JEREMIA 17:3 - Biblia Ilagho Jiboie Kwa Wandu Wose

³ na mighondi mibaa iko isanga ja wurindi. Wuzuri ghwawo na mashamo ghawo ghose nichaghifunya ghidwalo wunyika, ikaie malipo gha kaung'a yawo wiibonyere isangenyi jawo jose.

JEREMIA 17:3 ပူးပေါင်းရင်းမြစ်များ

2 WAZURI 24:13

Mzuri wa Babuloni ukadwa mali rose ra Hekalu, na ra nyumba ya mzuri; ukavidema-dema vilambo va dhahabu verekoghe andenyi ya Hekalu ya BWANA, ivo verebonyeroghe ni Mzuri Solomoni wa Israeli, sa iji koni BWANA oreghorieghe kiimbiri.

ZABURI 78:58

Weremvavirieghe ngolo kwa kubonya andu kwawo kotasa milimu; wikammbwasira iriso kwa kutasa fwana rawo riwachiro.

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

JEREMIA 12:12

Watoteshi wacha aighu ya mighondi miduu yose kireti, kwa kukaia ini BWANA naredie wuda kutotesha kufuma kutua uku hata kutua uku kwa isanga; na mndungi ndewadie sere.

JEREMIA 15:13

Wuzuri ghwako ghwa mali na mashamo ghako nichaghineka ghidwalo wunyika duu, kwa wundu ghwa kaung'a rako richue isangenyi.

JEREMIA 20:5

Aighu ya agho, nichaneka wamaiza wenyu mali rose ra ughu muzi: fwaida raro rose, zawadi rose winekelo, na mashamo ghose gha wazuri wa Juda wichaghiwada na kughidwa wunyika noko cha Babuloni.

JEREMIA 21:13

“Ola neko aighu yako ee Jerusalemu, kukaiagha ighu kuchumba vololo andu kwa wurindi ghwa magho, inyo mghambagha, ‘Nani udimagha kuchalwa nesi? Na wei, nani udimagha kungia andu kodu?’

JEREMIA 26:18

“Mika wa Moreshethi orefunyireghe wulodi matuku gha Hezekia mzuri wa Juda, ukawizera wandu wose wa Juda, ‘BWANA wa majeshi, waghamba huwu, Sioni ichalimwa sa mbuwa, Jerusalemu ichawuya kitungu cha maghacho na mghondi ghwa Hekalu ghuchawuya msidu.’

KILILO CHA JEREMIA 1:10

Wamaiza wawisokie mali rawo rose. Werewiwonieghe wikingia Hekalunyi cheni tiki, andu BWANA orewighirieghe wandu wa mbari zima wisengie.

EZEKIELI 16:39

Nichakungira mikonunyi kwa awo wakundwa wako, nawo wichachikanya nyumba rako retasira, na andu kwako kotasira mighondinyi; wichakurua nguwo rako, na kuwusa lulu rako riboie; nawo wichakusigha duu putu.

EZEKIELI 23:46

Bwana MLUNGU waghamba huwu, “Redenyi ijeshi jipate kulwa nawo, wipate kuwibonya wiwuye kilambo cheshinikilwa, na chedwalwa wunyika.

EZEKIELI 6:3

kughambe, Sikirenyi ilagho ja Bwana MLUNGU inyo mighondi ya Israeli; Bwana MLUNGU waghamba huwu aighu ya mighondi mibaa na mitini, mavongo na vololo: Olenyi ini, ini moni nichareda wuda ghwa lufu, nani nichatotesha andu konyu kotasira mighondinyi.

WALAWI 26:30

Nichakunona andu konyu kwa ighu kotasira, na kughinona madhabahu ghenyu ghefukiria marumba; nicharikumba gharia ra mimbi yenyu aighu ya milimu yenyu ifue; nichazamilwa ni inyo.

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.

ZEFANIA 1:13

Mali rawo richadwalwa wunyika; nyumba rawo richatoteshwa. Hata ngera wariagha, ndewichaarikaia, hata wikeduawa mizabibu, ndewichaanywa divei yaro anduangi.”