JEREMIA 17:11 - Biblia Ilagho Jiboie Kwa Wandu Wose

¹¹ Mundu upatagha mali kwa chia iseko ya hachi, oofwanana na ngwale ilaliagha maghi ghiseko ghake. Mali iro richatana nao ghadi na ghadi ya matuku, na kutua kwake uchakaia karakara na ikelu.

JEREMIA 17:11 ပူးပေါင်းရင်းမြစ်များ

AYUBU 20:21

Ukaja ndesigharagha kindo chingi, kwa huwo ndechaakaia na kilambo chingi.

ZABURI 49:13

Huwo niko ikaiagha kwa wandu wikurumirie weni; na awo wirumirianagha nawo kwa madedo ghawo.

ZABURI 55:23

Ela oho ee Mlungu, kuchawikumba wabwaghi na wandu wa mikalo kaburinyi; ndewichaadua moyo hata nusu ya irangi jawo. Ela ini nichakurumiria oho.

MAKATANISHO 13:11

Mali ripatiro kwa chia iseko na hachi ichapungua, ela uo utumbanyagha kutini kutini ucharichuria.

MAKATANISHO 15:27

Mundu ushamagha kuseko na hachi, wadairedia nyumba yake wasi; uo uzamilwagha ni hongo uchakaia moyo.

MAKATANISHO 21:6

Kushama kwa wukalo kuchasia shwa wori, na kuwuya mdegho ghwa kifwa.

MAKATANISHO 23:5

Kwadima kuriwona, kuwuye kurisowe; riakaia seji raabuka mawawa na kuburuka cha mawingunyi sa indu.

MAKATANISHO 28:16

M'bonyi nguma usetambukilwagha ni maza, ni mkinyanya mkorongi; ela uhu uzamilwagha ni kushama kusene hachi, uchabonya nguma kwa matuku mengi.

MAKATANISHO 28:20

Mundu uko mloli uchachulwa ni marasimio, ela uo ukundagha kufugha shwa-shwa ndechaasowa adhabu.

MAKATANISHO 28:22

Mundu ukurie na pesa wadashashira kufugha, hata ndemanyagha wei uchasowekelwa.

MAKATANISHO 28:8

Mundu uchuriagha mali rake kwa kuvara fwaida, uamtumbanyira mundu uko na wughoma na wakiwa.

JEREMIA 22:13

“Ni bugha kwa mundu uaghagha nyumba kwa chia iseko ya hachi, na ghorofa rake kwa chia riseko ra hachi; uo umdumikishagha mmbao duu, usemlipagha malipo ghake;

JEREMIA 22:17

Ela mawoni gha ngolo yako ni aighu ya fwaida risefwanagha, na kudia bagha ra wandu wisewadia ikosa jingi, na kukuzaisira maza rekoronga wandu.”

JEREMIA 6:13

Weechulwa ni bea wose, kufuma mtini hata m'baa wawo; wakunda kupata fwaida risena hachi, kufuma mlodi hata mkohani, kula umu uabonya mikalo.

JEREMIA 8:10

Kwa wundu ugho, waka wawo nichawineka wandu wazima; na mbuwa rawo nicharineka wandu wiwisimie; kwa kukaia kufuma mtini wawo hata m'baa wawo, kula umu wawo oochulwa ni bea ya fwaida iseko ya hachi; kufuma mlodi hata mkohani, kula umu uakalia wandu.

AMOSI 3:10

BWANA waghamba, “Awandu ndewiichi kubonya hachi, waawuyachura ngome rawo na vilambo visokelo wandu na wutoi.”

MIKA 2:9

Mwadawiwinga waka wa wandu wapo wifume nyumba wirikunde; mwawisokie wana wawo watini marasimio ghapo kwa kala na kala.

MIKA 7:3

Kula mundu uafunga ndighi kubonya wuwiwi. Wabaa na Watanyi wialola kuhongwa. Mundu wa wuya ghodeda wadawighoria agho ukunde ubonyero, nawo wasea kidombo chiaimweri kupanga malagho ghizamie.

ZEFANIA 1:9

Ituku ijo, nichawikaba wandu witasagha sa wandu wisemwichi Mlungu, na awo wiiwagha na kubwagha eri wichure nyumba ra weke bwana wawo na vilambo vesokwa.

ZEKARIA 5:4

BWANA Uwadie-Ndighi-Rose waghamba uchaiduma ihi njowe shighadi ingie nyumbenyi kwa kitoi, na nyumbenyi kwa mundu ughemagha kwa tee kwa irina jake; nayo ichakaia nyumbenyi kwawo na kuwinonia vilambo.”

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

LUKA 12:20

Ela Mlungu ukamzera, ‘Ee mkelu, ichi kio cheni, roho yako ichakundwa, na ivo vindo vako kuvibonyere vichawuya vani?’

1 TIMOTHEO 6:9

Na wandu wikunde kukaia na mali, waghwa na kungia matimonyi; wangia mdeghonyi, na andenyi ya bea nyingi ra ndengwa risewadie akili, iro riwinonagha, na kuwitotesha wandu.

TITO 1:11

Suti winyamiro, kwa kukaia waawuyasumbua wandu wose kula kinyumba kwa kufundisha iro maza risewifwane kufundisha; na agho waawuyabonya kwa wundu ghwa kupata fwaida isefwanagha.

2 PETRO 2:14

Weko na meso ghichue wulaki, nawo ndewikunde kutana na kaung'a. Wakalia wandu wanyonge; ngolo rawo rakufundishire kukaia na lwafuo; ni wandu wiwadilo ni njowe putu.

2 PETRO 2:3

Na kwa lwafuo lwawo wichamkalia, eri wikupatire weni fwaida. Kufuma kala Mtanyi wawo oko aeni, na Mtoteshi wawo ndelalagha anduangi.