JEREMIA 16:20 - Biblia Ilagho Jiboie Kwa Wandu Wose

²⁰ Kwani mdamu wadima kukubonyera moni milungu? Iyo si milungu ingi.”

JEREMIA 16:20 ပူးပေါင်းရင်းမြစ်များ

2 WAZURI 19:18

na kukumba milimu yawo modonyi, angu iserekoghe milungu ingi, ela kazi ra mikonu ya wadamu tu, midi na magho; kwa huwo ikanoneka.

ISAYA 36:19

Eko hao milungu ya Hamathi na Arpadi? Eko hao milungu ya Sefavaimu? Welee, yakirie Samaria kufuma mikonunyi kwapo?

ISAYA 37:19

nao wakorie milungu yawo nayo ni kazi ya mikonu ya wadamu, ya midi na magho; niko oredimieghe kuinona.

JEREMIA 2:11

Mbari ingi jingi yaghalue milungu yaro, hata ngera si milungu ingi? Ela wandu wapo waindanishire wubaa ghawo kwa kilambo chisewirediagha fwaida ingi.

JEREMIA 5:7

BWANA waaghamba, “Nidima wada kukufuya wughoma? Wana wako wanileghie, na kughema kwa ivo viseko milungu ingi. Iji nerewijishireghe wikaghuda, werelakieghe na kungia andenyi ya nyumba ra malaya.

DANIELI 3:1

Mzuri Nebukadnezari ukabonya fwana ya dhahabu. Wulacha ghwaro meta mirongo iwi na mfungade, na wushapa ghwaro kaavui na meta idadu. Ukaiwika wurindinyi ghwa Dura andenyi ya isanga ja Babuloni.

MABONYO GHA WADUMI 19:26

Nenyo mwawona na kusikira si aha Efeso kuekeri, ela na Asia yose; seji uhu Paulo wakumba wandu wurumu na kuwighalusa wandu wengi, ukighamba wei milungu ibonywagha ni mikonu ya wandu si milungu ingi anduangi.

WAGALATIA 1:8

Ela hata ngera isi, angu malaika ufumagha mlungunyi, wamchilia ilagho jiboie izima jisefwananagha na ijo jeni deremchilieghe, ndewado ni njowe.

WAGALATIA 4:8

Aho imbiri, iji morekoghe msemwichi Mlungu, morekoghe wazumba wa iyo milungu iseko milungu kwa tabia yawo anduangi;