JEREMIA 17:6 - Biblia Ilagho Jiboie Kwa Wandu Wose

⁶ Uchakaia kara kara na kisachi chiko kireti hata ndechaawona mecha ghangi. Uchakaia andu kuomie kireti, isanga ja munyu jisekailwagha ni wandu.

JEREMIA 17:6 ပူးပေါင်းရင်းမြစ်များ

2 WAZURI 7:2

Uja m'baa ozighana maza ra mzuri ukamzera mlodi Elisha, “Hata BWANA moni ukabonya mawingu ghidie viro sa vua idime jeni, loli idimika ilagho ijo jikaie?” Elisha ukatumbulia, “Ola kuchawona na meso ghako, ela ndekuchaaja.”

AYUBU 20:17

Ndechaakaia moyo uwone meda, iyo meda idikagha wuki na mariwa.

AYUBU 39:6

Narinekie ikara jikaie muzi ghwawo, na kurisigha rikaie andu kwa kiserere.

ZABURI 1:4

Wandu wawiwi ndewikaiagha huwo anduangi; ela weeka sa makanda ghidukwagha ni mbeo.

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

ZABURI 92:7

kukaia, hata ngera wawiwi wabuka sa nyasi, na wabonyi kiwiwi wose kughenda imbiri, watanyiro witote kwa kala na kala;

ISAYA 1:30

Kwa kukaia mchakaia sa mualoni ghuomagha malemba, kara kara na mbuwa isewadie machi.

JEREMIA 29:32

nichamkaba Shemaia Mnehelami na kivalwa chake chose; ndechaakaia na mndungi odua moyo aghadi ya awa wandu, na kuwona iro maza ndicha nichaawibonyera wandu wapo, kwa kukaia wadeda malagho ghewibonya winileghe.’”

JEREMIA 48:6

Waghamba, ‘Kimbienyi mkukire mmbeni! Kimbienyi sa furo kireti.’

EZEKIELI 47:11

Ela vizozo varo na viriwa varo, machi gharo ndeghichaela, ghichasigharika kwa wundu ghwa chumbi.

ZEFANIA 2:9

Kwa huwo, sa iji nikaiagha moyo, ini BWANA wa majeshi, Mlungu wa Israeli, naghema kukaia Moabu ichakaia sa Sodoma, na Waamoni sa Gomora. Isanga jichakaia na vina va chumbi, najo jichanoneka kwa kala na kala na kubukwa ni isaka. Masighariko gha wandu wapo wichawisoka vilambo na kuwusa isanga jawo.”

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.

WATANYI 9:45

Abimeleki ukalwa na wandu wa ghuja muzi dii, ukaghuwada ghuja muzi, ukabwagha wandu werekoghe andenyi yaro; ukaghuwudua ugho muzi, na kughudunga chumbi.