JEREMIA 17:5 - Biblia Ilagho Jiboie Kwa Wandu Wose

⁵ BWANA waghamba huwu, “Mundu umsuwiriagha mdamu, na ngolo yake yaghalukie na mbai ikamsigha BWANA, uwado ni njowe.

JEREMIA 17:5 ပူးပေါင်းရင်းမြစ်များ

2 MALAGHO GHA NGELO 16:12

Mwaka gha mirongo idadu na ikenda ghwa kubonya nguma kwake, Asa orewadiloghe ni wukongo ghwa maghu; wukongo ghwake ghukachurikia, ela hata huwo saki nderemlolieghe BWANA, ela ukalola kuteselwa ni waghanga.

2 MALAGHO GHA NGELO 32:8

Uo ooka na ndighi ra kidamu, ela isi deeka na BWANA Mlungu odu, uditesie na kulwa mawuda ghedu.” Wandu wikaghirumiria malagho gha Hezekia, mzuri wa Juda.

ZABURI 18:21

Nailindirie sharia ya BWANA, hata sikosere kwa kumsigha Mlungu wapo anduangi.

ZABURI 62:9

Wandu wa ndonyi ni sa miruke cheni, na wandu wa ighu si kilambo chingi; wikapimwa, wiawuka nokoighu; waangue kuchumba miruke.

ISAYA 2:22

Sigha kumrumiria mdamu, uo urudagha miruke na mbua yake, kwa kukaia uo si kilambo chingi anduangi.

ISAYA 20:5

Niko wandu wichafwa waya na kushinika kwa wundu ghwa Ethiopia isuwirio jawo, na Misri wikukasire nawo.

ISAYA 36:6

Ola kwaawuyakusaghika na Misri iko sa mzata ghwa mrangi ghuchikie, ugho ghuchaamdunga mundu uo ose ughutumiagha. Niko iko huwo kula mundu ukusaghikagha na mzuri wa Misri.’

ISAYA 59:15

Loli yasowekie; na uo ukutanyagha na wuwiwi, waakungira wasinyi.” BWANA wawonie maza iri ukazamilwa na ndighi, angu hachi iseko.

JEREMIA 11:3

Kuwizere huwu, Ini BWANA, uo Mlungu wa Israeli naghamba, Mundu useghiwadiagha malagho gha ilaghano ijo, uwadwa ni njowe.

EZEKIELI 6:9

Wichanikumbuka ahoeni weredwaloghe wunyika aghadi ya iro mbari ra wandu, nyuma ya kuwikaba kwa wundu ghwa iro ngolo rawo risene wuloli riwishekerie kunilegha, na meso ghawo ghichue bea kwa wundu ghotasa milimu. Wichakuzamia weni kwa wundu ghwa agho mawiwi ghawo wereghibonyereghe, chiaimweri na maza ra wuchafu rose wiribonyere.

HOSEA 1:2

Iji BWANA orezoyagha kudedanya na Hosea oremzerieghe, “Ghenda kulowuo muka mlaki; kupate wana wichaafwanana nao, kwa kukaia iji isanga jeechulwa ni wulaki kwa wundu ghwa kunisigha.”