JEREMIA 18:12 - Biblia Ilagho Jiboie Kwa Wandu Wose

¹² Ela awo wadaghamba, ‘Agho ni gha duu! Isi dichanugha mipango yedu, na kula umu odu uchanugha kuja kukua kwa ngolo yake mbiwi.’”

JEREMIA 18:12 ပူးပေါင်းရင်းမြစ်များ

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

2 WAZURI 6:33

Hata iji orekoghe ukideda, mzuri moni ukabusa ukaghamba, “Ughu wasi ghwaafuma kwa BWANA; nisindammbesera BWANA hata lii?”

ISAYA 57:10

Mwakusirishire ndighi mmbeni mkighenda, hata huwo ndemchesilwa ni ndighi mghambe, “Ni kazi ya duu,” ela mkakufungisha ndighi, hata ndemoresiriloghe anduangi.

ISAYA 65:2

Matuku ghose nadaighorua mikonu yapo kwa wandu wileghie, awo wighendagha kwa chia riseboie; na kunugha mighendo yawo cheni.

JEREMIA 11:8

Ela ndewerenisikireghe, hata kudegha madu ghawo kwapo, ela kula umu wawo oreghendieghe kwa kukua kwa ngolo rawo mbiwi. Kwa wundu ugho niko nerewiredieghe njowe kunughana na malagho ghose gha iji ilaghano nerewilaghirieghe wibonye, ela ndewerebonyereghe anduangi.”

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 2:25

Kusakeghenda na chwau nduu, hata kusesighe marangi ghako ghiome; ela kwaghambie, ‘Agho ni malagho gha duu, kwa kukaia namerie kuikunda milungu ya kighenyi, nani nichainugha.’”

JEREMIA 23:17

Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 3:17

Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.

JEREMIA 44:17

ela isi dichabonya agho malagho dereghibonyerieghe ighemi; kumfukiria marumba Malkia wa Mlungunyi, nesi dichamdungia vizongona vedu venywa, sa iji koni dibonyagha na sa iji koni weke aba werebonyagha, chiaimweri na wazuri wedu na wabaa wedu, andenyi ya mizi ya Juda na chia ra Jerusalemu; na aho derekoghe na vindo vingi na kuwona nicha, hata ndederewonieghe wuwiwi ghungi anduangi.

JEREMIA 6:17

Nawikie walindiri aighu yako ngighamba, ‘Sikirenyi lwaka lwa tarumbeta.’ Ela wikaghamba, ‘Ndedilusikiragha.’

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

EZEKIELI 37:11

Niko Mlungu ukanizera, “Mwana wa mdamu, maindi agha ni wandu wose wa Israeli. Wadaghamba, ‘Maindi ghedu ghaomie na isuwirio jamerie kusia, deesia putu.’

MALAKI 3:14

Inyo mwaghambie, ‘Ni duu kumdumikia BWANA. Eko fwaidaki ewadia malaghiro ghake na kughenda dikihea imbiri kwake kwa agho dighibonyere?

LUKA 1:51

Waghughorua mkonu ghwake ghwa ndighi, wawisaghisa wang'eti kwa maririkanyo gha ngolo rawo.

WUKUMBUSO 29:19

Mndungi onyu uko aha idime usikiragha malagho gha ilaghano ijo ja ighemi, nao uhoreshe ngolo yake ukighamba, wei ukeduasikira agho malagho na kughilisha ngolo yake ndewonagha ilagho jingi. Ilagho ijo jichareda kutota kwa wose wiboie na wizamie wori.