JEREMIA 17:16 - Biblia Ilagho Jiboie Kwa Wandu Wose

¹⁶ Jingi sikushingirie kuwiredie mawiwi, hata serekundieghe ijo ituku ja mawiwi; oho kwamanya. Ijo nidedie jeko worinyi imbiri kwako.

JEREMIA 17:16 ပူးပေါင်းရင်းမြစ်များ

JEREMIA 12:3

Ela oho BWANA kwaniichi, oho kwadaniwona na kunitima seji nikuichi oho. Wifunye noko sa ng'ondi riendaabwaghwa, kuwiwike kula kwa ituku jawo jebwaghwa.

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

JEREMIA 15:15

Niko ngatumbulia, “Oho kwamanya ee BWANA; kunikumbuke na kunilindia. Kulipe kisasi aighu ya watiriri wapo. Kwa wundu ghwa uko kurumaghia kwako kusakenida kula; kumanye naawuyasholelwa kwa wundu ghwako.

JEREMIA 18:20

Welee, wuwiwi ghwalipwagha kwa wundu ghwa wucha? Sena hata hoku wanikotera kina winikumbe andenyi. Kumbuka seji nerechieghe kwako ngiwilombia, eri kusighe kukaia na machu nawo.

JEREMIA 20:7

Ee BWANA, kwanikalia nani ngakalikia; oho kwawadie ndighi kunichumba ini, na oho kwameria kusima. Nawuya kilambo chesekwa dime dii, kula umu waawuyaniseka.

JEREMIA 20:9

Ngaghamba, “Sichaamghora BWANA angu kughora kwa irina jake,” jiaghaluka ngolonyi kwapo seji ni modo ghuakagha, ghwarughilwa andenyi ya maindi ghapo; nani nalemwa ni kijighiria sidimagha kujikania.

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

AMOSI 5:10

Inyo mwadazamilwa ni mundu ukemiagha wuwiwi, na kughora loli kotinyi.

MABONYO GHA WADUMI 20:20

Mwaichi seji nisereleghieghe kumghoria kula ilagho jifwane ja kumtesia, ngimfundisha worinyi imbiri ya wandu, na nyumba kwa nyumba;

MABONYO GHA WADUMI 20:27

angu na jingi sereleghieghe kummbonyera njama yose ya Mlungu.

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

2 WAKORINTHO 2:17

Angu isi, ndediko sa wandu wamu wengi witumiagha ilagho ja Mlungu kwa fwaida rawo weni anduangi, ela deko sa wandu wa loli widumilo ni Mlungu; dadeda imbiri ya Mlungu andenyi ya Kristo.

JAKOBO 1:19

Manyenyi ilagho iji wanidu nimkunde: kula mundu ndekaie uangue kwa kusikira, ela ukaie wa mboa kwa kudeda, na wa mboa kwa kujokwa ni machu;

JAKOBO 3:1

Wanidu, wengi wenyu msekaie walimu, angu mwamanya kukaia isi dawuyafundisha, dichatanywa nandighi kuchumba.