JEREMIA 16:13 - Biblia Ilagho Jiboie Kwa Wandu Wose

¹³ kwa huwo nichamfunya iji isanga na kumghenja isanga weke ndeyo wiserejimanyireghe, hata inyo wori; nenyo mchaidumikia milungu mizima aho kio na dime, kwa kukaia sichaammbonia wughoma ghungi.’”

JEREMIA 16:13 ပူးပေါင်းရင်းမြစ်များ

2 WAZURI 25:21

Mzuri wa Babuloni ukawikaba na kuwibwagha aho Ribla isanga ja Hamathi. Niko wandu wa Juda wikakaia wadwalwa wunyika na kufunywa isangenyi mzawo.

2 MALAGHO GHA NGELO 7:20

niko nichamfunya isangenyi ijo nimnekie, na ihi Hekalu niiwikie wakfu ikaie andu konitasira, nichaisigha noko niseiwoneghe, nayo ichakaia kilambo chimenyero wandunyi kose.

ZABURI 81:12

Kwa huwo nerewisighieghe wikaie wighilikie, na kubonya seji wikunde.

JEREMIA 10:18

Angu BWANA wagora huwu: “Ola nichawikumba noko wandu wose sa kukumba kwa kikuza wifume isangenyi ngelo ii cheni; nani nichawiredia wasi nao wighumanye.”

JEREMIA 14:8

Ee Isuwirio ja Israeli, na Mkiri wawo ngelo ya wasi; kwaki kwakaia karakara na mghenyi isangenyi kodu, sa mdambi olala kio chimweri tu.

JEREMIA 15:1

Niko BWANA ukanizera, “Hata ngera Musa na Samueli wadakaia kimusi aho, ngolo yapo ndayadimagha kuwighalukia wandu awa. Wifunye noko nisewiwone!

JEREMIA 15:14

Nichakubonya kuwidumikie wamaiza wako isanga kusejiichi, angu kwa machu ghapo, modo ghwakorelo ghuchaadua ghukiaka matuku ghose.”

JEREMIA 15:4

Nani nichawibonya wishinikilo ni mawuzuri ghose gha ndoenyi kwa wundu ghwa agho ghibonyero aho Jerusalemu ni Manase mwana wa Hezekia, mzuri wa Juda.

JEREMIA 16:5

BWANA wawuyaghora huwu, “Kusengie nyumba andu ifwa jiko hata kuselile andwamweri nawo, hata kuwadwa ni wughoma ghungi kwawo; kwa kukaia namerie kuinja irasimio japo ja kuwineka sere, na lukundo na wughoma.

JEREMIA 17:4

Wichajisigha isanga jerekoghe ifwa jawo nerewinekieghe, nani nichawibonya widumike andenyi ya isanga wisejiichi, kwa kukaia wawusira machu ghapo, nagho ghichaaka sa modo kwa kala.”

JEREMIA 22:26

Nichamuda noko cha isanga izima chiaimweri na mae uo oremvaeghe, andu mserevailoghe; nenyo mchafuya aho.

JEREMIA 22:28

Welee, umundu Jehoiakini waakaia sa nyungu imenyekie ibarikie, chombo chisetalwagha ni mndungi? Kwaki ukumbilo noko chiaimweri na wana wake cha isanga wisejiichi?

JEREMIA 5:19

Na ngelo wichaaghamba, ‘Ado kwaki BWANA Mlungu odu wadibonyera maza iri?’ Kuchawizera, ‘Sa iji koni winileghie na kuidumikia milungu ya kighenyi isangenyi kwawo, niko koni wichaawidumikia wandu wa kighenyi isangenyi jiseko jawo.’”

JEREMIA 6:15

Welee, werewonieghe waya ingelo werebonyereghe wuwiwi ghwawo? Hata kutini; ndewerewonieghe waya hata kufwa waya anduangi. Kwa huwo wichaghwa aghadi ya awo wimerie kughwa, ingelo nichaakaia ngiwineka adhabu, nawo wichakumbwa noko,” waghamba BWANA.

WUKUMBUSO 28:36

“BWANA uchakudwa chiaimweri na mzuri wako kumsaghue kughende kwa mbari kuseiichi oho, hata weke ndeyo; na aho kuchaitasa milungu mizima ya midi na ya magho.

WUKUMBUSO 29:28

Niko BWANA ukawifunya isangenyi kwawo kwa machu na kubia na makai mabaa, ukawikumba noko cha isanga izima seji iko idime.’