JEREMIA 17:27 - Biblia Ilagho Jiboie Kwa Wandu Wose

²⁷ Ela mkalegha kunisikira na kuleghatala ituku japo ja Sabato, mkiduka misigo enyu na kungia nayo mbengenyi ra Jerusalemu ituku ja Sabato, niko nicharikora iro mbenge, na ugho modo ghuserimikagha ghuchanona ngome ra Jerusalemu.’”

JEREMIA 17:27 ပူးပေါင်းရင်းမြစ်များ

2 WAZURI 22:17

Angu wanisighie, na kufukiria milungu mizima marumba, eri winibonye nikaie na machu kwa wundu ghwa iro kazi ra mikonu yawo. Kwa wundu ugho nichakaia na machu ghibirie aighu ya Jerusalemu, hata ndeghichaahoa.

2 WAZURI 25:9

Ukaikora Hekalu na ngome ya mzuri, na nyumba rose ra wabaa rerekoghe andenyi ya muzi ghwa Jerusalemu.

2 MALAGHO GHA NGELO 36:19

Wikaikora Hekalu, na kughuchikanya wurigha ghwa Jerusalemu; wikakora ngome raro, na kunona vilambo vose va zoghori mbaa.

ZABURI 122:7

Sere ndeikaie andenyi ya mawurigha ghako, na wulindiri andenyi ya minara yako.”

ISAYA 1:20

ela mkalegha kusikira putu, mchatoteshwa kwa lufu, angu ini BWANA naghora ilagho iji.”

ISAYA 1:31

Mundu uwadie ndighi uchakaia sa itasa na kazi rake sa sisia ra modo, uchahianya na kazi rake hata mndungi usedime kumrimisha.

JEREMIA 17:24

“‘Ela mkanisikira, waghamba BWANA, nao mkaie msedukie misigo na kungia nayo mbengenyi ra muzi ughu ituku ja Sabato, ela muieleshe Sabato, hata msebonye kazi ingi,

JEREMIA 17:4

Wichajisigha isanga jerekoghe ifwa jawo nerewinekieghe, nani nichawibonya widumike andenyi ya isanga wisejiichi, kwa kukaia wawusira machu ghapo, nagho ghichaaka sa modo kwa kala.”

JEREMIA 18:1

BWANA oreghorieghe nani ukighamba,

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 21:14

Nichakukaba kunughana na mabonyo ghako ghizamie, nichakora modo andenyi ngome yako na kutotesha kula kilambo chiko mbai-mbai yake.”

JEREMIA 22:5

Ela mkalegha kusikira agha malagho, BWANA waghema kwa uo moni kukaia, inyumba ichanonwa.

JEREMIA 32:29

Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 39:8

Wababuloni wikaikora ngome ya mzuri, na nyumba ra wandu; wikaghuchikanya wurigha ghwa Jerusalemu.

JEREMIA 44:16

“Ndedichaakusikira kwa agho malagho kwadighoria kwa irina ja BWANA;

JEREMIA 49:27

Nichakora mawurigha gha Dameshki, na modo ghwaro ghuchakora na kumeria ngome rose ra Mzuri Ben-hadadi, ini BWANA wa majeshi naghamba.”

JEREMIA 52:13

Ukaikora Hekalu ya BWANA, na ngome ya mzuri, na nyumba rose ra Jerusalemu; orekorieghe kula nyumba erekoghe mbaa.

JEREMIA 6:17

Nawikie walindiri aighu yako ngighamba, ‘Sikirenyi lwaka lwa tarumbeta.’ Ela wikaghamba, ‘Ndedilusikiragha.’

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

KILILO CHA JEREMIA 2:6

Wainona Hekalu yake andu derekoghe dikimtasa, waribonya ndima na sabato risekaie. Mzuri na mkohani wawona seji uko na ndighi.

KILILO CHA JEREMIA 4:11

BWANA walekerie machu ghake ghose ghibirie; ukakora muzi ghwa Sioni ghukahia hata misinginyi.

EZEKIELI 16:41

Wichakora nyumba rako na kukutanya imbiri ya waka wengi; nani nichakusighisha ugho wumalaya ghwako, hata ndekuchaafunya malipo ghangi kwa wakundwa wako sena.

EZEKIELI 21:15

Luchaawibonya wandu wengi kufwa ngolo, na kughwa mbengenyi rawo rose. Naredie lufu luakaa-aka, looka sa luhehia, luzughulo lobwagha wandu.

EZEKIELI 21:3

kujizere kukaia ini BWANA nichalwa najo; nichakua lufu lwapo kiwonyi kwaro, nani nicham'bwagha mhachi na mmbiwi.

EZEKIELI 22:8

Mwavimenyere vilambo vapo va wueli, na kurinona Sabato rapo.

EZEKIELI 23:38

Aighu ya agho wanibonyere huwu: wakulushire Andu kwapo kwa Wueli, na ngelo iyo cheni wikarilusha Sabato rapo.

HOSEA 8:14

“Wandu wa Israeli waaghie ngome, ela wamliwie Muumbi wawo. Wandu wa Juda waaghie mizi ya ngome, ela nichaduma modo aighu ya iyo mizi ghukore ngome na mizi yawo.”

AMOSI 1:10

Kwa huwo nichaduma modo aighu ya wurigha ghwa Tiro, nagho ghuchakora ngome rake.”

AMOSI 1:12

Kwa huwo nichaduma modo aighu ya muzi ghwa Temani, na kurikora ngome ra Bosra.”

AMOSI 1:14

Kwa huwo nichaduma modo aighu ya wurigha ghwa muzi ghwa Raba, nagho ghuchakora ngome rake. Kuchakaia na ngemi ituku ja wuda, nagho ghuchabia sa kiremba.

AMOSI 1:4

Kwa huwo nichaduma modo ghukore ngome rereaghiloghe ni Mzuri Hazaeli, nagho ghuchakora ngome ra muzi ghwa Mzuri Ben-hadadi.

AMOSI 1:7

Kwa huwo nichaduma modo aighu ya wurigha ghwa muzi ghwa Gaza, na kurikora ngome rake.

AMOSI 2:2

Kwa huwo nichaduma modo aighu ya isanga ja Moabu, nagho ghuchakora ngome ra Keriothi. Wandu wa Moabu wichafwa wikidoghoda na kukema awudenyi na tarumbeta rikikabwa.

WUKUMBUSO 32:22

Nichajokwa ni machu sa lumu lwa modo nani nichakora kula kilambo ndoenyi. Ghuchasea hata Andu kwa Wafu, na kumeria miri ya mghondi.

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?