JEREMIA 16:10 - Biblia Ilagho Jiboie Kwa Wandu Wose

¹⁰ “Ngelo kuchaawighoria malagho agha ghose, wichakotia, ‘Kwaki BWANA waghora malagho mabaa ghing'ane huwu aighu yedu? Wuwiwi ghodu niki? Ni kaung'aki dam'bonyera BWANA Mlungu odu?’

JEREMIA 16:10 ပူးပေါင်းရင်းမြစ်များ

JEREMIA 11:17

Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

JEREMIA 13:22

Na kukaghora ngolonyi kwako, ‘Kwaki nachelwa ni iri maza rose?’ Ni kwa wundu ghwa wungi ghwa makosa ghako, niko nguwo rako rafunukulwa na oho kukadidikwa.

JEREMIA 2:23

Kwadima wada kughamba, ‘Ini silushiro, ini sinughie weke Baali?’ Zighana chia rako aja vololonyi, kuwone seji kubonyere. Kooka sa ngamila ya waka, ikimbiagha ii chia na ii chia.

JEREMIA 2:35

kwadaghamba, ‘Ini siwadie ikosa, na kwa loli BWANA walekie kunibonyera machu.’ Ola nichakutanya kwa wundu ghwa oho kughamba wei ndekubonyere kaung'a ingi.

JEREMIA 44:3

kwa wundu ghwa wuwiwi wereghubonyereghe na kuwusira machu ghapo, iji wereghendieghe kufukiria milungu mizima marumba na kuitasa; iyo, awo weni angu inyo, hata weke ndeyo wisereimanyireghe anduangi.

JEREMIA 5:19

Na ngelo wichaaghamba, ‘Ado kwaki BWANA Mlungu odu wadibonyera maza iri?’ Kuchawizera, ‘Sa iji koni winileghie na kuidumikia milungu ya kighenyi isangenyi kwawo, niko koni wichaawidumikia wandu wa kighenyi isangenyi jiseko jawo.’”

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

HOSEA 12:8

Wadaghamba, ‘Aa, dameria kuwuya wazuri wa mali, damerie kukupatira wuzuri; ndekuwadie mndungi udimagha kudishitakia wei deepata mali kuseko na hachi.’