo lwa kuva tu, orevaeghe wana wake wa womi.

JEREMIA 14:17

BWANA ukanizera niwighorie wandu malagho agha: “Meso ghapo ndeghidiko ni mbori kio na dime ngelo rose; kwa kukaia wandu wapo washoghonolwa nandighi, wapata ikabo jibirie nandighi.

JEREMIA 18:14

Welee, theluji yalekagha kudika kufuma koighu ighonyi ja mghondi ghwa Lebanoni?

JEREMIA 23:14

Ela kwa walodi wa Jerusalemu, nawonie ilagho jizamie kuchumba; awo waawuyalaka na kughora tee. Wabonyi kiwiwi waawuyawifungisha ndighi, hata mndungi ndewueghaluka usighe wuwiwi ghwake anduangi; wose weewuya kwapo sa Sodoma, na wandu wikaiagha andenyi yaro sa Gomora.”

JEREMIA 31:4

Nichamuagha sena, na inyo mchaaghika ee wandu wa Israeli; mchawada mayanga ghenyu, na kuvina kwa kuboilwa.

JEREMIA 5:30

Ilagho jizamie putu jeobosha jawoneka isangenyi:

KILILO CHA JEREMIA 1:15

“BWANA wawisekie masikari ghapo ghose ghiwadie ndighi; wadumie ijeshi jinone wandu wapo wa irika, wawifashire wandu wapo sa zabibu rakumbwa kidunyi.

HOSEA 6:10

Nawonie ilagho jizamie nandighi andenyi ya Israeli: Wandu wapo waawuyakulusha weni kwa kutasa milimu.

AMOSI 5:1

Sikirenyi ulu lumbo lolila inyo wandu wa Israeli:

AMOSI 5:2

Mwai Israeli wamerie kughwa; usechaadima kuwuka sena! Oosighwa ulale andonyi; kuseko na mndungi omtesia.

1 WAKORINTHO 5:1

Yawuyaghoreka wei ghoko wulaki aghadi konyu, nagho ni wulaki ima ghusekaiagha hata kwa watasi milimu; wei mndumu waawuyakanya na mka-ndee.

1 SAMUELI 4:7

Wafilisti wikaobua na kughamba, “Mlungu wacha kambinyi!” Wikachuria kughamba, “Dapatwa ni mashaka! Jingi ndediwonie maza rifwane huwu.