JEREMIA 17:13 - Biblia Ilagho Jiboie Kwa Wandu Wose

¹³ Ee BWANA oho kuko isuwirio ja Israeli, wose wikusighagha wichafushwa waya, na awo wikughalukiagha nambai, wichalaghaya sa marina ghiandikilo andonyi kwa kukaia wamsighie BWANA, uo ndoria ya machi ghiko moyo.

JEREMIA 17:13 ပူးပေါင်းရင်းမြစ်များ

ZABURI 22:4

Weke aba werekusaghikieghe kwako; werekusaghikieghe kwako, na oho kukawikira.

ZABURI 69:29

Ela ini neko na kuwawa kwa wundu ghotirirwa; kukia kwako kuniwusire ighu ee Mlungu.

ZABURI 71:5

Oho BWANA ko isuwirio japo; nadakurumiria kufuma wanake ghwapo, ee BWANA.

ZABURI 73:27

Awo wikuleghagha, loli wichatota; na awo wiseko waloli kwako, kuchawisaghisa.

ZABURI 97:7

Watasi milimu wose wikukasagha na milimu isewadie fwaida ingi wafushwa waya; milungu yose yadaghoghoma imbiri ya BWANA.

MAKATANISHO 10:7

Kuwikumbuka wahachi ni irasimio, ela irina ja mmbiwi jichaliwika.

MAKATANISHO 14:14

Mundu mmbiwi uchaja matunda gha mabonyo ghake, na mundu uboie uchaja matunda gha mabonyo ghake.

ISAYA 1:28

Ela Mlungu uchawitotesha waleghi na wakaung'a; uchawisaghisa wose wimsighagha BWANA.

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

JEREMIA 14:8

Ee Isuwirio ja Israeli, na Mkiri wawo ngelo ya wasi; kwaki kwakaia karakara na mghenyi isangenyi kodu, sa mdambi olala kio chimweri tu.

JEREMIA 17:17

Kusakenibonya nikuobuo angu oho koko andu kwapo kokimbiria ituku ja wasi.

JEREMIA 17:18

Watiriri wapo ndewifusho waya, kunilindie nisefusho waya. Kuwibonye wichulo ni kiture, ela ini niseobuo kindo chingi. Kuwiredie ituku ja wasi, kuwibonye winoneke mando awi.

JEREMIA 17:5

BWANA waghamba huwu, “Mundu umsuwiriagha mdamu, na ngolo yake yaghalukie na mbai ikamsigha BWANA, uwado ni njowe.

JEREMIA 19:4

Kwa kukaia wandu wanisighie, na kukunona andu aha kwa kuifukiria milungu mizima marumba, iyo wiseiichi, hata weke ndee, hata wazuri wa Juda wiseiichi; na andu aha wakunonie kwa kudia bagha ra wandu wisewadie ikosa jingi,

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 2:17

Agha malagho ndekookuredia kumoni ee Israeli, kwa wundu ghwa kunisigha ini BWANA Mlungu wako, ingelo nerekoghe ngikughenja chienyi?

JEREMIA 50:7

Awo wose werewiwonieghe werewibwaghieghe; na wamaiza wawo wikaghamba, ‘Isi ndediwadie ikosa, ela awo niwo wibonyere kaung'a kwa BWANA, na aho niko andu kwawo kokaia kwa loli, uo BWANA, uko isuwirio ja weke ndee.’

EZEKIELI 13:9

Nichawikaba walodi wiwonagha mawono gha tee, na kulaghua malagho gha tee; ndewichaakaia andenyi ya njama ra wandu wapo, hata ndewichaandikwa andenyi ya chuo cha wandu wa Israeli, angu kungia andenyi ya isanga ja Israeli; nenyo mchamanya kukaia Ini ne Bwana MLUNGU.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

EZEKIELI 36:32

Nakunde mmanye angu siwuebonya huwo kwa wundu ghonyu ini Bwana MLUNGU naghamba. Fonyi waya mkambo ni chongo kwa wandu ghwa mighendo enyu, ee wandu wa Israeli.”

DANIELI 12:2

Na wengi wa awo wimerie kufwa na kurikwa ndoenyi, wicharukishwa. Wamu wighende kwa irangi ja kala na kala, na wamu wighende andu kofushwa waya na kumenywa kwa kala na kala.

JOELI 3:16

BWANA wadoka kufuma Mghondi ghwa Sioni lwaka lwake lwaruruma kufuma Jerusalemu; mawingunyi na ndoenyi kwasughusika. Ela BWANA uchawilindia wandu wake.

ZEKARIA 13:1

BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

ZEKARIA 9:12

Wuyenyi inyo m'barishiro muko na isuwirio, wuyenyi andu konyu kwa wubanana. Naghamba nichamlipa marasimio mando awi.

LUKA 10:20

Elaima msakeboilwa kwa iri, wei pepo rawikilo aisi konyu, ela boilonyi angu marina ghenyu ghaandikilo mlungunyi.”

JOHANE 4:10

Jesu ukamtumbulia, “Na ngera kodemanya inosi ja Mlungu, na nani uhu ukuzeragha, ‘Nineke machi ninyo,’ kumangu kwamlomba uo ukakuneka machi ghiko moyo.”

JOHANE 4:14

ela uo uchaanywa machi nichaamneka ini, ndechaaoma jingi; angu machi agho nichaamneka, ghichawuya andenyi kwake ndoria ya machi ghivumbulukagha irangi ja kala na kala.”

MABONYO GHA WADUMI 28:20

Kwa wundu ughu, niko namlomba diwonane dipate kudedanya; angu neefungwa na mnyororo ughu kwa wundu ghwa isuwirio ja Waisraeli.”

1 TIMOTHEO 1:1

Ini Paulo, mdumi wa Jesu Kristo uwikilo kwa amri ya Mlungu Mkiri odu, na ya Kristo Jesu isuwirio jedu.

WUFUNUO 20:15

na ikakaia mndungi userewonekieghe uandikilo irina jake andenyi ya icho chuo cha irangi, orekumbiloghe andenyi ya iyo ndiwa ya modo.

WUFUNUO 21:6

Nao ukanizera, “Ghabonyeka! Ini ne Alfa na Omega, uko kuzoya na uko kutua. U mundu uomagha, nichamneka machi gha ndoria ya machi gha irangi duu.

WUFUNUO 22:1

Niko uja malaika ukaniwonyera moda ghwa machi gha irangi, ghuko sa igho jing'alaa-ng'ala ghufumagha kwa icho kifumbi cha nguma cha Mlungu, na cha uo Mwana wa Ng'ondi na kuidia

WUFUNUO 22:17

Uo Roho, na uo mwai ulowolwagha waghamba, “Choo.” Na uo mundu usikiragha ndeghambe, “Choo.” U mundu uomagha ndeche; uo ukundagha, ndeghiwuse machi gha irangi duu.

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”