JEREMIA 17:10 - Biblia Ilagho Jiboie Kwa Wandu Wose

¹⁰ Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 17:10 ပူးပေါင်းရင်းမြစ်များ

1 WAZURI 8:39

kusikire aighu kwako mlungunyi kukaiagha, kufuye wughoma, kum'bonyere kula mundu kunughana na mabonyo ghake ghose, kwa kukaia kwaichi ngolo yake; (angu ni oho kuekeri kuichi ngolo ra wandu wose.)

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

1 MALAGHO GHA NGELO 29:17

Mlungu wapo naichi kukaia oho kwatimagha ngolo, na kuboilwa ni wandu wecha kwa ishima na kwa wucha ghwa ngolo nakufunyira vilambo ivi vose kwa ngolo, nani nawona wandu wako wiko aha wikikufunyira kwa ngolo na kuzuma.

2 MALAGHO GHA NGELO 6:30

kusikire kufuma mlungunyi andu kukaiagha, kufuye wughoma, na kumneka kula umu seji kumwichi ngolo yake kunughana na mabonyo ghake, (angu ni oho, oho kuekeri kuichi ngolo ra wadamu);

AYUBU 34:11

Mlungu wadamlipa mundu kunughana na mabonyo ghake; wadam'bonyera kunughana na mighendo yake.

ZABURI 44:21

ndekoremanyagha e kuichi ngasu rose ra ngolo ee Mlungu?

ZABURI 44:22

Ela sena daawuyabwaghwa kwa wundu ghwako dime dii, na kutalwa kukaia sa ng'ondi ra kubwaghwa.

ZABURI 62:12

na lukundo lukatie. Oho BWANA kwadamlipa mundu karakara na kazi yake.

ZABURI 7:10

Wulindiri ghwapo ghooka na Mlungu; wadakira wandu wecha.

ZABURI 7:9

Ee Mlungu wa hachi, kuzighanagha nia na ngolo ra wandu; meria kiwiwi cha wandu wizamie, na kuwimangisha wahachi.

MAKATANISHO 12:14

Mundu wadapata mecha kunughana na madedo ghake, sa iji koni upatagha mafungu gha kazi yake.

MAKATANISHO 17:3

Feza na dhahabu radatimwa kwa modo; ngolo radatimwa ni BWANA.

MCHILI 9:3

Wuwiwi ghuko kwa agho ghose ghawuyabonyeka wurumwengunyi ni ughu: wandu wose kupatwa ni kutua kumweri. Aighu ya agho, ingelo wandu wiko moyo, wachulwa ni wuwiwi na isu, konyuma wafwa.

ISAYA 59:18

Uchawikaba wawiwi kunughana na mabonyo ghawo, na kuluya lugho kwa wamaiza wake. Uchaluya lugho hata kwa awo wiko masanga gha pwani.

JEREMIA 11:20

Niko ngalomba, “Ee BWANA wa majeshi, kutanyagha kwa hachi oho kuritimagha ngolo na nia ra wandu, nakulomba kunineke kuwona kukilipa kisasi chako aighu yawo, kwa kukaia irangi japo najisaghika kwako.”

JEREMIA 12:13

Wandu wawae ngano wikakuwida minjwa, wabonyere kazi mbaa, ela ndewipatire kindo chingi. Wichafushwa waya ni mavalo ghawo matini.”

JEREMIA 20:12

Ee BWANA wa majeshi, oho kuwitimagha wahachi; oho kuwonagha ngolo na nia, kunineke kuwona kukilipa kisasi chako aighu yawo, angu nakusaghika kwako.

JEREMIA 21:14

Nichakukaba kunughana na mabonyo ghako ghizamie, nichakora modo andenyi ngome yako na kutotesha kula kilambo chiko mbai-mbai yake.”

JEREMIA 23:2

BWANA uo Mlungu wa Israeli waghamba huwu aighu ya wabonyi nguma wiwilindiagha wandu wapo, “Mwasaghisire wandu wapo na kuwiwinga noko; hata ndemuwizighanire anduangi. Olenyi nichamkaba kwa wundu ghwa mabonyo ghenyu ghizamie.

JEREMIA 32:19

kuko m'baa kwa njama rako na kwa mabonyo ghako; kwadawona chia rose ra wadamu na kumlipa kula mundu karakara na mabonyo ghake;

EZEKIELI 11:5

Nao Roho wa BWANA ukakaia aighu kwapo, ukanizera, Ghora na wandu wa Israeli huwu, “Ini BWANA naghamba, Huwo niko mwawuyaririkanya, ela ini naichi seji mwawuyaghesha akilinyi konyu.

EZEKIELI 14:5

nipate kurighalua ngolo ra wandu wa Israeli cha kwapo, awo wilaghashiro na kufuma kwapo kwa wundu ghwa iyo milimu yawo.

MIKA 7:13

Ela ndoenyi kuchawuya ikara kwa wundu ghwa wuwiwi ghwa wandu wawuyaikaia.

MATHAYO 16:27

Angu Mwana wa Mdamu uchacha na wubaa ghwa Ndee andwamweri na weke malaika wake, nao uchamlipa kula mundu kunughana na mabonyo ghake.

MATHAYO 6:4

Mafunyo ghako ghibonyeke kivisonyi, niko na ndeyo uwonagha kivisonyi uchaakulipa.

JOHANE 2:25

Hata nderekundieghe mndungi umghorie maza ra wandu anduangi, angu oremanyireghe rose riko andenyi ya mdamu.

MABONYO GHA WADUMI 1:24

Nao wikalomba wikighamba, “Bwana, oho kumanyagha ngolo ra wandu wose, diwonyere ni uao aghadi ya awa wandu wawi kumsaghue

WAROMA 6:21

Morepatireghe fwaidaki ngelo iyo, kwa kubonya maza iro mwawuyariwonia waya idana? Angu kutua kwa maza iro ni kifwa.

WAROMA 8:27

Na Mlungu uo uzighanagha ngolo ra wandu wamanya seji Roho ukundagha, angu uo Roho wadawilombia waeli karakara na seji Mlungu ukundagha.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

WUFUNUO 20:12

Nani nerewiwonieghe wafu wabaa na watini, wiko kimusi imbiri ya icho kifumbi cha nguma; na vuo vikakuchulwa. Na chuo chimu chikakuchulwa, nacho ni icho chuo cha irangi. Na awo wafu weretanyiroghe kunughana na maza wereribonyereghe, iro rereandikiloghe andenyi ya ivo vuo.

WUFUNUO 22:12

“Olenyi niacha kafwani, niko na mafungu ghapo, nimlipe kula mundu karakara na seji ubonyere.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”