JEREMIA 16:17 - Biblia Ilagho Jiboie Kwa Wandu Wose

¹⁷ Angu nawuyawiwona kwa chia rawo rose, ndewivisikagha kwapo, hata na mawiwi ghawo ndeghivisikie mesonyi kwapo anduangi.

JEREMIA 16:17 ပူးပေါင်းရင်းမြစ်များ

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

AYUBU 10:14

Ngera nedebonya kaung'a, koniwonagha; hata ndekorenisighagha kusenikabie.

AYUBU 31:4

Mlungu waichi kula ilagho nijibonyagha; wawuyawona seji nighendagha.

ZABURI 109:15

BWANA nderikumbukeghee kaung'a rawo kari kose, nawo wiliwike ndoenyi putu.

ZABURI 139:3

Oho kwaichi seji nighendagha na seji nihoreshagha; kwaichi mabonyo ghapo ghose.

ZABURI 33:15

Uo uriumbagha ngolo ra wandu wose, wamanya mabonyo ghawo ghose.

ZABURI 51:9

Kusakerizighana kaung'a rapo; kughiaghie mawiwi ghapo ghose.

ZABURI 90:8

Kwaghifunukua mawiwi ghedu imbiri kwako, iro kaung'a redu ra kiviso reko worinyi imbiri yako.

MAKATANISHO 15:3

BWANA wadawona kula andu; wadamzighana mmbiwi na mucha.

MAKATANISHO 5:21

BWANA waichi maza rose mundu uribonyagha, nao wadaizighana mighendo yake yose.

ISAYA 29:15

Ni bugha kwa awo wimvisagha BWANA njama rawo, awo wiwikie mabonyo ghawo andenyi kivisonyi, na kukotia, “Nani udiwonagha? Na nani udimanyagha?”

ISAYA 66:18

Kwa kukaia nariichi kazi rawo na maghesho ghawo, nani nichacha kurikwanya mbari rose ra wandu wa viteto vizima vizima, nawo wichacha na kughuwona wubaa ghwapo;

JEREMIA 2:22

Hata kukuoghoshe na magadi na kutumia sabuni nyingi, ela wuchafu ghwa wuwiwi ghwako ghwaawuyawoneka imbiri kwapo.

JEREMIA 23:24

Mundu wadima kukuvisa andu kwake kwa kiviso nisemmbone? Waghamba BWANA. Welee, si ini nichurie mlungunyi na ndoenyi?

JEREMIA 29:23

kwa kukaia wabonyere wukelu andenyi ya Israeli, wikalaka na waka wa wambao, sena ii chia wiaghora tee wikiloda kwa irina japo nisewidumie. Ni ini niichi malagho agho sena neko mshahidi, Ini BWANA naghamba.’”

JEREMIA 32:19

kuko m'baa kwa njama rako na kwa mabonyo ghako; kwadawona chia rose ra wadamu na kumlipa kula mundu karakara na mabonyo ghake;

JEREMIA 7:11

Welee, i nyumba iwangilo kwa irina japo eewuya mbanga ya viting'a konyu? Ola nariwona iri maza ini moni, waghamba BWANA.

EZEKIELI 8:12

Niko Mlungu ukanizera, “Mwana wa mdamu, kwawona seji awaghosi wa wandu wa Israeli wawuyabonya akirenyi? Kula umu wawo waawuyatasa mlimu ghwake achumbenyi ukighamba, ‘BWANA ndewuediwona, BWANA wamerie kusigha iji isanga.’”

EZEKIELI 9:9

Nao ukanizera, “Kaung'a ra wandu wa Israeli na wandu wa Juda raaka mbaa nandighi; wandu wachulwa ni kudiana bagha isangenyi, na hachi kusoweka andenyi ya muzi ghwa Jerusalemu; angu waghamba, ‘BWANA wamerie kujisigha isanga; na BWANA ndewuewona.’

ZEFANIA 1:12

“Ngelo iyo, nichashoa taa nimlole Jerusalemu; nani nichawikaba awo wandu wikudukagha weni wikighamba, ‘BWANA ndebonyagha ilagho jingi icha angu iwiwi.’

ZEKARIA 4:10

Wandu wichafwa ngolo kwa kuwona kazi ya iaghi ikighenda mboa-mboa. Ela wichammbona Zerubabeli ukiiagha Hekalu, nawo wichaboilwa.” Malaika ukanizera, “Iro taa mfungade, ni meso mfungade gha BWANA ghizighanagha ndoenyi kose.”

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

WAEBRANIA 4:13

Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.