JEREMIA 15:8 - Biblia Ilagho Jiboie Kwa Wandu Wose

⁸ Nachurie mtalo ghwa waka wawo wifuilo ni womi, wikakaia wengi kuchumba msangagha ghwa baharinyi. Nawiredia weke mao wasi kwa wundu ghwa wana wawo, kwa kuwiredia mtoteshi ngelo ya dimeghadi; Nabonyere kuwawa na wowa ghuwichee ghafla.

JEREMIA 15:8 ပူးပေါင်းရင်းမြစ်များ

ISAYA 3:25

Wandu wenyu wa womi wichabwaghwa kwa lufu; na wandu wenyu mang'oni wichabwaghwa wudenyi.

ISAYA 3:26

Mbenge ra muzi ghwa Jerusalemu richalila na kukema mchungu; na muzi ghuchakaia sa muka wasea kidombo wasighwa duu.

ISAYA 4:1

Ngelo iyo, waka mfungade wichammbwada mndwawomi umweri wikighamba, “Dichakulisha diweni na kukurusha diweni, ela kudirumirie diwangoghe waka wako, kudiinjire waya ghodu.”

JEREMIA 16:3

Kwa kukaia BWANA wawuyaghora huwu aighu ya wana wa womi na wa waka wivalo andenyi ya isanga iji, na aighu ya wavi wawo.

JEREMIA 18:21

Kwa huwo idana ee BWANA kuwiredie wana wawo njala, na kuwifunya wibwagho kwa lufu. Waka wawo ndewisowekelo ni wana wawo na womi wawo; womi wawo ndewibwagho ni makongo, na wandu wawo wa irika wibwagho wudenyi.

JEREMIA 22:7

Nichakuwikia watoteshi, kula umu na iswagha jake nawo wichadema nguro rako ra misida ireni riboie, na kurikumba modonyi.

JEREMIA 4:16

Ghorienyi iro mbari ra wandu kukaia m'maiza waawuyacha; tangazirenyi Jerusalemu huwu, “Wamaiza wawuyacha kufuma isanga ja kula, nawo wiakema aighu ya mizi ya Juda;

JEREMIA 5:6

Kwa huwo wichabwaghwa ni shimba ifumagha kilembenyi, na kikwau chifumagha kireti chichawitotesha. Inge yaawuyalaliria mizi yawo, mndungi uchaafuma ucharashulwa vipande vipande, kwa kukaia makosa ghawo ni mengi, na kuwuya nyuma kwawo kwakaia kubaa.

JEREMIA 6:26

BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.

KILILO CHA JEREMIA 5:3

Weke aba wabwaghilo ni m'maiza, na idana weke mao weewuya waka wakiwa.

EZEKIELI 22:25

Wabaa wa isanga jawo weeka sa shimba irurumagha ikirashua madiwo ghake; wabwaghie wandu na kuwusa mali na vilambo vawo va zoghori mbaa, na kusigha waka wifuilo ni womi wengi isangenyi jawo.

HOSEA 4:5

Mwaawuyakuwa kio na dime, na mloli waawuyakuwa chiaimweri nenyo. Kwa huwo nichamtotesha mayo Israeli.

LUKA 21:35

Angu jichawichea wandu wose wiko ndoenyi sa mdegho.