JEREMIA 17:8 - Biblia Ilagho Jiboie Kwa Wandu Wose

⁸ Uchakaia karakara na mudi ghuwalo mbai na mbai ya moda, na kughenja miri yaro cha machinyi; ndeghukaiagha na wowa ghungi ngelo ya mruke, kwa kukaia malemba gharo ghichadua mawishi, hata ndeghusumbukagha ngelo ya kimu cha kwalazi; kwa kukaia mudi ghwaro ndeghusighagha kuva matunda.”

JEREMIA 17:8 ပူးပေါင်းရင်းမြစ်များ

AYUBU 29:19

Nerekoghe sa mudi miri yaro inywagha machi ngelo rose, na mbashu raro rikitonya machi kio chee.

AYUBU 8:16

Mundu mmbiwi wakaia sa mudi ghunyoshero machi ghuzoghuagha a iruwenyi, na mbonge raro kuera cha mbuwenyi.

ZABURI 1:3

Mundu uo ooka sa mudi ghuwalo mbai na mbai ya meda, ghuvagha matunda gharo kwa kimu charo na malemba gharo ndeghiomagha. Wadawona nicha kwa maza rose ubonyagha.

MAKATANISHO 11:28

Uo ukusaghikagha na mali rake, richasia, ela mhachi, uchadeghedeka sa ilemba iwishi.

ISAYA 58:11

Na ini BWANA nichakughenja kari kose, na kukukatishira bea rako kwa vindo vicha vose; na kukubonya kukaie na ndighi sa mbuwa inyoshero machi na ndoria ya machi ghisesiagha.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

JEREMIA 39:18

Angu kwa loli nichakulindia hata ndekuchaabwaghwa wudenyi, ela irangi jako jichakaia banana, angu korenirumirieghe. Ini BWANA naghamba.’”

EZEKIELI 31:3

Nichakufwananisha na mudi ghwa sida ghwa Lebanoni, ghuko na mbashu righokie na malemba mawishi ghikambie kwa kiju, ghuzoghue na kujoka ighu mawingunyi.

EZEKIELI 47:12

Mbai na mbai ya ugho moda chia rose, midi ichakaia ikizoghua ya kula kichuku kuneka wandu vindo. Malemba gharo ndeghichaanyaya, hata midi yaro ndeichaasigha kuva matunda, ela ichakaia ikiva matunda kula mori, kwa kukaia yadanywa machi gha moda ghufumagha Hekalunyi. Matunda gharo ghichakaia vindo, na malemba gharo ghichakaia wughanga ghoboisa makongo.”