JEREMIA 17:22 - Biblia Ilagho Jiboie Kwa Wandu Wose

²² Msefunye misigo nyumbenyi konyu na kuiduka ituku ja Sabato, ela mchajielesha ituku ijo sa iji koni nerewilaghirieghe weke ndeyo.

JEREMIA 17:22 ပူးပေါင်းရင်းမြစ်များ

NEHEMIA 13:15

Matuku ghaja nerewonieghe wandu andenyi ya Juda wikikama zabibu ituku ja Sabato; wikareda kitungu cha viro na kuvidukishira weke punda, na divei, zabibu, tini na misigo ya kula mbari wikaireda Jerusalemu ituku ja Sabato ngawikania wandu wiseuzeghe vindo ituku ijo.

KUFUMA 23:12

“Kubonye kazi kwa matuku arandadu, ela ituku ja mfungade kusebonye kazi ingi, eri mzumba na mghenyi ukudumikiagha, hata na nyamandu rako wori ripate kuhora.

ISAYA 58:13

BWANA waghamba, “Kukalindia mighendo yako kuseinonagha Sabato, na kukulindia kusenughe bea rako kwa ituku japo jielie, na kujiwanga ijo ituku ja Sabato jiboie ja wueli, na ituku ja BWANA ja ishima; kukajineka ishima na kulegha ghenda charo, kusebonyagha kazi angu kuja malagho gha duu,

JEREMIA 17:24

“‘Ela mkanisikira, waghamba BWANA, nao mkaie msedukie misigo na kungia nayo mbengenyi ra muzi ughu ituku ja Sabato, ela muieleshe Sabato, hata msebonye kazi ingi,

EZEKIELI 20:12

Sena ngawineka Sabato rapo wiriwadieghe; ikaie alama aghadi yapo na awo, eri wipate kumanya kukaia ni ini BWANA niwieleshagha.

EZEKIELI 22:8

Mwavimenyere vilambo vapo va wueli, na kurinona Sabato rapo.

WALAWI 19:3

Kula umu onyu uchamneka ishima mae na ndee, nenyo mriwadie sabato rapo: Ini ne BWANA Mlungu onyu.

WALAWI 23:3

Matuku arandadu ni ghebonya kazi, ela ituku ja mfungade ni Sabato ehora; mkwanyike kwa wutasi, nenyo msakebonya kazi ingi; ni Sabato kwa BWANA andu uko kose mchaakaia.

ZEKARIA 1:4

Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe.

LUKA 23:56

Niko wikawuya kuboisa marumba na mavuda. Na ituku ja Sabato wikahora karakara na Sharia.

LUKA 6:5

Niko ukawizera, “Mwana wa Mdamu nuo Bwana wa Sabato.”

WUFUNUO 1:10

Nerekoghe andenyi ya Roho ituku ja Bwana; ngasikira lwaka lubaa sa lwa tarumbeta lukideda nyuma yapo,