JEREMIA 17:25 - Biblia Ilagho Jiboie Kwa Wandu Wose

²⁵ niko wazuri weseria kifumbi cha nguma cha Daudi wichangia wikiidiria ihi mbenge ya ughu muzi, wikijoka magare na farasi, awo chiaimweri na wabaa wawo, na wandu wa Juda na awo wikaiagha Jerusalemu; na muzi ughu ghuchakailwa ni wandu kwa kala na kala.

JEREMIA 17:25 ပူးပေါင်းရင်းမြစ်များ

2 SAMUELI 7:16

Nyumba yako na wuzuri ghwako ghuchamangishwa putu imbiri kwapo ini kwa kala; na kifumbi chako cha nguma nichachimangisha kwa kala na kala.’”

2 SAMUELI 8:4

Daudi ukamsoka wajoki farasi elfu na maghana mfungade, na masikari gheghenda na maghu elfu mirongo iwi. Daudi ukasaghua farasi rekurudua magare ighana jimweri, ela farasi rimu zima, ukaridumbua mighenu na kurikelemesha.

KUFUMA 12:14

Mchakaia mkibonya ndima ya BWANA kwa wundu ghwa kukumbuka ituku iji vivalwa venyu vose; nenyo mchaitala kukaia ni Sharia ya matuku ghose.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JEREMIA 13:13

Niko aho kuchawizera, “BWANA waghamba, olenyi nichawiwongera wandu wose wikaiagha iji isanga. Wazuri wiseriagha kifumbi cha nguma cha Daudi, na wakohani, na walodi, na wandu wose wikaiagha Jerusalemu.

JEREMIA 22:2

“Sikira ilagho ja BWANA ee Mzuri wa Juda, kuseagha kidombo aighu ya kifumbi cha nguma cha Daudi; oho, na wadumiki wako, na wandu wako wingiriagha iri mbenge;

JEREMIA 22:30

BWANA waghamba huwu, “Kumuandike umundu sa usewadie mwana ungi; mundu usechaawona nicha kwa ilagho jingi, matuku ghake ghose; kwa kukaia ungi wa wuvalo ghwake ndechaadima kuseria kifumbi cha nguma cha Daudi, na kubonyera isanga ja Juda nguma.”

JEREMIA 22:4

Angu loli mkamsikira, wazuri wichaidiria kwa iri mbenge, awo wiseagha kidombo aighu ya kifumbi cha nguma cha Daudi, wikijoka magare na aighu ya farasi, awo, chiaimweri na wadumiki wawo na wandu wawo.

JEREMIA 25:5

wikighamba, ‘Ghalukenyi idana, kula umu onyu ufume kwa mighendo yake ya wuwiwi na mabonyo ghake ghizamie, mpate kujikaia isanga ijo BWANA oremnekieghe inyo na weke ndeyo kufuma koicho hata kwa kala.

JEREMIA 33:15

Matuku agho na ngelo iyo, nichabonya umu wa kivalwa cha Daudi ukaie mzuri, nao uchabonya hachi na loli isangenyi.

JEREMIA 33:17

Kwa kukaia ini BWANA naghamba, Daudi ndechaasowa mundu oseria kifumbi cha nguma andenyi ya Israeli,

JEREMIA 33:21

aho niko ilaghano japo na mdumiki wapo Daudi jidimagha kuchika, hata usowe mwana wa womi oseria kifumbi chake cha nguma, na wokoni ilaghano japo aighu ya wadumiki wapo wakohani wa Kilawi.

JEREMIA 7:3

BWANA wa majeshi uo Mlungu wa Israeli waghamba huwu, Boisenyi chia renyu, nani nichamsigha mkaie aeni aha.

JEREMIA 7:7

niko na ini nichamsigha mkaie aeni aha isangenyi ijo nerewinekieghe weke ndeyo kokala, mpate kujikaia kwa kala.

WUKUMBUSO 17:16

Umanye usekaie na farasi nyingi ra ijeshi jake, angu kuwibonya wandu wiwuye Misri kwendachuria farasi rikaie nyingi; kwa kukaia BWANA waleghie jingi msewuye ijo isanga.

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

1 SAMUELI 8:11

Ukawizera, “Malagho gha uo mzuri uchaam'bonyera nguma ghichakaia huwu: Uchawada wana wenyu wa womi na kuwibonya masikari wenighenjesha magare ghake, na farasi rake, na wamu weghenda na maghu imbiri ya magare ghake.